نهاية الاسبوع:-
لحظة:
السلام عليكم ...
اصابنى نوع من القلق الكتابى ..وهذا لااحبه ... اصبح هناك تجاوب من الناس بعيدا عن موضوع المدونة الاساسى ... فى كتير من المدونات اصبحت تبغى الاعداد وتتبارى فى كمها ..ودا غريب اوى ... المفروض ان المدونة مساحتك الخاصة ..ليس لها شكل واحد لانها بتاخد شكلك ..ومودك ... وتعبر عنك فى كل احوالك
...ومتهيالى دا لايناقض بعضه ابدا ... المدونة بالنسبة لى ليست كمًا يتجاوب معى... ومن معرفتى لنفسى لو نزل عدد زوارى وضيوفى الاعزاء للصفر بردوا حاكتب (غتاتة) ... لانى بتخيل دايما كلامى متعلق فى صفحة فاضية فى السما ... بيبسطنى بس برجع اخاف .. انا بتكلم كتير والكلمة مسئولية .. ودى مشكلة
لذا لحظة ...
اجدد النية من تانى ..واحسب حساباتى
موقف الاسبوع :
طفل صغير جاء الى يقول :
- استاذة ؟
- نعم ؟
- انا بطلت اخلى اختى تفتح الباب وبقيت انا اللى افتحه .. انا كدا بقيت راجل ؟
- ايوة .... اما بنبى بيت بنبى طوبة وبيكون خلص ؟
- لا
- بالظبط .... كل ماتعمل حاجة فيها مسئولية حتحط طوبة جديدة المهم انك بدأت
- طيب هو انا لو بقيت راجل مش حينفع ابوس حضرتك
صدمت وتنبهت لما يقصده
- مانا حلحق ابوسك قبل ماتبقى راجل وتخلص البيت كله
- انا بحب حضرتك اوى انا اسف حضرتك قلتى لازم نعمل حاجة نقول بيها بنحبك ومش نتكلم بس ..بس بس انا كنت عايز اقولها
- لازم تقولها لانى لازم اسمعها منك عشان اتأكد انك بتحبنى ..انت حاسس انى بحبك انا كمان
- اه بس حضرتك بتحبينا كلنا ... عشان كدا انا عايز اكون رجل بجد عشان حضرتك تحبينى اكتر
- ................................
- بس انا بحبك اكتر دلوقتى لانك بتحبنى اكتر
يسارع الى ويضمنى
قبلة لن انساها وحضن كنت بحاجة اليه ...
*******************************************************************
اى اثر نتركه فى هؤلاء الصغار دون ان ندرك ؟!!!!!!!!!!
*********************************************************************
احلى ماقرأت هذا الاسبوع :
من لم يجد فى قلبه زاجرا فهو خراب
**************
لا حرام علينا الا نظرة تقتضى بيننا حجابا
ولا مكروه علينا الا فكرة تحدث فى القلب سرابا
فالجحيم مع الشهود مودة والنعيم مع الغفلة عذابا
************
اما والذى قد قدر البعد بيننا وعذبنى بالشوق وهو شديد
وخصكم بالصبر دونى وخصنى بحزن عليكم يبتدى ويعيد
وصبرنى مهما شممت نسيكم أشد لقلبى راحتى واميد
لقد ذاب قلبى من دموع عليكم على انه فى النائبات جليد
فيا ليت شعرى هل على ما لقيته وكابدت من جور الفراق مزيد
لئن عاد ذالك الوصل او عاد بعضه وملتم اليه اننى لسعيد
على انها الاقدار قد تبعد الفتى قريبا وقد تدنيه وهو بعيد
****************************
أغرب خبر
لم يعد مايثير استغرابى ولا دهشتى اتوقع اى شىء
*********************************
اصعب وقت
حينما يمر الوقت بك وانت تراه ولا تستطيع ان توقفه لحظة حتى تستعيد مافاتك
***********************************
الحدث المفاجىء
ارتباط احدى قارئاتى العزيزات بمن طلبت مشورتى فيه
(كونى انتى فقط ولا تخافى ... الحب لم يعد مجرد ورود حمراء )
مبارك حبيبتى
*********************************
خبر سعيد
استقرار حالة قلب امى المضطرب .... ورفضها للعريس قبلى (مجاملة لى باين)
حجوجة
اعلم انك تقرأين
لذا
انا عايزة اقولك حاجة
ياترى
يعنى
دلوقتى
اقدر
اطلب
..أ....أ...
صنية سمك محترمة من ايديكى
هههههههههههه
واحدة بواحدة عشان تبطلى تخضينى عليكى
بوسيلى بابا ..ولكما احب الناس واغلاهم واقربهم قلبى الذى طاب بكما
.jpg)
.jpg)
المشاركات
هناك 36 تعليقًا:
عجبني الموقف اللي مع الطفل اوي فكرني بموقف حصلي يوم عيد الام اللي فات بس ميتحكيش هههههههه
معاكي حق بالنسبه للكتابه في المدونه في ناس بحس ان عدد التعليقات عندهم اهم من البوست نفسه
كل جزء في البوست محتاج تعليق بس باين كده نسيت بأيته :)
خالص تقديري
بجد بوست جميل ومنوع , وفيه اشياء كتير بتثير التفكير
تحياتي
محمد
صغيرتى الجميله
مش هعرف ارد على البوست كده ده لازم له قاعده ربيعيه فى حديقة الازهر ولاعلى كورنيش النيل لكن لغيت ما قبلك هقولك احسنتى واجملتى وصدقتى
مع خالص حبى وتقديرى
إنتي يتفكري في الأثر اللي بنتركه في الأولاد و انا بفكر في جنب تاني خالص
إزاي الأطفال بقوا بيفكروا... حاجة مرعبة
الطفل مبقاش طفل و بيتكلم زي ما بيشوف في الدش
للأسف قانون المنع غير معترف بيه في بيتي و إلا كنت هامنع اولادي من التليفزيون خالص
لكن أبوهم عايز كل حاجة تكون متاحة ليهم فميدوروش عليها بره
معادلة صعبة جدااااا
مرمر
اهلا بيكى
اكيد لانك مدرسة بس انا الموقف كان صادم لى لانى مدرسة مراحل مراهقة ودا طفل صغير يادوب دخلتله مرة ولا حاجة
انا بترعب من افكارهم وببقى حذرة جدافى التعامل معاهم
نورتينى
الفارس اهلا يا محمد نظام التعليقات الللى تنفع اى بوست دى ماتمشيش معايا هه؟
ههههههههه
كل التحية
القيثارة
حبيبتى ماقلنا مجرد جمال مصرى عادى كدا حصدق .........
طبعا قريب جدا بس المرة دى بقى مش طابخةةةةةةةةةةةةةةةةة
اه
بقى
ههههههههههههههههههههههههههههه
ربنا يبارك فى محبتنا وصحبتنا امين لاتتخيلى اليوم ده فرق معايا جدا
كل التحية
انتى شخص جمييييييييييييل بصدق
تمتلكين احساسا مرهفا وحنانا كبيرا
ربما لم تتحدثين فى موضوع يشعرنى بتلك المشاعر
ولكن كفانى شعورالولد تجاهك
وهم اصدق خلق الله
حبيبتى
دمت دوما بخير
وممكن ااكل معاكى فى صينية لاسمك
هههههههههه
ميتو
ازيك حبيبتى
التلفزيون بلوة على الاطفال..كارثة لازم الام ماتتركش الطفل امامه دون توجيه او اشراف وتحليل الاشياء لهم وتوضيح الخيال من الواقع
دمتى بخير
تحياتي
اولا أحييك علي الموقف مع الطفل...و اكيد الطفل لن ينسي هذا الموقف ابدا
ياريت كل المدرسين و المعلمين يكونوا اقرب الي طلابهم و تلاميذهم ..يكونوا قدوة لهم...مرة أخري أحييك.
بالنسبة للمدونة...فعلا هي تنم عن شخصية صاحبها و ثقافته...و اتجاهاته
و هي مدونة شخصية بالطبع.
صينية السمك....يعني فتحتي نفسي للصينية...و الوقت الان ظهرا و الجوع
كافر...يا ستي بالهناء و الشفاء..و ربنا يحفظ لك بابا و ماما من كل سوء.
تحياتي و تقديري
يا اهلا يا قبوطان
بقى يعنى حتبصلنا فى حتة الصنية عيب على ربان اعالى البحار يا باشا تلاقيك حتزعنف من كتر السمك ...... حرام هههههههههه
لا تتخيل لذة طعم الاكل من ايد الحجوجة هى اكلها مش استايل لكن ايه النفس ده؟ ولا ده اكل الحبيب ولا ايه ؟ بس تصدق انى لما برجع من الاجازة الكل بيقول وشك منور وباين عليك الصحة ....ربنا يبارك لنا فيهم يارب ...يارب ماتحرم اى حد من احبابه اللهم امين
اما الاطفال دول فادايه متعبين منى عين يجى اليوم اللى ابطل تدريس بس عشان المسئولية الشنيعة دى لكن سبحان الله كل يوم تزيد المسئوليات ..
اذا على القدوة اقسملك انهم كتير واد ايه ناس محترمة وقل ما يجود الزمان بهم لكنهم جميعا مبتلون وكأن الله يطهرهم ويحكم الامر عليهم فيزيد بريق لمعانهم
ييييييييييه ااتكلمت كتير تانى
حلو اوي الموقف مع تلميذك
بالفعل المدرسه والمدرس لهم اثر جامد فى حياة الطفل يمكن يفوق احيانا تأثير الاهل نفسهم .
دوري انتى فى ذاكرتك تلاقي عندك مواقف مع مدرساتك يمكن علمتك كتير اوي
ربنا يكرمك انتى وكل الى زيك ويسترها مع ولادنا يارب
وبعدين صنية سمك ؟؟؟
كل ده عشان رفضت هى العريس من قبل ما انتى ترفضيه ؟؟؟
طب امال لو تجوزتك غيابي تطلبي ايه ؟؟
هههههههههههههههههههههه
انا هعلق على حاجة واحدة بس رغم ان البوست مليان
بجد احترم فيك عدم الاهتمام بعدد التعليقات لان احنا بنكتب عشان اسباب تانيه اهم
او على الاقل بعضنا كده
تحياتي
بالنسبة للمدونة كلامك كله صح
احنا بندون عشان نعبر عن نفسنا مش عشان نعرف كام واحد هيرد علينا
بالنسبة للموقف بتاع الطفل فصدقيني الطفل ده هيفضل فاكر الموقف ده طول حياته و هيبقي ليكي عليه تأثير كبير جدا
حصلي موقف زي كده و انا في اولي اعدادي مع مدرس لأ انساه ابدا و الي اليوم كل ما اقابله افتكر الموقف و تأيره في حياتي و افكاري كلها
اختى الحبيبة:ما اجملك
التعامل مع الاطفال كانت متعتى قبل ان اترك وظيفتى والان اجدها مع ابن اخى
والحمد لله كل ذكرياتى معاهم رائعة ومليئة بالحب والضحك وتعرفى ذى ماكنت بعلمهم هما كمان كانوا بيعلمونى
على فكرة البوست بجد منوع ورائع جدا حاسة فيه بنضج وحاجة حلوة مش عارفة احددها
انا هعزم نفسى معاكى على صينية السمك
بحبك جدا دى مش رشوة ولا حاجة ههههههه ده شعورى بجد
دمتى بخير
شيماء سمير
كلامك مخجل جدا ومجاملة غير عادية ويكأن وشى احمرررررررر
ههههههه
مش معقول الاخلاقيات دى الناس كلها سابت البوست وباصة لنا فى الصنية ...حرام بقى كدا
هههههههههه
ربنا يكرمك ويبارك فيكى
صبرنى يارب
اهلا اهلا بيك
فعلا ربنا يستر على اولادنا
الموقف هزنى جدا لانه كان حوار غريب ولازم تردى بحذر لان كلمة حتؤثر فى تكوينه مدى الحياة
شكرا على زيارتك الغالية
خايف
يا اهلا ببورسعيد واهل بورسعيد
اشكرك جدا بس هى د ى الحقيقة واجمل مافى التدويين هو عدم خوفك وشجاعتك فى التعبير والكتابة وفوق كدا وكدا هى امانة وبينك وبين ربك بقى ما تقول ...
داخلنى الشعور الغبى ده بان العدد بيزيد فتضايقت وكان لازم اجدد نيتى تانى
كل التحية لقلم عزيز وصاحبه مع كامل احترامى
جيفارا
اهلا بك والمدونة نورت
اه اذكر ان مدرس الفرنساوى مرة اتعصب على ورمى الكتاب فى وشى عشان حليت كتير فى كتاب خارجى وعايزة اوريه فاقسمت ان اكون الاولى على الثاونية العامة وارميه فى وشه وقد كان بس مارمتهوش لما لاقيته بيفتخر بيا ههههههههههههه
كل التحية وادم الزيارة
منى باشا
احبك الذى احببتنا فيه
انا عارفة الحب ده مش لله كل ده عشان الصنية هه؟
عيب عليكم تبصوالنا فى حتة الصنية حرام
خلاص بقى حخلى امى تعمل صنية لكل مدون
توحشتنى يا جميل
وطبعا انتى عارفة التدريس والاطفال مانتى مش بعيدة عنه
كل التحية اختى الكريمة الحبيبة اللى عينها فى صنية امى (وش بيتملك من تحت الضرس)
السلام عليكم
أعظم الأعمال فى الدنيا ترك أثر طيب لدى الآخرين بحسهم على فعل الخير واتقاء الله
مساحتك مهما كتبت فيها فهى حرية شخصية لك وحدك وما يبديه الآخرون
( ومنهم أنا ) من اعجاب لما تكتبيه خارج الهدف المحدد للمدونه فلا تلقى بالا لما نقول وافعلى ما تجدين فيه راحتك أنت
كل ما تقوليه بصدق يصل الى الآخرين ولكن قد نتفق وقد نختلف فى الموضوع أو الراى ولكن لا نختلف على صدقه وحقك المطلق فى التعبير عنه
عذرا للاطاله ولكن أتمنى أن تعوض زيارتى الشحيحة وان كنت لا أبخل أبدا فى قراءة ما تكتبين
تحياتى وتقديرى
اولا انا شاكر مرورك لدي
ثانيا انت ممن يطمع في كسب تعليقاتهم باستمرار حتي لو اتفقت معك في الرأي انني فعلا اكتب للكتابة وكفي بقارئ مرهف الحس مثلك ليغمرني بالسعادة واحترامي لذاتي
ثالثا انني سعيد انني اهتديت لمدونتك وهاكون ضيف تقيل جدا
رابعااريدك مرتادة دائمة لمدونتي ومتقلقيش فليس كلها سياسة وشوفي بنفسك
خامسا انا احترم جدا كلمتك حين قلتي ان الكلمة مسئولية
سادسا التعليق طول جدا ولم اقل كل ما اريد لكن اود ان احثك علي عدم التخلي عن ما ارتضيته لنفسك ولمدونتك
احنا معاك
بالتوفيق
استاذتنا
ربنايبارك في حضرتك ويحفظك
جميل جدا موقف الطفل ومهنة التدريس فعلا من اعظم واجمل المهن لانها فعلا عليها عامل كبير جدا في تربية شباب الامة القادم فهي امانة اعانكِ الله علي حملها ,والف سلامة علي والدة حضرتك شفاها الله وعافاها من كل سوء
وجزاكم الله كل خير
كونى كما انت عزيزتى
نحن لسنا فى معرض جمع تبرعات .. والا كلامك يبقى صحيح .. الاصل ان نكتب ما نشعر به من احاسيس .. فحين نكتبه .. نراه جيدا فنعرف من نحن ..
عجبنى جدا موقفك مع الطفل الجميل ده .. أثر ذلك أن ننشئ رجالا لديهم احساس ..وليس مجرد شنبات
تحياتى
مجداوية
وعليكم السلام ورحمة الله وبركاته
زيارتك تعوض كل شىء ...اعانك الله دائما اختى الحبيبة
نعم يا سيدتى هو موقف اوقفنى كثيرا عنده من جهات عديدة لانى لم ادرس له انما مررت عليه مرور الكرام من ذ فترة طويلة فكونه يتأثر بهذا الشكل امر عظيم الشأن
اسعدك الله كما اسعدتينى برؤياكى
تايه فى وسط البلد
اهلا بك اخى العزيز
المدونة مدونتك ومرحبا بك فى كل وقت سامحنى فانا لااجيد التعليقات ولا افهم فى السياسة ولا احبها ولكن هذا لن يمنعنى ابدا من زيارتك ...
اشكر لك كلامك جعلنا الله خيرا مما تظنون اللهم امين
كل التحية
الفاتح الجعفرى
ويبارك فيك اخى الكريم
سيدى نعم هذه الامة تحتاج لرجال وليس مجرد ذكور كما نرى
الموقف اثبت لى ان الطفل فعلا ارض خصبة لانى لم ادرس له انما مررت عليه مرور كرام لذا احببت مشاركتكم فيه وفى بوست نهاية الاسبوع سكون هناك موقف من حياتى كمعلمة
حتى نتنبه جميعا لما يحدث داخل ابنائبا
حفظكم الله وحفظ امة الحبيب المصطفى
اسعدنى جدا مروركم
شريف
سيدى عودا حميدا وتقبلك الله بقبول حسن اللهم امين
لم نكن سعداء الحظ حتى نحملك امانة الدعاء لنا ولكن ارجو ان تكون دعوت لعامة المسلمين
نعم سيدى ساكون انا فقط
فهذا جد مهم فقد عانينا حينما حاولنا ارضاء الناس فداسونا وحينما عدنا كما كنا عادوا يرجونا ودنا ...وهذا امر عجيب حقا
كما اننا عانينا من انصاف الرجال واقسمت الا ان اعلم كل طفل اراه كيف تكون الرجولة الحقة وانها ليست شنبات فعلا وانما تحت هذا الشنب رجل حق يفخر بمسئولياته ولا يلقيها على نسائه ثم يعود يولول وينوح على عدم احترامهن له
بارك الله فيكم جميعا واحسن اليكم
حمد ا لله على سلامه الوالدة
كلنا واحنا صغيرين بنكون مرتبطين جدا بمعلمتنا
واضح ان حضرتك معلمه حنونه جدا على تلاميذك
المستنصر بالله
اهلا وسهلا بك اخى الكريم
نعم كلنا تأثرنا بمعلمتنا ونحن صغار ولكنى تأثرت اكثر بمن جمعت بين العقل والعاطفة والعلم كانت تبهرنى فاصغى اليها مسلوبة ولذا فانا لست حنونة على طلابى انما احاول ان اكون كما احب ان ارى معلمتى لاابلغ فى العواطف ولا ارتبط بهم ارتباطا كبيرا لكن دائما ما اترك بصمة بفضل الله ومنته وهذا امر لاادعيه ولكنه هبة الله عزوجل
نورتنى وادم الزيارة
موضوعات حلوة وعجبنى اوى رايك فى المدونات وفعلا هى مساحة فاضية نشخبط فيها والصراحة الواحد لما بيفضفض بيحس بالراحة اكتر
اهلا يا ريسة
طبعا هى مساحتنا اهو حاجة نعملها من نفسنا بقى
نورتنى واهلا بك دايما
والله لسه متغدي بسمك
بس مقلي
هو احنا مكناش عيال ولا ايه ..ايه جيل الايام دي
طب انا عايز اروح ابوس الابلوات بتاعتي لما كنت في ابتدائي
هههههههه
ده ايه الجيل ده وشوفي بيفكروا ازاى
يعنى ازاى فكر انه لما يكبر يعني بقى راجل وانه ما يقدرش كده يبوس الابله بتاعته لانها مش هتبقى ابله هتبقى بالنسباله ست وهو راجل وكده
ايه وكده دي
مش عارف بس بسمعهم بيقولوها
هههههههه
فيه قصيده كده في النص
حلوه اوى كانت معانيها مؤثرة
اول مره اسمع حاجة لاحمد عدوية وتبقى مؤثرة كده
بجد استمعت بالبوست ده
على فكره اسلوبك في تطور
او جوانب جميله من شخصيتك بتظهر في كل بوست جديد
تحياتي
الباحث
منك لله الصنية لسه ماوصلتش كدا جريت ريقنا على السمك؟؟؟
بالظبط الموضوع فعلا صدمنى جدا واتخضيت وشوف التسلسل فى الافكار واتجاهها
لعلمك انا نادرا ماابوس طالب يمكن البنات شوية لكن الاولد حتى بنهزر وهما بيسلموا على انى مابسلمش على رجاله
اخجلتمونا مانتا انونجى بتاع نغمات وغنى بقى
وبعدين احمد عدوية ؟؟؟؟؟!!!!!!
احمد عدوية
ولد انت لازم تتعلق على باب زى باب زويلة بتاع زمان كدا على ابواب المدونة على الكلام ده دى قصيدة يا انونجىىىىىىى حتفهمها لما تكبر وتبطل تفكر فى بوس الابلوات
ههههههههههههههههههههههههههههههههههههههههههههههههههههههه
من غير زعل هه؟
بوست جميل جدا
الموقف مع الولد الصغير
حلو قوى قدمتى له درس في الحياه
ربنا يوفقك
دمتى بكل خير
سلوى
اهلا وسهلا حبيبتى بك
وخطوة عزيززززززززة جدا
اشكرك سيدتى واحسن الله اليكى
لاتبخلى علينا بتكرارها
كل التحية
إرسال تعليق