الأربعاء، 30 أبريل 2008

عشقى القديم

السلام عليكم

ازيكم :-

من عدة ايام كنت فى اجازة ..لم اكن متحمسة لها فى البداية ..لكن امى شفاها الله وعافاها اقلقتنى عليها واصرت على حضورى لزيارة بلدتى الصغيرة الجميلة

ذات الطابع الفريد والذى يشبهنى كثيرا ...

فى اخر مصر هى ...لا يمر عليها احد ...لابد لمن ارادها ان يقصدها ...

طريقها وعر وليست معبدة الطرقات

تحمل زخم التاريخ الاسلامى وعراقته ... اهلها طيبون لكنهم كثيرى الكلام كعادة المصريين ولكنهم يزيدون عنهم بانهم يمتازون بالرضا والفراغ

طموحاتهم محددوة ..والقليل يرضيهم ....ساحليون ...يعشقون البحر والسمك

ولا يتأففون من رائحته التى تعلن عن هويتهم الاصيلة كصيادين

أمر بين اسواق السمك ...يتذكرنى احدهم فيبتسم لى ابتسامة معرفة قديمة

كنت غريبة

اهيم فى الطرقات اتأمل البيوت واشم رائحتها .. كنت احب مدينتى باسلوبى

لم يعتادوه ..لم يقبلوه ... ولكنهم ...اخيرا فهموه ... ربما لم يفهموه تماما لكنهم

عرفونى ..وتقبلوا اختلافى .. طبيبون اهلى هم

ابتسم لحارس البيت الاثرى فينظر لى بتعجب متسائلا :-

لست من اهل البلد ؟ لم ار احد من اهل هذه البلد يزورها !!!!

اكيد انتى غريبة

تزداد ابتسامتى :- لا انا هى تماما

يرفض ان ادفع رسوما يعزمنى على الجولة الالف لى على حسابه وحساب بلدتى الجميلة القابعة على وجنة النيل فى سكون لاتعلن عن نفسها ابدا ..بل ربما تنفر منها الزائرين

اتسلق الجبل القديم

جاءوا اليه حاملين معاولهم والياتهم

أساوا هم لبلدتى الجميلة مدوا ايديهم الخبيثة لتعبث بها لتنقب عن اوهام يبتزون منها تاريخها ويسرقونها ويتركونها خربة

لكنها دائما ما تغفر ودائما ماتعيد بناءها وبنيانها القديم

لا يعرف قاموسها اليأس والاستسلام ..ولا تبغى علو فى الارض

يبنون فيها القصور فيفسدها هواؤها ...يبنون الاكواخ تدعمها وتعين لها حراسا

رائحتها لست كأى رائحة

ملمس رملها ليس كأى بشرة

مذاق الملح فيها ليس كأى طعم أخر

جميلة هى مدينتى

بسيطة

عريقة

ساكنة

تهيص مع الهيصة ثم تعود تدير وجهها عنهم لتستلقى على حافة الزمن بلا مطالب

احبها

احبها فى كل احوالها

اغيييييييييييب

واعود لها

تقبلنى

فاحتضنها

الاثنين، 28 أبريل 2008

تفنن 2

عشر حاجات تنكدى بيها على جوزك

1- لما تلاقيه جى من الشغل طالع عينه وعلى اخره وزرابينه طالعة ابقى احكيله على

مشكلة البت شوشو بنت بنت خالة والدتك اللى ضفارها اتقصف ولما يتعصب عليكى

ويرزعك يمين بالتلاتة ابقى قوليله يا حبيبى بخفف عنك وبوريك مصايب غيرك

*******************
2- لما يكون نايم يوم الجمعة اومى فاتحة سارينة الاسعاف والاستغاثة عشان الواد

الصغير ماغلسش سنانه ..ولما يصحى مفزوع استهبلى وقوليلىو انتى بتطقطقى بقك

كدا يا واد

صحيت ابوك يوم اجازته

طاب انزل يا حبيبى بقى مادام صحيت هات الفول والفلافل

********************

3- لما يحلاله الفرجة على الماتش قومى بسرعة لمى اللعب اللى مبعترة ادام التلفزيون

ولما يقولك
يا ستى نورى عايز اتففففففففففففففففففففففرج

قومى اعدى ادامه بالظبط وفهمينى :

يا حبيبى انا عيزاك تتفرج برواقة داانت الغالى وانا

لى الا راحتك ولا تبالى اطلاقا بمحاولاته لرؤية الجون اللى طار

************************
4- لما تكونى اخر الشهر وبتلفى فى السوبر ماركت معاه ويجى يدفع يلاقى الفاتورة

600 قوليله
: يا حبيبى اصل ورق التواليت غالى اليومين دول وجيبهولك من المعطر
عشانك مخصوص عشان عارفة انك نزيه

بس ابقى اتصلى بمامتك قبلها جسى نبضها

على اعدة طويلة حبتين

*******************
5- لما يديكى 500 جنيه تجيبى بيهم لبس الاربع عيال للعيد وانتى وبدلة له ابقى

اشتريله شرابين وطقم داخلى وقوليله قلنا انت اولى بالعيد مننا وخنصرى ال15 جنيه

الباقيين
******************
6- لما يجيى يومين اجازة ورا بعض مثلا شم النسيم مع 6 اكتوبر ابقى ابعتى الولاد عن

د مامته و قوليله انا وانت بس النهاردة حنتعشى عشا رومانسى واعزمى كل عيلتك

واقلبيه دراماتيكى ولما يتعصب قوليه
انا ست متجددة بحب اغير مودك عشان ماتملش

ييييييييييا حاابيبى
**********************
7- لما يكون عازم حد من صحابه فى البيت قومى مبهدلة البيت وعلى صوتك وانتى

بتنادى عليه عشان ياخد ازازة المية للضيوف وقوليله البيت فاضى خد صاحبك وانزل

اشترلنا جبنة وزيتون وبسطرمة وبيض ولبن وعصير وتمر هندى ونعناع وشاى وسكر

ونسكافية و3كيلو موز و2 كيلو تفاح واربع كيلو خوخ ولما يرجع قدمى للضيف شوية

لب يازازهم لما يقولك ايه ده قوليله
بنسلى الضيف وحط معاه الفوار عشان الاملاح

********************
8- لما تنزلى مع اصحابك ابقى ارجعى بعد يجى اتناشر سبعتاشر ولما يقولك

اتتتتتتتتتتتتتتأخرتى ليه يامدام ؟

قوليله :كنت بدورلك على وردة بستاج بفيونكة بمبة

******************
9- لما يقولك انا نفسى اعد اتكلم معاكى شوية وحاسس انك وحشانى
روحى جرى عليه وقوليله طبعا يا حبيبى يا غاااااااااااااااااااالى اى والله غال
واتفتحى فى الكلام وماتنسديش واخلصى من اخبار العيال اللى ضربوا بعض لجارتك اللى اتخانقت مع اللى تحت عشان حباية العنب اللى وقعت من طبق الواد فى بلكونتها
وكل مايحاول يفتح بقه قوليله
اسسسسسسسسسسسسسكت مادريتش ...........

********************
10- لما يقولك ورايا شغل وحضطر اسافر يومين ابقى لمى العيال وارطى ايشاربك على راسك وادخلى على سكرتيرة المدير بتاعه وظبطيهااااااااااااا

***********************************

الحمد لله عدنا ارض الوطن بسلام ....... شكرا لكل من اهتم وبعت رسالة او ايميل

او اتصلوا ...الرحلة اكنت ناقصاكم وان شاء الله نكررها مع بعض (بنات ) اعداء لا

بالمناسبة الناس اللى مخها بيحدف لبعيد هه الفايتر سمكة فعلا وانثثثثى ومالهاش اى ابعاد خزعبلية اخرى

ودمتم

الأربعاء، 23 أبريل 2008

رد تحفظ ماء وجهك امام الله ورسوله يوم القيامة

قوموا فرادا او جماعات

لكن انصروا الله فيكم
.........



" ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي


http://kawlansadida.blogspot.com/2008/04/blog-post_21.html

وجزاكم الله عن إسلامكم خيراً"

الاثنين، 21 أبريل 2008

تفنن

دا ايميل جالى .....ايه رأيكم ؟؟؟؟؟؟ مين عايزة تضيف عليه؟( ابتسامة صفرا خفيفة )
عشر طرق عشان تعكنن على مراتك
1-
اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة
طبعا يُراعى ترك آثار سمنة على الارض مع ترك التلاجة مفتوحة وقشر البيض فى الحوض
*******
2-
اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناة الفضائية وقالي ان الحلقة دي هى المسلسل كله
ولو كنت بتتفرج على ماتش كورة هيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب
ملاحظة : اغلب النساء ذوو ثقافة كروية ضعيفة
*******
3-
الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى
*******
4-
فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
*******
5-
لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها
*******
6-
ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية دي ياحياتي حطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده
*******
7-
لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك
*******
8-
لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
*******
9-
لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورة واسألها فى براءة : ارمي دي فين ؟؟
*******
10-
وانت قاعد تتفرج على التلفزيون وهيّ طالع عينها فى تنظيف البيت وبعد ما تخلص وتيجي يدوبكك تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعني
*******


السبت، 19 أبريل 2008

صباح جمييييييييل

اعتذر لكل من سببت له قلقا على او منى
الامر بسيط
نسيب البطاطا فى حالها ...ونظرا لكثرة الايميلات نعود مرة اخرى الى هدفنا الاساسى من دخول هذا العالم الخرفان
الى كل سيدة تأمل فى خيرا
وصدمت لضعفى
اولا : البوست مزيج من موقف لى وموقف مع اخرى حدثتنى عليه فطق الدم فى دماغى كالعادة
ثانيا :انا لى نقاط ضعفى واوقاتى الخاصة التى احب الانفراد فيها (ويبدوا نه اصبح حلم)
ثالثا : لكل منا ابتلاوءه وجهاده فلا نستصغر شيئا ولا نحقر جهد احد
رابعا : ماانا الا مطلقة مثلكن او سيدة تملك نفس ضعفكن ربما تحاول الوقوف بجدية اكبر ومن الله عليها بخطوات واسعة
وهذا ماجعلها تقوم للمساعدة للاخرين
خامسا :بكره الطبطبة ماحددددددددددددددددددش يطبطب على هه
سادسا : البطاطا زى الفل وانسجمت هى ومحارب (سمكة الفايتر ) سمتها محارب لانها اتت بيت كله مقاومات للعيش
فلا تقلقوا
نفرغ من جهاد لقمة العيش الى جهاد اخر وهو الرد عليكم
ولاتنسوا الجهاد الاعظم على مدونة قولا سديدا
فهذا وقت تظهر فيه المعادن
فداك يا سيدى يارسول الله
كل التحية
وهذا رابط البوست الذى لم ينشر فى وقته لتعب البطاطا
دمتى بالخير يا من تعرفين نفسك ولك البوست ...الى ان تسمحى لى بالاعلان عنك

الجمعة، 18 أبريل 2008

عابر سبيل

همو الجبال الشم فسل عنهم كل مصطدم

قالت :
هدأ من روعى ..وسكب النور بصيصا
خفت وهربت زاد البصيص شعاعا
امتصصت النور فحل الظلام
فاشعل يده ....... وقال انا لك معين
خفت .. .هاجمته .. اخذ يداى يرينى
المكان .. يرينى الجمال
يسكب فى روحى التفاؤل
والحياة
ارض خصب انا
نسيت انى انا
رأيتها معه
صغيرة
على ظهره
تلهو وتغضب
وتثور وتركل
كان الاكبر
كان الاعقل
كان هو
لكنه
عاد
وبعد هدأتى
رمانى من فوق ظهره

....
ولكى سيدتى اقول:
ليس هو
ان المحب لمن احب دليل يرى عليه من اثاره حين تتضح صورتنا
وحين يظهر مافينا
هو عابر سبيل
فلا تفتحى بابك لعابرى السبيل
انظرى جيدا
ولا تأملى كثيرا
اعلم انك لم تأمليه حبيبا قط
فقط
كنت تنظرين اليه
وتتسألين بعد اصراره
او انت؟؟؟؟
قولى يا سيدتى له لهم جميعا :
حينما ترغبون فى التواصل معى ..لاترسمون لى صورا فى اذهانكم وتحاكمونى عليها
ثم تنفذون الاحكام عقابا على انى لم اكن هى حينما اتعامل مع احد اكون انا فما بدا منى هو انا شئتم ام ابيتم اعجبتكم او رفضتمونى وكما اقبلكم بتهلهل انفسكم مثلى ولكل منا ابتلاؤه فاقبلونى باهتراء نفسى والا فارحلوا
غير مأسوف عليكم
فلم ادعى يوما ...انى غيرى
.........
وفى السخط لا فى الرضا يبان المحب من المبغض
.........
قال
احبك

قلت
تمهل
ان للحب
دليل؟؟؟؟؟

قال
انا المشتاق
اذا ما بدا منك عيب
فانا بحشى القلب اهيل


قلت
لم تر


قال
ان فؤادى
صب
وهو لك بقليل

قلت :من انا؟
اوتعرفنى؟!!!!!
انى عنى غريب
عليل!!!!!!

قال
بل انت انا
لم تزل
من الضلوع
واليها تميل
قلت مهلا
لنعد
لست انا
اوأنا ؟

قال :بلى
سكنت
ضلوعى
حين حوتك
تطيل
او لم نكن
قبل
الورى معا
فى
النزف
نسيل
بل
انت.
وان لم تعرفى
فعهدى بك
طويل


لم
اقل


لم يقل




قال


عفوا


لم


يكن

الا

توهم

لم ار

كان

الليل
أليل


قلت


لابأس

امض

قال
لى نصح
لك
كثير

قلت

الان
ترانى؟!!!!!!!!

فلا عين

المحب
انت
ولا
أطيل

يكفى
انى لوهلة

كنت احسبك

هو

ارحل
قد ان وقت
الرحيل

.........

؟؟؟؟
ولكم اقول
البطاطا الصماء التى نستهزى بها وبما يمكن ان تعطيه
تتحداكم اليوم
ان كنتم فهمتموها يوما و
ان كنتم اسرتم لياليها قبلا فهى الان تملك الصباح
اليوم بارك الله فيها
زاد جمالها
فما كان تقلبها الا مراحل نموها وخروجها من غشاءها القبيح
يختفى جدرها القبيح شيئا فشئيا ليحل فوقه فروعا يملؤها الحسن
هى الان لاتخجل من جدرها الاصم الذى سخرتم منه
كانت تود ان تريكم حسنها ان تحصدوا ثمارها لانكم تحملتموها قبلا
لكنكم وقبل حصادكم لفظتموها . حين اتتكم تهرول ... فعلمت انكم لم تزرعوا
فلن تحصدوا
هى اليوم تسجد لله شكرا تميل الى الارض بافرع غضة
تترشف من نوره ... تشكره على ستره
تحمده على فضله وماهى بمؤدية وان حاولت ان توفيه
البطاطا اليوم تعلن بقاءها
تعلن انها تشكر كل من رحب بها وهى جدرة مريضة
لاملامح لها مشوهة مهترئة القلب والنفس والروح
وهى الان تقفل ابوابها دون من لم يقبلها وهى جدرة
وهى متقلبة وهى مريضة ضعيفة
كانت دائما جميلة
تحتاج العناية والوقت والصبر
تحتاج الصدق والاخلاص والوضوح
لكنكم لم ترون حسنها
ولن تروه
.............
احتراما للبطاطا
اوقف الكلام
حتى تنعم بالراحة
بعد عناء ولادتها

الخميس، 17 أبريل 2008

احببته فكيف انساه ؟

ليس المحب من تبذل له انما المحب من يبذل لك حين يتوقف بذلك
.......
نعم اكاد ابصم على ذلك
ليس الحب ان تجد محبوبك رائعا مثاليا فتنهل من مثاليته وروعته
انما الحب ان تجده مهلهلا فتستره وتداويه
لا تمنعه من ان يسمع كلمة ود وهو فى قمة اهترائه الانسانية
وهو فى قمة جفائه لك ..ولا تنتظر منه مقابلا ...بل ابذل كل ماتقدر واذا لم يستجب فاتركه فورا
ولا تبك مامنحت له فهذا واجبك كمحب ولا يجب ان تأخذ مقابلا عن ادائك واجبك
...........
كان متحمسا للكلام
ولما شعرت بخوف اضطربت فظهر شىء بســـــــــــــــــــيط من تقلبى الناتج عن تدافع عشرات الاسئلة والاحتمالات
لكنه ورغم علو صوته قبل انا يطالب زميلتى بالتوسط فى مفاتحتى بالزواج منه
واصراره على مقابلتى ولو لدقائق يثبت فيها انه غيره وغيرهم وغيرنا وغير انت غير
........
قابلنى فى حضور والدى واهلى ومر اليوم بسلام وزاد تمسكا بى
لم اقتنع بكل ماقاله
عن انى استجابة الله لدعائه وهذا الكلام الذى لا طائل منه كنت انتظر الفعل
قلت له انتظر حتى ترى عيوبى ربما تغير رايك؟ اكد لى انه يعرفنى جيدا
اكدت له انه لايعرفنى
ظل يؤكد ويؤكد
ومع اول موقف لى ... خاف وجرى هههههههههههههه
غريبة جدا الرجال والنساء كمان لو اتصرفوا كدا
هى
تحدثنى بتساؤل كبير متلاحق لماذا ؟ لماذا اتى ولماذا مشى ؟
..............
احيانا عزيزتى اشعر اننا لم يعد فى حياتنا شىء الا التساؤل ...جالى ليه سابنى ؟ ضيعته ليه ؟ حبيته ؟ ليييييييييييييييييييههههههههههههههههههههههههههههههههه
اولا
نحن لم نكن ذوات مغامرات ...تزوجنا على سنة الله ورسوله من بيوتنا من وسط اهلينا ...باعلان شرعى كامل الاركان
بميثاق قوى متين ...لايفهمه معظم بنات واولاد اليومين دول
ليه؟
هو مين ربانا ؟ مين علمنا ؟(سامعة حد بيقول ماتربتيش )احترم نفسك وعيب
خليكو معايا وسبكم منه
المقصد والمراد والعلة والهدف .... اننا لم نتعلم (رجالا ونساء ) كيف نتعامل مع بعضنا البعض
وابرز مثال ماحدث لى فى هذا الموقف وغيره كثير
بعد طلاقى بحثت عن اى من المنظمات التى تعين النساء ليساعدونى على الوقوف والتفكير
لم اجد وما وجدته كانت اشكالا ماسخة لاروح فيها ...تخيلوا يبقى المعنى بالجروحين موظف ؟؟؟؟؟؟؟؟
كيف سيشعر بهم؟؟؟؟ ...من اين له التفهم لالامهم واجاعهم واهاتهم المتتالية ؟؟؟
هذا ليس قدحا فيهم لكنه حق وواقع
حاجتنا الى الاستماع لبعضنا ليس ترفا ولا مضيعة للوقت بل هو لقاء لله وبالله لالمصلحة او غرض او علة الا الجرح والاستنهاض لبعضنا البعض ....لا متفوق بيننا ولا علو مكالنة او عظم شأن بل نحن حلقة واحدة تتماسك اركانها بكل فرد فيها
كثيرا كثيرا مافكرت لماذا دائما حلقات العلم والذكر دائرية ؟؟؟؟
لماذا الارض نفسها كرة لا حواف لها ؟؟؟
؟؟؟؟؟؟؟؟؟
لاننا سواسية ... لان الحلقة لامفضل فيها ولا مفضال ... لانها نحن ونحن هى ...من تقع لاتجد ارضا بل تجد يد ممسكة بها طوال الوقت من جانبيها
لاننا ننعم باكمل دين واكمل منهج واكمل نبى واكمل امة مهما بدا منها ومهما حدث لها فهى خير
الاسلام صامد او منتصر لاشىء اخر لا ضعف ليس فى الاسلام (واقصد هنا فتراته ) ضعف او استكانة بل صمود
ونحن مسلمين وبالاسلام نكون وبغيره لانكن شىء ذا قيمة
لابد لنا ان نتعلم ..ان نقف الان جميعا وقفة واحدة كل منا فى جانبه
نتهجى مفرادتنا
انا مسلمة
انا انثى
انا طالبة علم
انا ابنة
انا اخت
انا زوجة
انا ام
انا صديقة
انا زميلة
.........
نعيد صياغة فهمنا لتلك المعانى معا نبحث عنا فينا وليس فلا الاخرين فنحن فى رحمة كبيرة وفرصة نادرة
صديقتى الجديدة القديمة قدم ارواحنا ( لكى كتبت ولكى عدت ولن اوافيك حقك )
صديقتى هذا ردى على الجزء الاول من سؤالك
واما الجزء الثانى فلا املك له جوابا لابد ان تسمعيه ممن حولى ليس منى انا
وربما يكون ردهم
هى تجتهد
وهذا مبدأيا يرضينى الى حين

الأربعاء، 16 أبريل 2008

صباح البطاطا


فى مكتبنا فى العمل ثمرة بطاطا مورقة تثير فى نفسى التفاؤل كل صباح
فروعها رقيقة جدا وورقتها شبيه بالزهرة بس مثلثة ولونها اخضااااااااااااار
فكرت فى يوم
بما انى لايعيش لى موبايلات ولا عصافير ولا رجالة ولا اطفال ولا زرع
فكرت
ما اجرب مرة تانية واشترى واحدة وازرعها
قالت لى زميلتى :
لن تزهر ..هى غير مناسبة .وليس اوانها
لكنها عادتى
اراهن على الخاسر ..يعنى حنسيبه كده لوحده
....
وان شاء الله حتطلع
(ماكنتش متأكدة من خبراتى القديمة مع بختى لكن املى فى الكريم)
......
قررت اضعها فى برطمان النسكافية الفاضى ووضعتها اسفل شباك الصالة
هى نبات مائى ظلى
راضية بما يقدم لها
............
نسيتها ولم اهتم بتغيير الماء الا لمامًا ...رغم انها امامى كلما دخلت من باب الشقة
ورغم ذلك لا ارها!!!!!!!!!!!!!
...
فى صباح مبكر جدا اليوم
لفتت نظرى
اورقت واينعت
ومش بس كده
فروعها طالعة فى شموخ لفوووووووووووق
سبحان الله على الجمال
من الجدرة الصماء دى يطلع منها الحياة النابضة دى
الله
لله بعباده اشكال من الرحمة قد تمر على الاعين دون ان تستوقفها
الا قلب الملهوف المحب له ولكل ما ابدعت يداه
...
جمييييييييييلة
هو بصراحة ماينفعش اقول لفتت نظرى الاولى طست نظرى
يا جاموسة بصى
انا هنا
.......
رؤيتها فجأة اثارت فى قلبى سعادة لم اعهدها من زمن بعيد
فجأة اختلف شعور الخنقة والضيق والكأبة الذى سيطر على فى الايام الماضية
شعرت انه يوم جديد
احب هذا الشعور
بكره النكد الصبح
مهما يحدث احب ان اتفاءل صباحا ...وقد اجهدتنى المحاولات لذلك فى الفترة الاخيرة
لكن اليوم..........


اقتحم الشعور قلبى بقوة
فجأة

تذكرت بابا عندما كان يعود متاخرا واكون قد نمت فيضع البسبوسة فى فمى
هسسسسسسس
اه سنانى باظت مالكمش دعوة اللى بيوجعنى بخلعه
نص بقى فاضى ..بس طظ
يكفى طعم البسبوسة الحلو على حين غفلة ....يكفى المفاجأة
وانا احب المفاجأت الجميلة
والاحلى منه
انى عارفة ان بابا عارف انى بحب المفاجأت
لكن
منذ ايام حدثت لى مفاجأة اصابتنى فى مقتل ..ارقتنى واصابنى خوف شديد
ضاع منى لوهلة شعورى بالامان
كنت التفت خلفى من الخوف
ورغم ذلك كان لها مع كل هذا طعم البسبوسة القديم المفاجىء
الان اصبحت لااعشق البسبوسة
لكن لابأس
مازال
النهاردة يوم جميل
صباح البطاطا
جربوها
حتحبوها
وتحبوا يومكم الجديد
....

الى الجهاد

الاثنين، 14 أبريل 2008

الشرك

نبات الفخ
نبات يعيطك مظهره شعورا بالجمال والوضوح المفرط .... لونه البراق يبهر العين فيجذب بكل من تتوق نفسه الى لمحة من الراحة والاستكانة
ومع انه يعلن دون حذر عن نفسه بالعديد من المنبهات سواء بالاشواك الظاهرة على حوافه..
...وكذا شراسته الواضحة فى كثير من الاحيان وضرواة طابعه ...
وتقلبه الدائم مابين الرقة المتناهية والخشونة الفظة
الا ان الحشرات الغبية المشوقة الى شىء تميل وتستند عليه تهوى على اسطحه الملساء
فيقبض عليها ويمتص روحها
هل نلوم النبات ؟؟؟؟
هل نلوم الحشرة المتوهمة والتى راهنت على انه لن يستغل وهنها ؟؟؟؟؟؟؟؟؟؟؟
................
العيب عيب من ؟؟؟؟؟؟؟؟
ليس هناك عيب
هذه طبيعة النبات وقد اعلن عن نفسه فى خطفات حتى يريح نفسه من عذاب الاحساس
بالفريسة .... اظهر الرقة لانه جائع ولابد من التحايل فهو لايرض بالمتلطعات ولا يرضيه
الا طعم البراءة الشهي ولابأس بذوات الفضول الاهبل
المهم
اننا لسنا حشرات
ولاتسمحن لانفسكن ان تكن طعاما له
حتى ولو بمجرد اشباع فضوله النهم لمعرفتك وكشف اسبارك واستارك
وان حدث؟
فطظ
تعلمى
التعليممممم غالى ومش بالساهل
..........
هذا لاينطبق على رجل او شىء بعينه
انما ينطبق على شىء
بداية من سيدة فضولية فى مركبة او فرح او مناسبة
ومرورا بالرجال واشباه الرجال وانصاف وارباع وفتفوتة رجل
والذكور واشباه الذكور الخ
وانتهاءا بالنت ومايظهره لك من اقنعة براقة لامعة يرتديها كل من اراد ان يتحلل من نفسه اويهرب منها او يهرب اليها
وما يعطيك من امان زائف بالبوح والثقة فى الردود المواسية او المفرطة فى امانها
.........................
كل هذا جميل ويمكنك التعامل معه فى حالة واحدة فقط
ان كان عندك اكتفاءك الخاص
اذا كنت لاتسعين خلف امل واه ان تجدى امانك هنا
فى عالم من الاقنعة
وتصبحى انتى البت الواو التى حققت الذى لم يحدث (كعادتنا فى احلامنا )
................
لذا فهذه دعوة لكل من تحب ان تشاركنا فى ان نلملم انفسنا معا مطلقات او غيرهن
فى عمل مجموعة نتقابل فيها نتشارك فيها همومنا ونفرغ مشاعرنا المتأججة والمفرطة فى الغضب حتى لانصب سواء غضبنا وعدم ثقتنا فى الناس التى لاذنب لها سوى انها حملت نفس جنسه ...او سواء ببث مشاعر واحزان لاعلاقة لها بالعلاقة الشرعية بين كل من الطرفين
...فلنداوى بعضا البعض
ابدأ ذلك بوضع الايميل الخاص بى حتى تفرقن بين التعليقات التى ستنشر والرغبة فى الالتحاق بالمجموعة
فعلى من ترغب بالتعليق ان تنشر كالمعتاد
وعلى من ترغب بالالتحاق الاتصال بى على البريد الاتى
l3lahakhier@gmail.com
.........
ودمتم بالخير حبيباتى
...........
تحديث
سامحونى فى عدم الرد
البيت بيتكم وردوا بما شتئم

الخميس، 10 أبريل 2008

كان اسمه حبيبى

كان أحلى ماحدث لى فى حياتى
منه تعلمت الحب وانا قلبى لم يفقه بعد كيف يتهجاها........كنت عندما احتضنه يمتصنى داخله
فاشعر بامان وهدوء وانسى امر الشباب الذى يلعب على كومة الرمل ...والتى كانت رؤيتهم تثير فى الخوف
كنت كعادة المراهقات فى هذا السن الملخبط ...اتمنى ان اكون غير مرئية
تسأل الفتيات فى هذا السن قبل ان تحلم بالفستان الابيض وشألة الدهب فى الخطوبة كنتى بتحلمى بايه ؟
تقولك احلم امشى على الكورنيش من غير ماحد يضايقنى
وأخرى تقول
احلم ان كل اللى على الكورنيش يسبوها ويعاكسونى انا
هييييييييييه ايام
قبل ان تعلن اطوار الانوثة هجومها وتدخل الاحلام دائرة الاوجاع والكوابيس
كنت اقابله بعيدا عن الاعين
تتلقفنى عيونه الجميــــــــــــــــــــــــلة بكل الحب.... بكل الامان... بكل الشوق
كنا نعيش قصة لامثيل لها
كنت احادثه ..واحكى له كل الاشياء التافهة التى تعنينى
كان يستكين ويميل الى جانب وجهى يلامسه
وحينما اتى اليه اشكو ابن خالتى المدلل المزعج الذى دائما مايكون سببا فى نهر خالتى لى
كان يفتح فمه ويصدر صوتا مخيفا لكنه يشعرنى بامان لاحد له
غريبة جدا
ان يملك الحيوان هذا القدر من الفهم والتواصل والاحتواء ولا يشعره بشرى من لحم ودم !!!
رماح
كان حصانى الذى لم امتلكه لكنه توجنى فوق رؤس الدنيا
الذى علمنى كيف يكون الحب حينما يكون مريضا وانا طفلة غبية تلهو فوق ظهره
فلا يبدى تعبا ولا مللا ولا تأففا ولا ضيقا
ملأنى زهو حينما حرم الركب إلاى
يوم موته
أتانى الى البيت لاول مرة وصهل اسفل شباكى ومضى
خرجت ملهوفة ابحث عنه ...جريت جريت حتى وصلت الى شجرة الجميز
وانفاسى تمزق صدرى بسكين زاد من حدته شعور مقبض
لم اجده !!!!!!!
تسللت الى الاسطبل
وجدته طريحا كورقة ملقاة باهمال ..لم ينقص من وسامته المرض شيئا لم يتوجع لم يتأوه لم ينخ
وعدتنى عيناه الا تتركنى جريت عليه التمس كل الادعية التى احفظها علها تسعفه عله لايأخذ معه اجمل ايامى
لم اشبع منه بعد ..
بالله لاترحل يا رماح انت مش صاحبى؟ حتسبنى لوحدى بقى ازاى ؟
رماح خليك جدع ومتخضنيش
انت كويس صح؟
مش اتفقنا انى لما اكبر حتبقى شاب جميل ونتجوز ؟!!
انت حتسبنى ولا ايه ؟
احتضنه كأنه يهوى من جبل ويتعلق بحضنى كى لايسقط
ازهرت البراعم من دموعى فوق رقبته
بكيت بكيت ...تتفتح من عيونى منافذ جديدة تمد العون
عرفت البكاء وذقت الحزن قبل ان اعرف كيف اكتبهم
ماهى مفراداتى كأنثى
رحل
.........
تذكرته مع زوجى حينما نهرنى بشدة فسقط الطبق من يدى وانتفض جسدى
فحوقل وبسمل كعادته وكأنه لم يكن سببا في ذلك وقال لى دعى البقايا سألمها فيما بعد
دموعى تخنقنى ..انظر الى وجهه على ارى شبها من رماح
لكنه يجلس امام الكمبيوتر ويردد لو تعبانة ماتقوميش ولو تقدرى تعمليلى كوباية شاى يبقى يا سلام
ولا انتى تعبانة
لم انظر اليه وغممت لاابدا مش تعبانة الحمد لله
توجهت الى المطبخ واحضرت الجاروف والمكنسة اجمع البقايا فغمغم وهو لم يرفع عينه عن الكمبيوتر
يا بنتى سبيها حالمها
كان صوته اوهن من ان يسمع
جمعت البقايا وعملت الشاى
اعطيته له فلم يشعر بى
لبست اسدالى وخرجت الى الشرفة واطفأت الاضاءة وجلست
كنت استمد بعضا من ذكرياتى مع رماح لتمدنى بعون ما
..
لم ادر بالوقت ثم جاء وجلس بجوارى وقال لى كل ده سرحان فى ايه
فنظرت فى عينيه مباشرة وقد اعتادت عينى الظلام وقلت:
رماح
فقال :الحصان اللى حكتيلى عليه
قلت له ايوة
وايه اللى فكرك بيه
انت
وتركته ودخلت

الثلاثاء، 8 أبريل 2008

نكد .. لا ..مش طالبة

الى :انسة بدون عنوان ( خايفة اتجوز )
طاب بذمتك هو فى جواز ؟
ولا بقى تلاكيك ؟؟؟
يا بنتى اتجوزى اولا وبعدين خافى
شعور طبيعى
ولو اتطلقت
ابقى تعالى اعدى جنبنا
بس بالمناسبة
انا مش حعد انا حكمل
................
لماذا نتعامل مع الحياة على اننا مش واخدين بالنا ؟
الحياة رحلة طالت ام قصرت ،سرت فيها وحيدا او بصحبة ،سعدت ام شقيت بوحدتك او بصحبتك
على اد فهمى القاصر دون الرشد :ان الزواج ده ربنا خلقه لنا عشان كل جزء ناقص فى كل واحد بيحن للتانى
ولما يكتمل المفروض خلاص الكيان اصبح مكتمل نهدا بقى ونكمل مشوار الرحلة واحنا اكثر اتزانا
واشباعا وسكنا وامنا ورحمة وعيشة بقى هيييييييييييييييييييييييييه
......................
وطبعا لاننا مش واخدين بالنا ..نفضل ننكد على بعض وعلى اللى جاييبن بعض
واللى عرفونا فى يوم مع بعض واللى فكر فى يوم يعرفنا ...دى ايه الخيبة دى ؟
...................
تصدقوا ان الانسان اذا لم يكافح النكد الزوجى او الحياتى اجمالا بياخد على كدا
يعنى اذا مالاقاش حد ينكد عليه ينكد على نفسه
تسألها :شكلك متغير انتى كويسة؟
تقول: مش عارفة ايمة من النوم منكدة
.............
طاب يا ستى اتنكدت بالليل فى حلم ولا اتخبطت فى دماغك فى عمود السرير
ولا كرمب شنج رجلك وقومتى بالاثر دون معرفة السبب خلاص بقى..
دا يوم جديد يا مؤمنة !!!!!!!!!
والاغرب بقى ان الشعور ده بينعكس على كل اللى حواليها وتيجى تفكها عشان انت تتفك
تعقدلك عقدة بشنيطة وتكلكعها
مع ان اليوم طوييييييييييييييييييييييييييل والنكد ما شاء الله شحيح اوى اليومين دول
لما خايفة نبقى زى السويد وننتحر من الفراغ والسعادة والملل
يا ختى فكيها
................
نفسى اسمع
ان شاء الله خير
ان شاء الله ربنا حيسترها معانا
ان شاء الله ربنا كريم وحيفكها
ان شاء الله مش حيحصل حاجة وحشة
ان شاء الله حقابل واحد لااحسن منه ولا اسوأ واحد كنت نصه الناقص وبس
نكمل المشوار مع بعض
ولو نكد على ىىىىىىىى؟؟؟؟؟؟؟
وخلى همى هوومشاكله ونكده مش مشوارنا اللى كنا حنكمله؟
يبقى يتأكد ان الطريق مافيهوش طوب كبير .....
وان كان الزلط بيعور برضه
ماهى مش ناقصة بقى
...
الا المطلقات بقوا مالهمش روح للمناهدة ليه؟
مع ان حياتهم سهلة ومريحة
ومع ان الحياة جمييييييييييييييييلة
..
طاب والله
حتفرج وحتبقى فل وبكرة تقولى لعلها خير قالت
كله خير

الاثنين، 7 أبريل 2008

ارسمى خطوطك

سيدتى
كم من البشر يتيح الله عز وجل لهم تلك المنحة فى اعادة تنظيم اوراقه ورسم خطوط حياته وربما شخصيته ايضا
كم ؟!!
قليل القليل
كثيرون هم من يعيشون عذابات لاتنتهى يتمنون فرجا بأى صورة كانت
ويشتاقون الى نقطة النهاية بلا فائدة
ولكنك أتت لك تلك الفرصة
لماذا تصري على النظر للناحية المظلمة من الامر ؟؟؟؟؟
ليس عيبا ان تكونى اخطأتى معه او فيه الاكثر عيبا ان تصرى على الخطأ بان تعيشى
الاشفاق على نفسك وتهملين تحليل الامر والاستفادة مما سبق لينير لك القادم
الاكثر عيبا أن تعيش احساس المقهورة المظلومة طوال الوقت ..حتى مع صحته
ان هذا الدور مرهق لروحك جدا ..محبط يدفعك للظلام والكأبة واليأس من رحمة الله
انظرى الى من يقوم بهذا الدور واحساسنا نحوه كلما اشتكى او زاد بكاؤه
تخلصى من كل ذلك
كونى ايجابية .. اعلى على اخطائك ..تجاوزى عما يخزيكى
ابحثى عن بقعة ضوء داخلك
تعلمى كيف تكونى انثى من جديد
ليس مهما ان تظلى على ما علمك ابواك وعلى نمط السابقين فى التعامل مع الطلاق او غيره بل الاهم ان تعيدى صياغة جديدة لنفسك
تللك الصياغة لاتتنكر ابدا من اصلها ووجودها الاصلى بل ترى الجميل فيه تشعر بالامتنان نحو كل ساعد على هذه الصياغة ولكن ( هذا هو ذدورى انا الان فى تنسيقها وفق الظروف الجديدة )
اعيدى البناء او اكمليه كل حسب وضعه وتكوينه
جددى من نفسك دائما البسى جيدا واطبخى لنفسك احلى والذ الاطعمة
تعودى ان تشترى لنفسك كوبا ترغبين فى الشرب فيه وطبقا مبهجا
...
لا تضحكى
هذه وصفة مجربة ...هذه الاشياء البسيطة تعطى لوجودك تأكيدا
هذه المفردات البسيطة مهمة
هذا احبه.. هذا يسعدنى .. احب ان اكل اليوم كذا
ستقولين لى :-
(وهو انا لى نفس لحاجة )
هذا هو السبب
بل هو عين المطلوب وفى هذا التوقيت بالذات
ابدائى فورا التغيير
بابسط الاشياء
انسى انك مطلقة وتذكرى انك اليوم انسانة

الجمعة، 4 أبريل 2008

الصفعة

سيدتى :
الخطوة الثانية
ان تكتفى بهذا من ضياع عمرك وضياع كل رغباتك القديمة فى تحقيق شيئا ما فى اثبات وجودك فى هذه الحياة
الخطوة الثانية
ان تعيدى لنفسك ثقتها بالله وبالحياة وبنفسك
الخطوة الثانية
هى ان تمسحى دموعك وتحزّمى قلبك (سواء كان بينزف منه او عليه ) وتقومى
الخطوة الثانية
انك ترمى كل ده ورا ضهرك وتكملى . طظ فى اللى يتكلم عليك طظ فى الخاييين .طظ فيهم كلهم
بص ادام ..اياك ترجعى تبصى ورا ...اياك
فى البداية مش حتعرفى تجيدى كل ده بس بعد كدا حتتعلمى واحدة واحدة
حتتعلمى لما تسمعى كلمة سخرية من واحدة فاضية تروحى لغاية عندها وتقفى ادامها وتبصى اوى فى عينيها وتبتسمى بطرف بقك وتسيبها وتمشى
صدقينى
الناس تجيد الصفعات على حين غفلة منك
لا تحزنى ان كان امانك بهم اتاح لهم ان يفعلوها ..لا تندمى ولا تهتزى ولا تردى الصفعة
بل احرميهم من هذا الامان ..
لاتملئى قلبك بالاوجاع
صديقتك هربت منك؟ ...احسن الحمد لله ..بانت على حقيقتها ..مع السلامة
اهلك عينهم فى وسط راسهم منك كل ماخرجتى؟
معلش حافظى على مواعيدك وقولى وجهتك وامشى ..وهما كمان اخدوا الصفعة
فلازم يحسوا بالامان
زملائك بيجربوكى ؟ وبيختبروا ابواب حصونك القديمة
اصفعى هنا وبقوة وبكل ماتملكين من حزم
بعد الطلاق ..بعد ما بتخسرى اقرب الناس لك اللى لسه كنتى فى حضنه
مش بيكون صعب انك تقصقصى الناس
المهم بلاش تعجل فى القرارات
انتى مصابة بسوء ظن كافى للعالم كله
فاحسن حاجة تهدى وتبعدى عن الناس
ومدخليش نفسك فى متاهات جديدة
حبيبتى
دمتى بالخير

الخميس، 3 أبريل 2008

يوما ما

يوما ما ...
سيطيب قلبك ..ستقنعين بما لديك
ستعرفين ان الامر لم يكن صعبا
تخف الالام ..وتهدأ الدقات
ويعلو صوتا فى عقلك
تنسجمين قلبا وعقلا وروحا وجسدا
تعزفين لحنا بدون نشاز
تعرفين
ان الحياة ليست بهذه القسوة
وان الورود اجمل
وان البيت اوسع
وانك اليوم
اجمل
يا نسيمات صارت سحرا من شذاها الكون قد عبقا خبرينا عن أحبتنا وعن الاهلينا والرفقا

قائمة المدونات الإلكترونية

المتابعون

اليكم: حبا فى رسول الله

اليكم: حبا فى رسول الله
شعار حملتنا

Recent Comments

وهذا كتابى

وهذا كتابى
اجمل واحب كتاب

سلم على طه التهامى واذكرنى امامه وادعيلى

سلم على طه التهامى   واذكرنى امامه وادعيلى
اكتبهالنا
Powered By Blogger

لم يعرفوه لكنهم سيعرفونه يوم شفاعته الكبرى

لم يعرفوه لكنهم سيعرفونه يوم شفاعته الكبرى

الفم الذى يخرج منه النور لاينفث نار

الفم الذى يخرج منه النور لاينفث نار
مسلمون ..لربهم طائعون

من أنا

صورتي
القاهرة
مسلمة مصرية مدرسة روحها طلعت الله يرحمها... ورغم ذلك سعيدة ومتفائلة