السلام عليكم
وكل عام وانتم بخير جميعا قبل الاجازة الرمضانية من النت والاجتماعيات ..قلت اختم بتدونية طال شوقى الى كتابتها
************************************************
لى صديق لدود كبرنا معا وترتبت معنا عدائية عجيبة ..لانتفق فى امر ابدا ... تزوج كل منا ومضى فى حياته ثم عدنا والتقينا صدفة
تذكرنا ماكنا نفعله ببعضنا البعض وتبادلنا الاتهامات المعتادة بيننا هو يتهمنى بالعند والتحفز وانا اتهمه بالغرور والاعتداد المبالغ فيه
.......
وصمت كل منا وسألنى كيف حالك ؟ سعيدة مع جوزك؟
لااعرف لما كذبت وكأننى ادفع عن نفسى تهمة ما فى فشل زواجى قلت بلهجة الواثق (يا ولد) الحمد لله الحمد لله
نظر لى بتشكك شديد وابتسم ابتسامته المستفزة اياها :ايـــــــــــــــــه ؟!!!!!!!!
حمدت الله انى مازلت بالنظارة الشمسية وفق امر الطبيب صباح مساء ...
ابتسمت وقلت ابدا مش انت اللى كنت بتقول ضل راجل يا فالح اهو ضل
قال فى اسى لم يجتهد لاخفائه :يا خسارة كنت فاكرك لسه ثابتة على كلامك الفارغ بتاع زمان ده ...واضح انك اتغيرتى
استخففت كما كان يفعل معى فى الماضى ... طبعا يا بنى فى حاجة بتفضل على حالها
نظر لى وقال :لم تسالينى عنى يعنى ؟!!!!!!!!
قلت بهدوء :يا بنى انت ماتقعش الا واقف انت حتقولى وبعدين انت كنت ابعد واحد عن قصص الحب والكلام الفاضى ده ودايما تحسبها صح ..مش محتاجة اسالك يعنى
سكت ..وقال اه صح ..مش يمكن مايقعش الا الشاطر ؟
تجاهلت مايرمى اليه وتململت فى وقفتى وقلتله ياخبر انا اتأخرت ولازم امشى
سالنى مالك عنيكى لابسه نضارة ليه ؟ انت تعبانة ؟
هززت رأسى لالالا ابدا مجرد بس حبة تعب بسيط ومش متحملة الضوء ...يلا فرصة سعيدة اوى سلملى على مراتك وولادك
وتركته ومضيت
نادانى
لعلها ...
تسمرت ...ندانى بنفس الاسم القديم الذى اعتاد منادتى به
التفت اليه
انتى اللى صح يا لعلها انا كنت غلط
شوحت بيدى سلام
الحمد لله لم ير ماسقط من تحت النظارة
وصلت للسيارة وقادت هبة
سألتنى :
قلت لها :تفتكرى ايه الصح ؟
ضل راجل ولا ضل حيطة ؟
قالت قفشة كالمعتاد ونجحت ببراعة تحسب لها انتزاع ضحكة من قلبى
انطلقنا ونحن نغنى ... بايام البرد وبايام الشتا والرصيف بحيرة والشارع غريق
تيجى هاك البنت من البيت العتيق ويقولها انترونى وتنتره ع الطريق
.......................
.....................
لا يا هبة
ضل راجل .بس راجل مش حيطة اسمها راجل ولا راجل اسمه حيطة
.....
للحديث بقية
**************************
غدا الخميس العاشرة صباحا احتفالنا بالاطفال استعدادا لرمضان والعيد
الحفلة من 10 الصبح لصلاة الضهر بمسجد التوحيد
وكل عام وانتم بخير جميعا قبل الاجازة الرمضانية من النت والاجتماعيات ..قلت اختم بتدونية طال شوقى الى كتابتها
************************************************
لى صديق لدود كبرنا معا وترتبت معنا عدائية عجيبة ..لانتفق فى امر ابدا ... تزوج كل منا ومضى فى حياته ثم عدنا والتقينا صدفة
تذكرنا ماكنا نفعله ببعضنا البعض وتبادلنا الاتهامات المعتادة بيننا هو يتهمنى بالعند والتحفز وانا اتهمه بالغرور والاعتداد المبالغ فيه
.......
وصمت كل منا وسألنى كيف حالك ؟ سعيدة مع جوزك؟
لااعرف لما كذبت وكأننى ادفع عن نفسى تهمة ما فى فشل زواجى قلت بلهجة الواثق (يا ولد) الحمد لله الحمد لله
نظر لى بتشكك شديد وابتسم ابتسامته المستفزة اياها :ايـــــــــــــــــه ؟!!!!!!!!
حمدت الله انى مازلت بالنظارة الشمسية وفق امر الطبيب صباح مساء ...
ابتسمت وقلت ابدا مش انت اللى كنت بتقول ضل راجل يا فالح اهو ضل
قال فى اسى لم يجتهد لاخفائه :يا خسارة كنت فاكرك لسه ثابتة على كلامك الفارغ بتاع زمان ده ...واضح انك اتغيرتى
استخففت كما كان يفعل معى فى الماضى ... طبعا يا بنى فى حاجة بتفضل على حالها
نظر لى وقال :لم تسالينى عنى يعنى ؟!!!!!!!!
قلت بهدوء :يا بنى انت ماتقعش الا واقف انت حتقولى وبعدين انت كنت ابعد واحد عن قصص الحب والكلام الفاضى ده ودايما تحسبها صح ..مش محتاجة اسالك يعنى
سكت ..وقال اه صح ..مش يمكن مايقعش الا الشاطر ؟
تجاهلت مايرمى اليه وتململت فى وقفتى وقلتله ياخبر انا اتأخرت ولازم امشى
سالنى مالك عنيكى لابسه نضارة ليه ؟ انت تعبانة ؟
هززت رأسى لالالا ابدا مجرد بس حبة تعب بسيط ومش متحملة الضوء ...يلا فرصة سعيدة اوى سلملى على مراتك وولادك
وتركته ومضيت
نادانى
لعلها ...
تسمرت ...ندانى بنفس الاسم القديم الذى اعتاد منادتى به
التفت اليه
انتى اللى صح يا لعلها انا كنت غلط
شوحت بيدى سلام
الحمد لله لم ير ماسقط من تحت النظارة
وصلت للسيارة وقادت هبة
سألتنى :
قلت لها :تفتكرى ايه الصح ؟
ضل راجل ولا ضل حيطة ؟
قالت قفشة كالمعتاد ونجحت ببراعة تحسب لها انتزاع ضحكة من قلبى
انطلقنا ونحن نغنى ... بايام البرد وبايام الشتا والرصيف بحيرة والشارع غريق
تيجى هاك البنت من البيت العتيق ويقولها انترونى وتنتره ع الطريق
.......................
.....................
لا يا هبة
ضل راجل .بس راجل مش حيطة اسمها راجل ولا راجل اسمه حيطة
.....
للحديث بقية
**************************
غدا الخميس العاشرة صباحا احتفالنا بالاطفال استعدادا لرمضان والعيد
الحفلة من 10 الصبح لصلاة الضهر بمسجد التوحيد
.jpg)
المشاركات
هناك 21 تعليقًا:
نحن كنا اكثر منكِ شوقا لقرائتها
:)
قرأت قولا أعجبنى ذات مرة ولا أتذكر قائله
أن المرأة دمعة
والرجل أرق من هذه الدمعة.. لكن خلف حصون وقلاع
اسمحيلى أضيف واتسائل
هل لهذه الدمعة " المرأة " ان تنساب بين هذه القلاع فتصل اليه فتتلاشى بين أروقة رقته الخفية
أم أن هذه الحصون والقلاع المشيدة بناها الرجل بكل ما يملك من قوة وقسوة وصلابة وجمود ليضمن اخفاء سره العظيم والرقيق ورائها
فاستحال على المرأة الوصول اليه
فظلت هى "دمعة " ..وظل هو ..."رجلا"
!!!!؟
ربنا يوفقك فى حفلة الغد بإذن الله
وكل سنة وانتى أحلى والى الله أقرب
حبيبة قلبى
أأوأأو
دا كلام كبييييييييير !!!!!!!!
بصى :
فى زمن ما كانت الدموع نقية رائقة صادقة
وكانت الحصون حصون حقا فاستطاعت الوصول اليه
اما الان فالعبرات مخنوقة والحصون متهالكة ورغم ذلك لاتدركين ما وراءها اهى رقة وحنية ولا تشوه وذئاب جوعى
ورأيى الى ان يتضح الامر على الدموع الا تنسكب امام احد ولا بد ان تستتر حتى لا تكون سخرية طفل عابث لايدرك مدى غلاوتها وندرتها
شكرا على ما فعلته معى والشكر قليل
حمد الله على سلامتك و يارب تكوني بخير
دايما
غريبه تصاريف القدر
فكلا المنهجين أثبتا فشلهما
و انتي ترددتي للاعتراف بفشل منطقك فأخذتي من منطقه درعا وهميا
و هو أراد لو يعترف لكي بخطؤه
فهربتي أنتي كيلا تعترفي بخطأك
يقولون أن قصص الزواج بناءا على الحب تفشل
و يقولون هم ان زواج الصالونات يفشل
فأي زواج ينجح في النهايه؟
أعتقد أنه لا يوجد قاعده محدده
سلامة عينيكي
لكي مني تحية موده
فريدة
والله لكى وحشة كبيرة اعتذر لعدم المتابعة ولا الاتصال ولكن لكى ان تتخيل كيف كان الصيف مع نصف العمى ..ولله الحمد والشكر على الشفاء
بصى يا اميرة اعتقد والله اعلم انه الرزق والنصيب لاعلاقة للحب او الصالونات بالامر الامر فى ان نعقلها ونتوكل ومع الحب بنتعمى فلا نعقلها صح ونصم الاذان عن الاشارات المنقذة لنا مما هو أتى وفى الصالونات الامر هو اتفاق بين اتنين على فتح بيت (عندك استعداد يا بن الناس؟... عندك استعداد يا بنت الناس ؟ ويكون بينهما الناس رادع وفيصل ممكن ينجحوا جدا اذا فصلوا الناس وتلاقوا بشفافية وتعارفت قلوبهم وتعانقت وممكن اوى يعيشوا حياة مميتة من الصمود والكبت والمداراة والشكل الاجتماعى وما الى اخره من كلام فارغ
بس سيبك انتى والله وحشتينى وكل سنة وانتى طيبة
ليه خبيتى عليه!!!
المكانة اللى انتى فيها تحسدك عليها الكثيرا على الاقل انتى واقفة على ارض صلبة مش لسة بترقصى على السلم لا طايلة سما ولا ارض
عيكى ان تنظرى الى نفسك فى المرآة الآن وتقولى لنفسك بكل فخر:لم ينجح غدر الزمان فى تغييرى
ماتنسيش دى شهادة من واحد انتى قلتى عليه مغرور يعنى اكيد مش دى الحقيقة وبس اكيد كان فيه كلام كتير فيه مدح ليكى وهو مارضيش يقوله او انتى ماديتهوش فرصة
وعلى فكرة رغم ان الحيطة ملهاش طلبات كتير مملة ولا بتتحكم فيكى بغباء بس برضه ضل راجل ولا ضل حيطة
رزقكى الله بالرجل الحقيقى االلى يفرح قلبك ويسعدك
دمتى فى امان الله
السلام عليكم ورحمة الله وبركاته
كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة
اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين
أخوكم
سعيد
رمضان كريم
ربنا يسعدك
مع أعز وأغلى تحياتى
السلام عليكم ورحمة الله
موناليزا حبيبتى
كل سنة وانتى طيبة ...دا على الطاير كدا لسه فى مكالمة طبعا
تقدرى تقولى خفت انه يعمل فيا زى زمان ماكنش بيرحمنى ومابيصدق انه يمسكلى غلطة وعادييكى يا اختى كلب ولاقى عضمة هههههه
دى مش غيبة هو عارف رأيى فيه ههههههههه
كلامك كله صح ولله الحمد بس اصل اصدقاء الطفولة دول رفقاء مملكة الاحلام لما بيخرج واحد منهم بتتهز جدا صورة حلمك اكثر ادامه وادام عنييكى ...اكيد كان عايز يقول حاجات كتير ..لكن تفيد به كتر الكلام على قدر الاولى الاستسلام له والدخول فيه برضا الى ان يقضى الله امرا كان مفعولا
قلتلك بحبك صح؟ مش فاكرة ...ادينى قلتلها هههههههههههه
جنى باشا
كل سنة وانت طيب يا سيدى تقبل الله منا ومنكم ومن ل المسلمين
وامييييييييييييييييين امييييييييين
مع اصرارى اهلا بحضرتك وكل سنة وحضرتك طيب وكل المسلمين بكل الخير يارب
ممممممممم
عجبنى المعنى
وكل سنه وانتى طيبه
السلام عليكم
معلش اتأخرت عليكى لأنى مدخلتش من يومين تلاتة كان عندى حالة تنظيف لاستقبال أعز الضيوف وأ؛لى الضيوف وأخف الضيوف وأكرم الضيوف عمرك شفتى ضيف كريم !! فكان لازم أرحب بيه كما ينبغى ,,شهر رمضان من أحلى الشهور وبيمر بسرعة غريبة لكن هو زاد وزواد لبقية السنة
كل سنة وانت طيبة يا غالية
طبعا مش حاقولك رأيى على الحيطة والضل لأنك أكيد عارفاه
لكن حاقول جملة واحدة سواء كان حيطة آيلة للسقوط أو سقطت أو كان ضل وضل او لا حيطة ولا ضل فهى اختياراتنا
وما أجمل الحياة باحساس الرضا
وحشتينى والله
سلام
وحشتينى جدا والله
رمضان كريم
واسال الله ان يبلغنا اياه
دعواتك لى
بلو ويف
اهلا بحضرتك وكل سنة وحضرتك طيب
جووووووووووجووووووووووووووووووو
طبعا يا ستى شهر الله والله كريم ومفيش اكرم منه ...الحقيقة انا كان عندى تنضيف داخلى سبحان الله كان فى حاجات كتير لازم اخلص منها قبل رمضان مع انى مقصدتهاش بس ربنا اراد لى الخير كل الخير كما عودنى سبحانه
طبعا عارفة رأيك فى الراجل والحيطة طبعا بس اثناء صيامنا عن الطعام بيكون من العقل عدم التفكير فى الاكل اما رفضه فيعنى اننا نشد على انفسنا بل الامر يترك لله له مايشاء فينا لكن مانصمش ونفطر بقى على بيضة ممششة كمان هههههههههههههه
كل حبى ولاتنسينى بدعائك ان شاء الله اعملى حسابك على فطار معاكى يوم ونصلى التراويح مع بعض اوك؟
شيمااااااااااااء
ازيك يا حبيبتى والف والف الف مبارك على الكتاب وسامحينى والله الله وحده يعلم اسباب عدم مشاركتك فرحتك
المهم انتى ازيك واخبارك واخبار الكاتبة الكبيرة وفين الكتاب واسمه ايه وبيتباع فين
طمنينى عليك فى ايميل يا احلى فنانة حقيقية
كل سنة وانت طيبة
كل سنه وانتم بالف خير
تقبل الله منا ومنكم صالح الاعمال
وحشانى كتير
يارب اشوفك بخير دايما
كل عام وأنت بخير والى الله أقرب حبيبة قلبى
تقبل الله منكِ ومنا صالح الأعمال
ورزقنا من فضله العظيم
وأدركنا ليلته الكريمة وعتقه ان شاء الله
وأتم بفضل لياليه الجميلة شفائك على خير
وأسعد قلبك وأدام عليكى رضاه وفضله
لا تنسينى من صالح دعائك
رفقة عمر
وانتى بكل الخير يا حبيبتى وانتى والله وحشانى جدا ويارب يجعله رمضان مقبول ومبارك عليكى يارب وعلينا جميعا
جنى هانم
صلحى تليفونك احسن لك هههههههههه
احيانا الحيطة ضلها احسن
سلامة عنيكى الحلوين وربنا يعافيكى يا قمر
متهيالى كلمة وحشانى بقت بايخة لانى مبعملش حاجة تكسر حاجز الوحشة دى بس اتمنى تبعتى لى اضافة على اميلى لان اختك ما زالت تجهل بعض الاشياء بهذا الجهاز العجيب المسمى كمبيوتر والعالم الواسع المسمى بالنت
دمتى بخير ومودة
إرسال تعليق