ليست لهن وحدهن لكنهن تسابقن فاسبقوا

السلام عليكم

اخوانى واخواتى فى الله واحبابى فى رسوله صلى الله عليه وسلم

الحملة ليست مقتصرة على النساء فقط بل هى لكل الفئات
ولكن ولله الحمد والفضل كانت النساء اسرع فى تكوين فريق حبا فى رسول الله النسائى

لذا فانا ادعو كل الرجال للاسراع فى تكوين فريقهم وهو الجانب الرجولى للحملة ويسعدنى التنسيق معهم

نحن نسير على سنة النبى هكذا نأمل لذا نريد لحملتنا ان تكون كما احب صلى الله عليه وسلم رجالا ونساءا

ولكن اين همتكم ؟؟؟؟؟؟؟؟

هذه همة النساء فاين انتم ؟؟؟؟؟؟؟؟
هيا الى الله ورسوله
على من يرغب فى الاشتراك ان يراسلنى على ايميلى
la3lahakhier@gmail.com
او شاركوا فى مدونتنا حبا فى رسول الله


http://www.7obnferasolallah.blogspot.com

ودا الجروب على الفيس بوك
http://www.facebook.com/group.php?gid=18625528460

والشريف الشافعى هو المسئول عنه

إيميل الأصدقاء هو: redboy1_1_1@hotmail.com
lamona1_1@hotmail.com


لاتتحججوا يا رجال انها حملة للنساء فالرجال قوامون وانتم الرجال
فساعدوا نساءا قمن لنبيهن فهن سابقنكم فسابقوهن
حبا فى رسول الله
فريق حبا فى رسول الله
اهداء من الاخ الكريم محمد الشاعر مشاركة منه

بحبك وحبك في قلبي كبير
ونهجك طريقي فى سفرى الطويل

في نومي وقومي بصلي عليك
ونفسى ياطه ارد الجميل


ياهادى الحيارى لدنيا الايمان
ياواخد بايدينا لبر الامان

وجبنا نطيع ونسمع كلامك
وننشر رسالتك فكل مكان

ياساكن بطيبه عليك السلام
محمد يارحمه لكل الانام

رسالتك دليلنا في ليلنا الطويل
وفيها المحبه وفيها السلام

يارب الشفاعه وحسن القبول
ونظرة وشربه بإيد الرسول


.. بهذة الكلمات أهديها لكم ورسول الله ولحملتكم

من نحن ؟

السلام عليكم ورحمة الله وبركاته

حبا فى رسول الله صلى الله عليه وسلم

http://www.7obnferasolallah.blogspot.com

********************

حملة حبا فى رسول الله

*******************************

* انطلقت فى يوم مولد النبى صلى الله عليه وسلم من مدرسة اعياها العجز فى توصيل رسالتها وتقويم الطلاب وتهذيب سلوكهم فى هذا الوقت العصيب الذى تواجه فيه نساؤنا وابناؤنا سيل من المحاولات لالهائهم عن حقيقتهم .

اعضاء الفريق

لعلها خير المسئولة الرسمية عن الحملة والتى تتحمل كافة التبعات حولها وعليها

الاستاذة مجداوية الاستشارية الاعلامية للحملة

الاستاذة ايمان هى المدير المنفذ للحملة

المشاركات جميعهن من اعضاء الفريق وكذلك اخوانى الرجال من يرغب فى ذلك لذا يجب

ارسال طلب عضوية للانضمام على ان تكون مفعلة وليست شرفية

لكل مسلم دور فلا يخشى احد من عدم الكفاءة فكلنا لرسول الله ملبين ان شاء الله

الى ان يتم استئذان الازواج فى الاعلان افضل عدم اعلان الاسماء النسائية

***********************

شعارها : حبا فى رسول الله

................

مضمونها :

خلف رسول الله نصطف واليه نهدى مانستطيع لرفعة امته بافعال يومية وتغييرات ولو بسيطة فى كل منا سلوكيا واخلاقيا متحدين رغم اختلاف مذاهبنا متفقين رغم اختلاف افكارنا واتجاهاتنا وطرقنا الى الله

...................

* اهدافها *

*************

ليست السياسة هدفنا ولا الدنيا غايتنا وانما للاصلاح انفسنا نقوم وانا ان شاء الله فاعلين

* احياء حب النبى صلى الله عليه واله وسلم فى قلوب النساء ومنهن الى الابناء و الرجال

* توعية النساء بدورهن نحو نبيهن ونحو هذه الامة من خلال اداورهن كانثى مسلمة وكزوجة وكأم وكأبنة ومخطوبة وكسيدة عاملة وكسيدة منزل وكجارة وزميلة وصديقة

* محاولة استنهاض الرجال بالتحلى بخلق النبى صلى الله عليه وسلم وألا يكتفوا بظاهر الاسلام شكلا وانما الاهم مضمونه وما أتى به النبى صلى الله عليه وسلم

* لا للذكور فقط ونعم للرجال

* لا للكلام واهلا بالفعل

* لاللملل الوظيفى ومرحبا بالابداع والابتكار

* لا للعشوائية ومرحبا بالتخطيط وحسن التدبير الحياتى فلله الامر والتدبير من قبل ومن بعد

* لاللتحايل والفهلوة ونعم للاخلاص والاتقان فى العمل

* لا للتباطؤ والاهمال ونعم لأداء اقصى مانستطع

* لاللكسل ونعم للهمة

* لا لغلاء المهور ولا لضياع حقوق النساء

* لالالالا للفرقة ونعم للجماعة

* لاللتفرق ونعم للاتحاد

* لا للخلاف نعم للاختلاف

* لا للمبغضين نعم للمحبين

لاللتشنج والتعصب ونعم للادب والتسامح

* لاللفرنجة نعم للفهم الواعى والتعامل المدرك لمتطلبات العصر دون اخلال بالدين

* لا للعرى نعم للعفة

* لا للتخريب ونعم للبناء والتعمير ظاهرا وباطنا

* نعم نعم نعم للاسلام ونبى الاسلام ولكتاب الاسلام ولامة الاسلام الحقة ولا الف لا ان نرضى بغير ذلك

انا لرسول الله قيام وخلفه صفوف ولانرضى بغيررايته ولا نرضى الا بلوائه

فهلموا الى كلمة سواء

تطبيقات الحملة التنفيذية

*******************

ورش عمل فى كل مؤسسة ومصلحة ومدرسة وشركة تدعو الى استنهاض همة العاملين وخاصة العاملات

توصيات تطبيقية من واقع الحباة لكل رجل وامرأة

تطبيقات جدولية لبعض السنن العملية فى التعامل اليومى متتابعة ودورية

ملصقات باسم الحملة للتذكير

كتيبات صغيرة من قصص النبى لقبل النوم للامهات

ملصقات لادب القيادة وادب التعامل وادب الكلام وادب العمل وادب التعامل

اوراق توصية لكيفية التعامل مع انوثتك ومنها كيفية فهم معنى الرجولة والتعامل معها

اوراق توصية لكيفية فرش المنزل باقل التكاليف وكيفية تصنيع الاشياء بالمنزل واعادة شعار اصنع بنفسك

عرض بعض الافكار حول المشروعات الصغيرة التى يمكن تنفيذها فى المنزل

التدريب على كيفية ادارة الوقت والاعمال ودورات للتنمية البشرية

التدريب على تدريس اللغة العربية بشكل مميز ومبدع يحبب الطلاب فيها

التدريب على التعامل مع الازمات وكيفية تجنب اثارها

التدريب على كيف تصبح مميزا فى عملك من خلال متخصصين (جارى الاتفاق معهم تبعا للاحتياجات )

التدريب على كيفية معاملة الابناء من خلال خبرات امهات ناجحات بفضل الله

مازلنا فى طور التنظيم لها والسابق قابل للزيادة ان شاء الله بما يمن الله علينا

منافذ الحملة

محاضرات باحد مساجد المعادى والاسكندرية شهرى 7 و8 وبعض المدارس الخاصة

لعلها خير وايمان

جروب فيس بوك باسم (حبا فى رسول الله ) والمنتدى بنفس الاسم (هانى ضوى الشريف الشافعى ) مسئولا

(وبنات افكارى وعاشقة الفردوس) للمساعدة والمشاركة

الدعوة من خلال محامى الحملة الباحث عن الحقيقة فى المنتديات والمدونات والمحافل الاخرى (الى جانب كل مايجد فى نفسه القدرة والرغبة على الايتم التنويه الا بعد عرض الامر على المسئولة عن الحملة حتى لاتخرج دون قصد عن مسارها )

قوانين الحملة

*************

كل مايخص الحملة يرجع فيه الى مسئولات الحملة قبلا وبموافقة منهن

الحملة تطبيقية عملية تبغى كل مايفيد المسلمين ويعيد الامة الى مجدها

هدفها محدد لامجال للعبث فيها او بمبادئها

لايصح لاحد التحدث باسم الحملة الا باذن مباشر من مسئولة الحملة ويكون باتفاق الفريق ويحمل صفة عضو فى فريق حبا فى رسول الله حتى تصبح الحملة فى اطرها المعروفة دون ان تحيد بغير قصد او عمد عن مسارها

الاستشارات القانونية المسئول عنها احمد الباحث وفيها يرجع اليه

تتم المحاضرات باسم الحملة من خلال لعلها خير او من تنوبها عن الحملة

يجب البعد تماما عن كل مانهى عنه النبى صلى الله عليه وسلم فى هذه الحملة من موسيقى او صور الا فى حدود اضيق للضرورة (بالنسبة للصور )

على من يرغب فى استضافة الحملة ان يراسل لعلها خير على

la3lahakhier@gmail.com

على ان يكون للمسجد ادارة مشهرة ويكون ذلك ضمن برنامج المسجد الاجتماعى

او من خلال مؤسسة معلنة ومعروفة سواء مدرسة او شركة

مطلــــــــــــــــــــــــــوب

اقتصاديات وخبيرات تدريب وطبيبات

ومنى لكم حبا فى الله ورسوله نسأل الله الاخلاص والسداد والتوفيق امين
*************
نرجو من الرجال المساعدة والمشاركة الفعالة بارائكم وخبراتكم وتطبيقاتكم اليومية لحبا فى رسول الله
كل يوم فلاتبخلوا علينا بالتوجيه
جزيتم عن نبيكم كل الخير

من نحن ؟

اليك رسول الله

تحديث 1
هلموا الى الله ورسوله ...
مجداوية الاخت الكريمة العزيزة كعادتها مبادرة دائمة قامت بعمل لوجين للحملة
لها بوست كيف غير النبى حياتى ادخلوا شفوه
http://magdawia.blogspot.com/2008/03/blog-post_18.html

التواجد الفعلى للرجال مازال قليل ...ما الامر ؟؟؟
اين الهمة يا رجال ؟
الحملة تطبيقية ولسه فى اولها شاركوا تحسب لكم عند ربكم وامام نبيكم
ايمان تنتهى من ترجمة مقتطفات مت ككتاب عن الانوثة وعاشقة الفردوس حاطة دماغها فى الكتاب الاخر ومطلعتش الى الان وايمان ايضا بتجهز لوجو اخر وبتفند المقترحات للحصول على شكل نهائى لها
يلا يا جماعة الحملة تنطلق اول سبعة والاستيكرز موجودة
اسرعوا بالهمة والحقوا الصفوف الاولى
فى ناس اخد الموضوع كرامة وناسية ان ده نبيها مش لعلها خير
بلاش هبل وخلونا فى المهم النبى اهم
بل هو كل الشغل الشاغل الان
*******************************

اليك رسول الله يتقدم اتباعك مسرعين ملبين نداء محبتك ...
اليك تتقدم اللهفة الى فعل اى شىء فى حبك
يا سيدى
هؤلاء امتك هؤلاء اخوانك الذين لبوا نداءك حينما قلت
انا النبى لاكذب انا ابن عبد المطلب
يا سيدى
هؤلاء نسوة وبنات امتك كل منهن تأتينى تسألنى ماذا افعل لخدمة نبيى
يا سيدى سامحنا ان قصرنا فى سنتك وغفونا عن حقيقة حبك ومنحنا اعداءك فرصة للنيل من مقامك الشريف وقدرك المنيف فلا تؤاخذنا فانا قد عرفنا وان قد لزمنا
فاللهم صل وسلم وبارك على سيدنا محمد وعلى ال سيدنا محمد
يا حبيبى ... اى بركة تلك فى كل كلمة تحمل اسمك الشريف واى قدر يرفع حبك
اللهم اجعلنا فى محبته وصحبته ومن اتباعه وممن يرد الحوض معه وممن يظلل بظل الله يوم لاظل الا ظله ويسقنا براحتيه الشريف شربة لانظمأ بعدها ابدا
امييييين
*******************
اخوانى واخواتى
لا يكفى الدعاء بل يجب المشاركة لننهض بهذه الامة فالامر وان بدا مضحك الا انه لا نعلم فى اينا البركة وربما يضع سره فى اضعف خلقه ولم لا؟ وقد اتينا بصدق وعجز وضعف وكلنا عيوب لنصلح من حالنا وننتظم فى صفوفه صلى الله عليه وسلم
عايزة اقولكم ان الرجل صاحب المطبعة التى عمل الاستيكرز حينما عرف المكتوب فيها رفض ان يتقاضى مليما !!!!!!!!!!! بعد ماكان بيفاصل معايا وطلع عينى ولما عرف انها حبا فى رسول الله بكى واقسم الا يكون اقل منا فى حبه تخيلوا ؟؟؟؟؟؟؟؟؟
تخيلوا ؟؟؟؟؟؟؟؟؟؟؟؟؟؟؟؟؟؟؟؟
والمبلغ لم يكن قليل على مطبعة فقيرة تكسب قوتها بما يفعله لكنه بكى ورفض
لم املك الا ان اقول
ماانت الا رحمة للعالمين
اى شىء الان قلب هذا التاجر الذى من دقائق يفاصل ليأخذ اكبر قدر من المكسب !!!!!!!!
اخوانى واخواتى ابشروا بخير عميم
الاقتراحات اصبحت مثمرة سوف نتلقى معا ان شاء الله يوم الجمعة فى تمام العاشرة صباحا لنوحدها باذن الله فمن كان متيسرا له ذلك فليتواجد اون لاين ونحدد اهادف الحملة معا ومحاورها وخطواتها فهى منكم لنبيكم وليس هناك فضل لاحد الا من اخذ مكان اقرب له صلى الله عليه وسلم حين قال (اقربكم منى مجلسنا يوم القيامة احاسنكم اخلاقا )
فلنحسن خلقنا حبا فى رسول الله صلى الله عليه وسلم
ماتم الى الان
* شيرين وهبة تعدان الان معى كيفية تربية ابنائنا فى حب رسول الله تربية صحيحة
* ايمان وعاشقة الفردوس بارك الله فيهما يترجمان مايتعلق بالتعامل الصحيح مع الانوثة فى انفسنا
* الشريف الشافعى ابن عمى الغالى على وشك الانتهاء من جروب الفيس بوك بنفس الاسم حبا فى رسول الله
* الباحث الله يصلح حاله ويبطل انتهازية بيجهز مواقف للنبى صلى الله عليه وسلم (فين الرجال ؟ اين جنى والفارس وغنيم و عسقول والغزالى وغيرهم اين ؟؟؟)
* m2 تجهز مع روفى وjana لبعض الحلول لبعض المشكلات التى تواجهنا من النواحى الاقتصادية
* بنات افكارى الفدائية عالمة المستقبل حبا فى رسول الله تجهز لترجمة الحملة على الفيس بوك بالالمانية والفرنسية ومعها فريق الترجمة
* نونو عاشقة النقاب تعد بوست هى ونورحياتى عن الحملة
* مها من فريق حبا فى رسول الله بتجهز الاماكن اللى حتكون فيها الحملة وبتسنق مع ادارة المسجد ومع صناع الحياة
* مجداوية عملت جروب على الفيس بوك لمحاربة العرى والابتذال
* فين باقى الناس ؟؟؟؟؟؟؟؟؟ ايه الجديد
فى النهاية عايزة كلنا نطبق حاجتين
الاولى حسن الظن بكل المسلمين
الثانية نختار خلق وننفذه وهو عدم الغضب فقد نهى النبى عنه يلا ندرب وكل واحد يقولى عمل ايه
حبا فى الله ورسوله

لماذا حبا فى رسول الله ؟

تحديث ( 1)
جزيتم كل الخير عن حبكم لنبيكم ... يا جماعة الفكرة كانت بسيطة وبدأت بفصلى اللى كنت بدرسله ولما نجحت بفضل الله ومنته الاولاد بلغوا اهليهم وبدأ الاهالى يطلبوا توضيح للحملة وخطواتها ...وهى ببساطة ازاى نقرب من النبى صلى الله عليه وسلم بس من غير كلام انشاء من غير عمم ولا تشدق ... بافعال حقيقية بسيطة جدا يعنى نتغير ازاى؟؟؟ ..اختى ايمان بدأت بصلاة الفجر ...ها ايه كمان ؟؟؟؟الاولاد اصبح هتافهم فى اى لعبة وبدأوا يحرزوا مراكز افضل حبا فى رسول الله ...عن نفسى انا بحاول اهدى من ردود افعالى الغاضبة حبا فى رسول الله .. ماوصلتش للنهاية لكن بحاول وبدات نتائج بسيطة تظهر ... خلوا الحملة تطبيق فعلى فى حياتكم وادونى مقترحات
يعنى مثلا ..ستات البيوت ممكن يفيدونا ازاى فى حل مشاكل الاقتصاد وغلاء الاسعار مين عملت ميزانية توازن بيها امورها فى الوقت الصعب ده تعلمهلنا ؟؟؟؟
مين عمل جدول يومى لنفسه وماشى عليه ونفعه ؟
مين قدر يقرب من النبى عليه وسلم وعمل ايه ؟
النساء قولولى ازاى نعامل انوثتنا وازاى من خلالها نصل لفطرتنا السليمة ؟؟؟
فكروااااااااا
حبا فى رسول الله انهضوا بالامة دى
***************************************************

عاجل
(نحتاج الى مترجمات لغة انجليزية متطوعات على وجه السرعة )
(تم تعيين باحث الغبراء محامى الحملة ..ربنا يستر )
ماحبش الحلاوة ... بحب الاسماك وشوربة السى فودد .. ربنا يعينا ان شاء الله
الندوات ستتم فى احد مساجد المعادى اربع محاضرات كل سبت على من ترغب فى الحضور مراسلتى على الايميل فالنساء وقود هذه الحملة
****************************

لماذا حبا فى رسول الله ؟؟؟
- لاننا اولى الناس به
- لانهم ازدادوا بغضا فيه فنزيد حبا فيه اللهم صلى وسلم وبارك عليه وعلى اله
- لان حتى المسلمين انفسهم منهم الكثيرون للاسف من تناسوا حقيقة حبه اللهم صلى وسلم وبارك عليه وعلى اله
- لان حبه شرف يرفع القدر ولاننا ولله الحمد مسلمين سنيين فلا خوف من مغالاة الحب خاصة ان كان فعلا لاقولا
- لاننا نفقد ابناءنا وطبيعتنا كنساء وحقيقة الرجال فاصبحنا بلا ملامح لذا وجب التمسك بحبه وبسنته فعلموا انفسكم وابناءكم محبة رسول الله صلى الله عليه وسلم تسليما كثيرا
- لان من تجرأ على الخوض فى حقه لم يفعل ذلك الا لضعفنا والقول عندى ان نصلح انفسنا اولا قبل ان نلومهم
- ان المظاهر كثرت لاو واقع عملى تطبيقى سلوكى لنا فاى عار
- لانه سفينة النجاة من تمسك بها نجا فاستمسكوا بسنته وبكتابه تسعدوا وتسلموا واذكر نفسى واياكم
- انى لست بخيركم ويعلم الله انى مقصرة شدة التقصير ولكن ارادنى الله عزوجل مربية لابناء مسلمين فكان يجب توصيل الرسالة خالصة له سبحانه وكان يجب ان نزيد وقود الهمة وتجديد النية حتى وان كنت مسيئة
- كثر المتكلمون وقل الفاعلون لذا وجب التنبيه بقدر من التطبيقات العملية حتى نعود خير امة
- لان من النساء السيدة خديجة دعامة رسولة الله التى ساندته وازرته ومنهن السيدة روفيدة طبيبة الحروب والغزوات ومنهن السيدة صفية اول محاربة فى الاسلام ومنهن السيدة ام سلمة صاحبة الرأى والمشورة ومنهن السيدة سمية اول شهيدة فى الاسلام ومنهن السيدة اسماء التى كانت مدد الهجرة بالزاد والمؤن ومنهن السيدة عائشة راوية رسول الله صلى الله عليه وسلم ومنهن ام محمد الفاتح وام صلاح الدين وام العز بن عبد السلام وام الشافعى وام الرجال حقا هى نعم المسلمة ومنهن كثيرات فالفخار كله ان ننتمى لجنس هؤلاء اللاتى شرف جنسنا بهن
- ولان الوقت يمر سريعا ونخشى ان نقابله ولا زاد معنا ولا مؤن فلا صومنا ولا صلينا ولا بالهادى تأسينا فلنسرع فالعمر قصير والزاد قليل
- لان التاريخ يعلنها صريحة ماقامت امة الا بصلاح نسائها فاعين هذه الامة فلن تقوم الا بكن اولا
- لاننا نساء عاملات تكالبت علينا هجمات شرسة من الاعلام وازمات طاحنة من الاقتصاد ولكننا مسلمات والمسلم الحق لاتهزه الظروف بل يطوعها لما يرضى الله فنحن واسلافنا من حبسنا فى شعب ابى طالب ومنع عنا الطعام ونحن من اخرجنا من بيوتنا هربا لله فلا تبتأسوا وقوموا لله فالنبى ينادى
انا النبى لاكذب انا ابن عبد المطلب
فهل من ملبى ؟؟؟؟؟؟
- كلمكم جزء من حبا فى رسول لله فشاركوا معنا بتطبيقات عملية لحبه صلى الله عليه وسلم من واقع حياتك وطوع ذلك لطبيعة عملك

هناك فريق متابع لهذا البوست سيتلقى بكل السعادة والشوق لاقتراحاتكم فلا تبخلوا على انفسكم حبه
ان شاء نوافيكم ببرنامجها بعد اكتماله بتوجيهاتكم
ملحوظة اعتذر عن الرد لكثرة ورش العمل حول الحملة وبعدى الفترة القادمة
ومن فريق حبا فى رسول الله
حبا فى الله و رسول الله

اخر الاسبوع

السلام عليكم
(لاتنسوا الواجب اللى فات من لم يتسلمه يتفضل ياخده والدعوة عامة)

على فكرة انا بحب اخر الاسبوع جدا مش متأكدة ليه بس اهو احساس
احتراما للحملة اللغوية الرائعة نستعن بالله على الكتابة باللغة العربية
.............................

نسب هو الجوهر المكنون
مالعبت به الاكف ولا حاقت به الريب
الماء فاض زلالا من اصابعه
اروى الجيوش وجوف الجيش يلتهب
خير النبين لم تحصر فضائله
مهما تصدت لها الاقلام والكتب

*********************

يا حبيب القلوب انت الحبيب
يا سراج العوالم
يا قمر المدينة
....
لما سار المركب نسانى ساروا والدمع ماجفانى
اخدوا قلبى مع جنانى يا طيبة يا تيم الولهان
.....
رحل اصحابى وجميع رفقتى تقريبا فى رحلة شوق الى مكة والمدينة ...وانا هاهنا اتساءل متى اكون مخلصة فى دعوتى حتى يحين الموعد وألقاه ...واشوقاه ..واشوقاه ...شوق لبيت الله وشوق لحبيبه والله مااحترق القلب الا فى تلك الاونة وانا فى اشد الحاجة للذهاب اليه وامرغ الوجه فى اعتابه ...فيا خزى من لم ينل رضاه وكيف تعرض على الحبيب اعمالى ..وانا من ذلته ذنوبه واخزته عيوبه ...طوبى لمن فقه الخطاب وسارع بالجواب ولاذ بالاعتاب

*************
هبة
لااقدر ان اوفيك حقك على فقد اسرتنى حينما وقفتى بجوارى وساندتنى
هبة يا رفاق جعلتنى اولى من ابنتها وزوجها ليومين
كانت تحدثنى كل ساعة تطمئن على ...
ظلت تبحث عن مكونات وجبتى المفضلة لتطبخها بيدها لى !!!!!!!!!
لم تلح على بالسؤال عما بى لكنها فهمت ونفذت كعادتها الرائعة
اخذتنى الى المسجد الذى احبه وظلت لساعات ساكنة
وتركتنى امتع قلبى المرهق بروحانيات المكان وهى التى لاتسكن دقائق
اهدتنى حلقا من العقيق المطعم بالفضة لا مثيل لجماله
ولما سألتها السبب قالت :حبا فى رسول الله
هبة احبك ولا تكفيكى
مرحى بالمحن اذا مااظهرت لنا نفائس الاحباب

***************
من اجمل ماحدث هذا الاسبوع
حينما جاءت لى سيدة فى الاربعين من عمرها لم اكن احلم انى احادثها حتى وقالت لى :
انى احبك فى الله منذ عامين وانا نفسى اكون صاحبتك
احتضنتها بشدة واحسست انها لم تكن المرةالاولى فقد تقابلنا يوم كانت ارواحنا متعارفة
جل ماشغل رأسى :
هل يعنى هذا انك تحبنى ام تفتنى ؟؟؟
هو الحب ان شاء الله هذا ظنى بك ياربى فلا تخذلنى فانت اكرم من ان ترد على ظنى خائب
*************************
حبيبتى
لاتجزعى
يوما ما سيطيب قلبك وتعودين تلهوين بجوار بركة الماء
يوما ما ستتركين الاحمال عن كاهلك المثقل
تمرحين بين رفاق لم ينسوا الفضل
تتراشقون بحبات المطر المزجج على حافات العمر
تجمعين الرحيق من احلامك القديمة
فتروين جفاف الفؤاد لتعودى نضرة
دون اصباغ
فدعى عنك وابدائى المسير الى الناحية الاخرى
من النهر
*************************
فى الصباح
لم انتبه لموظف الامن فعاتبنى بالقاء التحية مبادرا
فانتبهت وحييته ثم مضيت لكنى توقفت وقد تذكرت امرا
على فكرة المخبرين طلعت ايدهم طرشة ولما بيغضبوا مابيشوفوش ...لو جم قلهم :
اتجوزت امين شرطة وماتبصش تحت المكتب ليعرفوا مكانى
وخلينا فى الضلف بس

**********************************
الحرائر اذا ما أهين لايبصقن فى ذلك الوجه ...ولكنهن يشيحن عنه
فترد الاهانة الى وجهه دون ان يدرى

*******************************
وفى حالة السخط لا فى الرضا
يبان المحبُ من المبغض ِ
*****************************
حينما غفلت عنه وانتبهت بعيدا تركنى اجرب البعد
فعدت وقد اهترىء القلب من الجفاء
واسرع الى مخدعى يبحث عن مصلاه
فوجده فاتحا له ابواب رحمته
وقبوله فاستحى منه فربت عليه
وقال
هكذا كنت خطاءا
وهكذا انا دائما
توابا
ربى ...ماارحمك

ال واجب ال

قوانين الواجب:

1. أذكر اسم من طلب منك حل هذا الواجب.
ال واجب ال دا ورطة ... اسرار حتة واحدة ؟؟؟؟؟؟
الله يسامحك يا نونو
افرضى اسرائيل عرفت اسرارى دلوقتى وفهمت استراتيجيتى ..هه ؟؟اعمل ايه بقى ساعتها ؟
ولا واحد من المتربصين (الله يحرقهم) ؟؟ولا حد من النيران الصديقة يوزه عقله ويوجهها الى
لا داموضوع خطيييييييييير

2. أذكر القوانين المتعلقة بهذا الواجب
هه؟
نعم؟؟؟؟؟؟؟؟؟؟؟؟؟؟؟؟
مين ؟؟؟؟؟؟؟؟
فين ؟؟؟؟؟ كام ؟؟؟؟؟؟؟؟
انا اللى احط القوانين يعنى ولا اولع فيها واخلص ؟
فين الكتالوجج
؟؟؟؟؟؟؟؟؟؟؟
القوانين عيب على اى حد يستغل الاسرارى دى
حق المشاركة ممنوع وحق الطبع او النشر فيه سجن على طول
واجلها عجيب الويلد من البلد يجطعوه جطييييييييييع
استروا على ربنا يستركم

3. تحدث عن ستة أسرار قد لا يكتشفها من يقابلك للمرة الأولى.
اوممممممممم
استعنا بالله
1- انى مودييييييية جدا جدا ومخى مسيطر على كل اجهزتى وبما انه نصه بايظ رسمى يبقى انت ونصيبك بقى ببقابلك بانهى نص فيهم يعنى ناس تحلف لى انى عمرها ماتتخيل انى ممكن اضحك وناس تانية تحلف انى مستحيل اتكلم جد
كل واحد ونصيبه بقى وقت ماقابلنى ... وسهلة الاستثارة وسهل يضحك على ... وسهل اصدق .... وصعب حد يضحكنى من قلبى .... ومن الاسرار فعلا انى ممكن اعيط بس مش ممكن حد يشوفنى ولو شافنى حد ممكن اشوف سبب ابعد عنهم بيه عشان ماحسش انهم كشفونى وانى ممكن اتخلى عن الدنيا باللى فيها فى لحظة لو خالفت مبدأ من مبادىء

2- تانى سر كلام فى ودنكم (انا مطلقة ) ههههههههه مابيبانش على خالص ..الا هو المفروض يبان ازاى

3- انى زى الجمال والحصنة(معلومة جديدة ) مابنساش الاسية للاسف ....ويوم مابغدر على اللى بيضايقونى مستحيل ارجع تانى زى الاول ..للاسف بيبقى خلاص وكتير اوى اوى الى الان كان بيكون صعب عليهم ياخدوا مكانة تانى فى قلبى مادام كدبوا على ولو كدبة صغيرة
كفاية كدا؟
لا مش كفاية يبدو ان شكلى واسلوبى فى البداية لمن يرانى مغرى للناس اللى بتغلط بسرعة انهم يتمادوا بس ...اكيد مش شطارة ان الناس تتقن طولة اللسان
دى سهلة على اى حد ...لكن الغريب بقى انى اصبحت لااهتم حقا بهذه النوعية من البشر لانها تسقط فورا من الحسابات ... فالانسان ممكن يكون فوق هرم وبفعل واحد وبكلمة واحدة يكون فى قاع الارض للاسف
فالناس لما تشوفنى ماتتغرش انى ممكن ابلع الاهانة لانى لن اغفرها

4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
هههعهعهع
احب الاذى اوى
ستة ماينفعش
بصوا اولا مجداوية هيعهيعهعي
الواد الباحث والبت موناليزا و روفى والبت نور حياتى وجسر الحياة واللى بيقول انها امرأة
والربان واحمد كمال وفانيليا وحنين وهمسات دافئة وليلى وايمان ونووووووووووورة الخشن والقيثارة وشيماءات كلهم
و الغزالى و غنيم وجنى والفارس والهدهد والطائر ورحيل وام البنات وعاشقة الفردوس وياسمين ويوجينى حبيبتى الوحشة وحبيبتى رفقة عمررررررررى وانسانة بجد
ومين تانى يا ولاد ؟؟؟؟؟؟؟؟؟
اه والعائشة فى الاحلام وصاحبة الشموع دينا سلمان وامل وليى ةخرفانها وسوسو وفيفى كمان وجنى حبيبتى
والساحرة ..وسلوووووووووووووووووووى وال جى ياخبر دول يتنسوا برضه؟
اهه وزوزو عشان نسيتها يا خبر سامحينى يا زوزو
امــــــــــــــــــــــــــــــــــــــــــــــــــــــــولة (عودى يا خيبة زعلانة على مين هو حد يسوى )؟؟؟؟؟؟؟؟

5. اترك تعليق في مدونة من حولت الواجب عليهم، ليعلموا عن هذا الواجب.
لا دول كتيييييييييييير اوى
اللى يشوفهم يبلغهم

ليه هبة؟؟؟؟؟؟

ليه هبة ؟؟؟؟؟
وليه مش هبة يعنى ؟؟؟؟؟ مالها هبة فلة ؟؟؟؟
هى بس لسانها عايز حتة صغننة منه بس ايه عسل
(حلوة كدا يا زيكاس)
************************
اولا انا ربنا من على بصحبة فى الشغل بسم الله ماشاء الله
مافيش بعد كدا ...ستات كلهم زى الورد ... احسبهن على خير ولا ازكيهن على الله
قمة الخلق والادب والشياكة والتدين والخوف من الله والادب مع ازواجهن وفوق ده وده التناصح بالخير
هبة لمن لا يعلم اسكندرنية يعنى حلاوة بكسر الحاء مع بعضيتنا ..يعنى بحرى وعمد بحرى
يعنى الجدعنة والبق على الفاضى ... يعنى الاحبال الصوتية اللى زايدة عشرة
يعنى الذوق والضحكة الحلوة والتنطيط يعنى انا مالى ومالها اصلالالالالالالالالا؟؟؟؟؟
هههههههههههههههههههههههههه
الكل بيتعجب فى بادىء الامر من علاقتنا فهم يعرفون عن هبة انها ضحوكة بشوشة دائمة التهريج
لاتكمل كلمة بدون (افيه) يهلكنا جميعا من الضحك ... الرحلات والهيصة شغلة هبة ...
الجرى بالعربية طول النهار على المولات ........ طاب انا داخلى ايه فى ده كله
********************
هبة لمن لايعلم ......... احدى قليلات اذا خيرت من اخده فى سفرى الى القمر (قريب ان شاء الله تغيير جو)
اقول هبة
ليييييييييييييييييييه

شخصيتها
1- طبيبة صيدلانية رضت بالتدريس عن طيب خاطر لانه الانسب لبيتها وحياتها كزوجة التفانى والاخلاص فى شغلها مالوش حل ... مش ممكن تلاقى هبة بتزوغ ولا بتقول لحد امضيلى على الكمبيوتر ولا الكلام الفارغ ده هبة بتتقى الله فى كل مليم وفوق كدا وكدا بتجيب هدايا للطلبة اكثر من مرتبها ومش لان حد حيقولها برافو لالانها بتعرف ترضى الله فى كل شىء
2- عقلية غييييييييييييييييير عادية مخ صح مخ مش مدعى العلم ولا الثقافة لاتخجل من عدم المعرفة وتسعى لها
الدقة الشديدة مش ممكن تشترى حاجة الا بقراءة كل المعلومات عنها وان كانت ذات نفع ولالا
3- هبة دااااااااااااااااائمة الذكر مافى جملة من كلمة الا وفيها ذكر الله مع انها مسلمة عادية جداااااا لكن شوفوا هبة وهى داخلة تشترى او داخلة عربيتها مامن خطوة الا بدعاء دعاء السوق دعاء الركوب دعاء الاستخارة دعاء التفويض دعاء فك الكرب فى الاشارات الطويلة
4- هبة ترى فى كلام النبى عليه الصلاة والسلام اساس فى حياتها يعنى مع اى موقف اعيبه عليها تقولى على الفور :طاب النبى قال ايه؟وتسمع بمنتهى الانتباه والاجلال لكلامه صلى الله عليه وسلم وتكون الاسرع فى التنفيذ
5- هبة الظن الحسسسسسسسسسسن بكل المسلمين مامن مرة اتضايق من اى احد الاوكلمتها لانى اعرف انها لن تغلب نفسى وشيطانى على بل ستذكرنى بميلون سبب مش 71
6- هبة الرضااااااااااااااا الكامل عن حياتها بكل مافيها من غربة وبعد عن اهلها واصحابها ووجودها فى الخارج لسنوات ثم عودتها لاكمال الغربة داخل مصر...الرضا الكامل عن شغلها رغم كل ماتواجهه تلاقيها ببساطة تقول معلش اكيد ده احسن من غيره وكفاية الصحبة وكفاية الكولدير وكفاية البارتشنز وكفاية وكفاية لغاية مانعشق الشغل اصلا
7- هبة من اكتر الناس اللى بتعلم منهم ...عقلية لوجكلية كدا... منطقية تحلل كل شىء بترو وهدوء (دا ساعة ماتكون بتتكلم جد ودا ناااادر ) لا فعلا من اكثر الناس تعقلا فى المناقشة واكثرهم ادبا واكثرهم تبسيطا واتباعا لما يرضى الله )
8- هبة سيدة تعرف انها مصرية ذات جمال عادى زينا جميعا ورغم كدا ترى نفسها ذات جمال خاص تسألها انت جميلة فى ايه تعدد الاف الاشياء الحقيقة البسيطة لكن فى مجملها تصنع هرما من الجمال يزينه جمال الروح
النضافة عنوانها والاهتمام بالانوثة والحقيقة النوعية دى من النساء بحبها جدا مش مشكلة درجة الجمال الاهم كيفية التعامل معه ..الانوثة نعمة فعلا ..نقدرها جدا حين نشم عرق واحدة او نرى كعبها مشقق اثناء الوضوء انا ممكن اسكت لكن هبة لايمكن ..بمنتهى اللطف والذوق والتهريج تقولها وتنبهها (يا بنتى الاسلام دين نضافة انضفوا بقى اسلموا عشان ربنا يحبكم )
9- هبة وعربيتها رهن اشارة اى واحدة فينا ولما بسالها بتقدرى تعملى ده ازاى قالتلى :ربنا من على بالعربية لانه يعلم انها فى خدمة الناس ولو انا ماعملتش كدا يبقى حتروح منى لغيرى يقوم بالمهمة بدل منى !!!!!!!!!!
10 - هبة يعنى كل الحب لزوجها كل الاحترام يعنى عمرى ماسمعتها بتقول فى حقه كلمه واحدة ولو قلها حاجة ممكن تبقى فى عالم النساء كبيرة اوى منه تقول بكل بساطة لاهو مابيعملهاش بغرض يضايقنى ابدا دا ماشاء الله الله يباركله ملالى التانك وجابلى كيس شيبس ومن ست شهور اشترالى خاتم فضة ومن سبع سنين اشترالى خاتم سولتير وطبعا الكلام ده فى مجتمع شغلى عادى واقل من العادى بكتير لكن هبة ترى كل بسمة جوزها بيبتسمهالك كرم منه بتشكره عليها !!!!!!!!!!!
هبة رغم ان تعاملها انجليزى فى الماديات لكن كرم الدنيا فيها
لااتعجب ابدا حينما الاقيها بتتصل انها فى الطريق وطبخت كلة لذيذة بطعم جديد وعيزانى اذوقها وتيجى لغاية البيت عشان تدينى طبق فيه الاكلة اللى اكلت منها مع انها ممكن تجيبها تانى يوم ولو قلتلها كدا تقولى وتكليها بيتة ليه ؟؟؟؟؟؟؟؟
هبة اول واحدة تذكرنا بالمناسبات الخاصة بزملائنا واول واحدة تسبق فى اى لم فلوس للخير واول واحدة تيجى يوم رأس السنة الهجرية وهى جايبة قلم ولا كيس فلوس ولا حتى دبوس طرحة ولا تستحى ابدا من الهدية مهما كانت وهى بتقول :بصى انا افتكرتك ..حتزعلى لو انها حاجة بسيطة ؟؟؟؟
مين ممكن يزعل وحد فكر فيك ولو بحاجة بسيطة جدا بس بيقولك فيها انا بحبك
وتسألها لما تجيب هدية قيمة ليه يا بنتى كلفت نفسك
تتزربن وتقول : انتم حتلغبطونا ليييييييييييييه هو مش النبى قال كدا تهادوا تحابوا ؟؟؟؟؟؟؟
وفى مرة كنا بتكلم فى قيمة الاتباع والطاعة فى الاسلام وفلسفة الاتباع والجماعة ولقطت قولى ان لكل شىء رأس
وقالت لى : يعنى معنى كدا ان البيت له ريس واحد بس
فهمت تقصد ايه وقلتلها الرأى النهائى له لك المشورة والمناقشة بس رأيه الفيصل
بعد كام يوم
قالت لى
انا مشيت على الحديث ده ارتحت جدا ماشاء الله النبى عليه الصلاة والسلام مايقولش حاجة الا وفيها كل الخير
سمعت ونفذت لم تتأخر ولم تتوان


على الناحية الاخرى
زوجها ماشاء الله ربنا يبارك فيه ... التفاهم والمشاورة والاحترام الكامل لها امام اى حد
غير كدا الذوق فى معاملة اصحابها اكراما لها وغير انه عاطيها حريتها فى الخروج طول ماهو فى الشغل ولها ان تقعد مع حد من صحباتها تتغدى برة او تشرب فنجان شاى او نلف بالعربية
لها الحرية الكاملة تماما والثقة العمياء فيها وشهادة لله هبة عمرها مااخدت هذه الحرية بشكل سيىء او بدون فهم ووعى لها بل على العكس بتقول دايما ثقته فيا حبل مطونى بيه
ولما ندلع عليها فى مشوار طويل شوية تصرخ :هو عشان الراجل ذوق معايا خلاص عيارى يفلت وتتصل بيه تستأذنه
ذكرنى ذلك حينما كلمتنى احدى قريباتى تشتكى الى زوجها الذى لايراعى المناسبات الخاصة باهلها واصحابها ولاهو بيرضى يخليها تروح تجامل ولا هو بيرضى يجاملهم وبيضعها فى موقف حرج خاصة ان كل الناس دى قد زاروهم وجاملوهم من قبل
ساعتها تذكرت زوج هبة الذى يسافر سائق كل اسبوع وهو راجع من الشغل هلكان الى الاسكندرية حتى ترى هبة اهلها ولاتحس بغربة وهى بعيدة عنهم !!!!!!!!!!!
بجد بجد بيتفرق جدا المواقف دى مع الستات لما بيرفع راسها فى وسط اهلها وبيعاملها كملكة وبيجى على نفسه عشانها
وكتير يتخانقوا هى تصر على انهم مايسافروش عشان هو تعبان وهو يصر على انها اكيد نفسها تسافر !!!!!!
يارب يديم عليهم المحبة والامان والسعادة امين
جميل لما يتنطط الزوجين مع بعضهم يقضوا ايامهم جرى وتنطيط ويبعتروا ذكرياتهم فى كل مكان هما كمان زى رانيا وجوزها يحبوا يختبروا تجارب جديدة ممكن تطق فى عقلهم يطلعوا سيوة يعملوا سافارى فى الصحراء وممكن فى يوم تانى يطلعوا على لندن ى سفرية شغل له ياخدها معاه يقضوا كام يوم ويرجعوا
الاجمل بقى
ان هبة الوحيدة اللى ممكن ابقى مطمنة جدا وانا بتصل بيها اقولها تيجى نأجر بسين المدرسة سيدات بس ونعيش فيه
تيجى نعمل رحلة سيدات بس للعين السخنة ... تيجى نروح النادى نجرى ..تيجى نروح الملاهى نضرب فى بعض بالعربيات
تيجى نروح السيدة نفيسة نعد هناك شوية
تيجى نطلع المقطم ... تيجى ننزل وسط البلد
تيجى ناكل كشرى او ممبار
هبة نموذج عصرى لامرأة مثقفة عاملة بدون عمم ولا كولا ولا قال الله وقال الرسول وبس هبة بتنفذ على طول وبخطى وتيدة وئيدة
هبة :
مش محتاجة اقولك انى بحبك صح ؟
فين يا بت الحاجة الحلوة اللى قلتيلى عليها ؟؟؟؟؟؟؟؟؟؟؟؟

نهاية اسبوع للاسف

السلام عليكم جميعا
المفروض ان الموعد مع هبة الان ..ولكن بما انها مننا وعلينا ...
نستسمحها للبوست القادم

البوست ده لى وحدى
**************
يارب ..يارب
اعنى على طريقك وقوينى على سلوكه فهو صعب شاق اخطو خطوة واهوى ألوف
يارب عودتنى الا تتركنى مع عظيم تقصيرى ومع جزيل كرمك وعطائك
وتعلم انى سكنت للحظات فيا كريم لا تحرمنى بعد منحى
فانى اعوذ بك من المنع بعد العطاء لا لانى استحق ذلك بل لانك اكرم من ان تحرمنى

ليس كرمك انى له مستحق
بل لانك بعظيم العفو احق

************************************
اليوم السابع ... حين قال لى ...ارحمينى واتركينى ولو ثوان قليلة اعيش ذلك الامان اللذيذ
مع وعد فروسى بالمساندة دائما ...اعترف انى لم اكن واثقة تماما فى قدرتهم على تنفيذه
ولكن مع المواقف ..قلت له حسنا ....يمكنك ان تهدأ قليلا ولكن انظر من ثقب الباب
ولا تفتحه ...اياك اياك
اختلس نظرة فاخرى وغره الامان ..... وفى اليوم السابع وجدته يضع لافتة على اول شريانه
( حد لاقى عينى يا جدعان )

احسن ..تستاهل

********************************
الى العزيزة...مجداوية
ارجو ان يكون الامر مجرد اعادة اوراق وترتيب اولويات فقط فغيبتك طولت
وصدقى او لا
وحشتينى فعلا
ارجوكى عودى فقد كادت الساحة ان تخلو من الفرسان
وانت مانع كبير من ان نهوى جميعا

***********************
اعجز أن ادعى انى حزينة ...ولكن شىء ما ناقص

***********************************
الى المكتئبة الهاربة

تعرفين انى لاامانع من الكثير من التوتر والاضطراب فهذا جزء بيولوجى فسيولوجى فينا جميعا
لكن ان نستسلم ..لا ...
عزيزتى :
نصيحة مجربة :
لاتجعلى سعادتك فى يد رجل

*******************************
حينما اعددت حقيبة السفر للخارج لاول مرة ؟؟؟؟؟؟؟؟
وبعد اسابيع من المحاولات والمحايلات حتى يوافق الجميع وجدت صوتا يرن فى اذنى
احم ... لوحدك؟؟؟؟؟؟؟
فافرغت الشنطة واعتذرت عن السفر
ترى لايهما استجابت للصوت ام المعنى ؟؟؟؟؟؟؟؟؟

********************************************
أليس افضل للمرىء الا يختبر مشاعر جديدة فيصبح كالطفل الابله الذى يدخل المدرسة لاول مرة ؟
ام يعيش جاهلا بما قد يكون فاته يقتله الفضول ولايعيش متعة تهجى مفردات الحياة ؟؟
لم اجرب الاختيار

*************************************
من المضحكات المبكيات ان اختير للتحدث عن الزواج الناجح ...
على اعتبار خدوا الحكمة من افواه الفشلة مثلا !!!!!!!!!

************************
قابلنى موظف الامن بعملى وهو متردد نظرت اليه متسائلة : فى حاجة ؟؟؟
شكلك عايز تقولى حاجة ؟؟
بعد استجماع انتباهه وشجاعته قال : عايز اقول لحضرتك اصل ......
:هه ؟؟ يا مهون يارب هه؟؟
ابتسم وقال : اصل فى واحد جه سأل على حضرتك وان كنتى مرتبطة ولا لأ وبصراحة قلتله
انك مرتبطة !!!!!!!!
فتحت عينايا على اخرهما ونظرت اليه بدهشة ممزوجة بابتسامة بلاهة طبيعية فسارع يقول :
اصله مش نوع حضرتك خالص ... وبعته لاستاذه فلانة
سألته بجدية : كان ضلفة كدا شبه المخبرين كدا ؟؟؟؟؟؟؟
قال : هه؟؟؟؟؟؟؟
:طوله يعنى طويل اوى
: لأ
:خلاص اما يجيلك حد غير كدا قوله متجوزة اتنين

*****************************

كان هو اولا

**** ( رانيا ) ****
رانيا ؟؟؟؟ رانيا هى كل ماينشده رجل فى امرأة ...
لى شرف ان صحبتها فى مرحلة سابقة لى وكانت رفيقة معهد الدعاة وفى الله ولله كان لقاؤنا
ان قيل لى بمن تصحبنى فى الجنة لقلت صحبتى واولها رانيا
.................

لن اتكلم عنها اكثر من ذلك ...فمن الشرع الا تمتدح المرأة للرجال وان غابت
لكن نيتى هنا هى توصيل نماذج حية موجودة بيننا بقدرات معقولة غير بعيدة عنا جميعا
حققت تلك النماذج معادلة شديدة التعقيد شديد اليسر لانهم فقهوها بحق ......

........................

لن اتكلم عن عبادتها وتنظيم اوقاتها للعبادة وعلاقاتها الاجتماعية بنا نحن صديقاتها
وباسرتيها (عائلتها وعائلة زوجها ) وبجيرانها ..الخ ..
............................
لن اتكلم عن حبى لها ... فالله وحده يعلمه ....لكنى ساتكلم عن احترامى لها كزوجة
لايعينيى هنا زوجها فانا لم ارها يوما تشتكيه ابداااااااااااااااااااااااااااااااااا
وحدودى الشديدة مع صديقاتى لاتسمح بمعرفة شخصية لازواجهن اللهم الا ما ندر لضرورة
لذا فكل ما اذكره قولها لى عندما شكوت لها وانا فى نهاية حياتى الزوجية عدم قدرتى على طاعته
وانى فقدت احترامى له ولااستطيع الصلاة خلفه ... فكان من ضمن كلامى لها ان زوجها قد اعانها على طاعته
لذا فالامر فى طاعته ايسر فقالت (لا ... صدقينى ...هو زوج ككل زوج .. لا يختلف كثيرا ... ثم تداركت سريعا
ولكن الله يعلم انى احمده عليه فهو كذا وكذا ) وعددت محاسنه وكأنها تذكر نفسها بامانة حفظه فى غيبته

وكانت علاقاتنا ببعضنا والى الان ذات طابع خاص جدا جدا ...
نتواصى بالله وما يرضيه ولا نخشى فضح نقص انفسنا وهتك اهتراءها
وثباتها المزعوم امام بعضنا حرصا على التقوى والتعافى بنا فينا
بنعد ونبعد ولا ننسى الحب بيننا ابدا وحينما نلتقى كأننا مع بعضنا كل يوم لم نفترق

عذرا فقد خرجت عن الموضوع
ولكن
للاحبة فى ذكرهم حلاوة تذيب حشى القلب
نعود
ان حياتها نموذج لما تمنيت ان اكون عليه منذ صغرى ... لكن هيهات ان اتى فيها شيئا
ناهيك عن تنظيمها وترتيبها ونظافتها الشخصية ونظافة بيتها وحلاوة طلتها وذوقها الراقى فى كل شىء
الاهم كانت علاقتها بزوجها
رانيا استطاعت ان تجعل من زوجها زوجا مثاليا لها وعبرة لنا جميعا .... هو مسلم عادى لم يكن منتظم فى الصلاة
رجل علم ورجل اعمال لايتسع وقته لشىء الا للوصول لاهدافه البعيدة عنها وعن اتجاهها الى الله
ولكنها بفضل الله واخلاصها المتفانى الغير محدود جعل الله فيهما البركة وفى بيتهما الخير كله ... ادامه
الله عليهما بما يزيدهما سعادة وبشر ورضا وبارك لهما فى ذريتهما اللهم امين اللهم استجب وتقبل

لم تعرف الاستقرار لاكثر من 11 عاما مابين اقطار عربية واروبية وداخل مصر
تعلمت القيادة لتريحه اثناء قيادته الطويلة مابين القاهرة والاسكندرية ومدينة ساحلية منشأهما
تعلمت وهى فى الخارج كل مايمكن ان يساعده فى دراسته العليا حتى اصبح من علماء مصر البارزين
وهو مازال شابا لم يتجاوز الثلاثين !!!!!!!!

كانت سكرتيرته لاكثر من8 سنوات ودرست كيفية الاختزال واعمال السكرتارية
هذا بعد ان تنتهى من اورادها الصباحية الدائمة ثم تطير كالفراشة فى البيت -الذى لايدوم وجودها فيه
اكثر من ليلتين - فتسجل على لوحة المطبخ ماتحتاج اليه وما ينقص البيت وجدول طبيخها وجدولها اليومى
ثم تغلف كل شىء وتعقم كل شىء وتنتقل الى غرفة المكتب لتجلس لتقوم بدورها كسكرتيرة !!!

ماادهشنى حقا هو عمق الحب الذى تغلغل الى قلب زوجها .. فالحق يقال انى لااعرف ايهما بدأ بالحب
ولحقه الاخر فحين تراهما تنسى ايهما احب الى الاخر وتتوه فى محاولات يائسة للوصول الى استنتاج
ادام الله عليهم الحب امين
تراهما يخرجان بشكل شبه يومى يلفان بالسيارة
اعتقد انهما اول من اكتشفا ابورامى السورى فى اسكندرية وسندوتش الشاورمة السورى الفظيع
بالعيش السورى الرقيق ذو الطعم العجيب واذكر اننى اثناء اقامتى فى الاسكندرية لمدة تزيد عن الست سنوات
كانت تتصل بى لاخرج لها الى اول الشارع فتاخذنى معهما لتناول العشاء فى مكان جديد والامر هنا لاعلاقة له
بمأدبة عشاء فاخرة .. بل يتعلق باجتياز طعم تجربة جديدة يتقاسمانها سويا ليبعثرا فى كل ركن يمران به ذكريات من الصعب تجاهلها يوما دون ان تدمع اعين كل منهما ...هنا اكلا كسكسى بالمكسرات ... وهنا شربا لاتيه بالكراميل .. وهنا ارتويا من العرقسوس النظيف ... وهنا تناولا شوربة السى فووود الرائعة ...
ثم يترك لها الحق فى اختراع الاكلات والتجربة فيه وغالبا ماينتهى الامر الى الضحك والخر على الارض من شدة القهقهة والسعادة وعدم تجريحها مهما بدا الطعم سيئا حتى اصبحت احدى اشطر النساء فى الطبخ الاوروبى والشرقى والمغربى والشامى على حد سواء
كثرا ماكنا نلتقى فى عزوماتها العامة فى رمضان لاجلس بين اصحابه وزملاء عمله وزوجاتهم كقاسم مشترك معها
(والحق يقال انى الفائزة دائما ) فكنت اسارع قبل الموعد المحدد باتفاق معها لاعيش معها حياتها المطبخية الرائعة التى تسعدنى لكنها وللاسف كالدنيامو لاتحتاج الى شىء كل شىء معد ومجهز وبتوقيتات ممتازة ولاانكر ان لرقى الاجهزة وتقدمها ورقى الذوق فى المطبخ يفتح النفس لاى شىء .. ولكن مااعلمه عنها يجعلنى اجزم انها فى كافة الاحوال كانت لتكون كما هى الان دون فارق


يغمرها بالهدايا التى تثير حسد الحاقدات وغبطة المحبات ... ينتقى النفيس فى كل شىء ويعطيه لها
..

الاجمل
ان يصبح مع الصبر والدعاء والايمان العميق به وبمعدنه الاصيل ممن لايفوتون صلاة ولا صيام نوافل
وفى كل هذا كان الابتلاء مستمرا من امراض وحرمان من الذرية لمدة 9 سنوات كاملة

ولما تناقشنا فى احساسها كانت صابرة مش بس كده راضية ضحوكة واثقة انها فى اجازة حتى تظبط حالها
وتستقر سفينتها اولا ثم لن يبخل الله عليها بشىء حتى من الله عليها بتوءمين

كانت تلح فى طلب الدعاء منى وكانت ومازالت ذات قربى وصلة متواصلة بى وكم ناشدتها الله ان تدعو لى
ان اكون يوما ولو ربعها فى شدة تقوتها واعتدال منهجها وسلوكها الاسلامى الراقى
كانت تقول اننا متشابهتان تماما ولم ار هذا يوما

ويوما ما سألتها :
أحبك لى مودة فى القربى فقط ؟
قالت : يا بنتى والله لو لم يكن نسبك لى معلوما لقلت انك اقرب الناس نسبا

لااذكر متى خرجت من حضنها بعدها ولا متى توقفنا عن البكاء
اشعرتنى بما لايمكن وصفه واقسمت انه لو امن احد باحد مثلما امنت بى هكذا لاختلف حال اناس كثيرون
ويعلم الله انى ادناهم واقلهم ادبا وسلوكا وان دنوا للحضيض

ويوم بكيتها عدم استطاعتى ان اكون مثلها كفكفت دموعى وقالت :
بل هو الذى لم يعينك على طاعته ... يا حبيبتى فى البدء كان هو ومنه كنا فلست منه
فيوم رأيتكما معا قلت لاليس هو ولكنى لم اقدر ان اقولها لك
تعجبت وقلت :ولم هذا الشعور ؟
قالت :- استغفر الله ولكنى رأيتك أرجل منه وهكذا كان رأى زوجى فيه ...
لولا رجولة زوجى ماكانت انوثتى التى تدهشك الان

من يومها ....

فهمت القوامة وفهمت ان الانوثة لن تكون الا بالرجولة اولا

حبيبتى الغالية ...

رفيقة عمرى ليكن كل دعائى لكى بظهر الغيب معبرا تعبرين منه الى اعلى الجنان باذن الله

ويا نساء امة الحبيب المصطفى احببن لله واطعن لله فان لم يكن فيه اليوم خير فايمانك به ودعائك له
حبل يمد للغريق فلا تقطعيه فيقطع الله عنك حبلا انت فى اشد الحاجة له لتصلين الى الله
اعاذنا الله واياكم شر المنع بعد العطاء والكسر بعد الجبر امييييييييين

انتظروا نموذج جديد ... هبة ... جناحى الايسر

ويبقى الامل رغم كل شىء

الحق احق ان يتبع (مش كده) ؟!!!!
انا قلبت البوست اللى فات بسرعة عشان فعلا محتاجة اكلمكم واكلمكن بالتحديد عن حاجة مهمةجدا ...
***************
الرحلة الماضية كما قلت لكم لم تكن مجرد رحلة فقط كانت منتصف طريق لن اقول لكم بداية او نهاية فانا لا احب الكلام الكبير ده ..الرحلة كانت وقفة حقيقية مع نفسى ومع ما حولى
اشكر من ساهم فيها وفى انارة الكثير من اللمض فى نافوخى .... بس لو شفته حفتح قرنه وهو عارف ليه!! ما علينا نعود للرقة اه ه ه (كحة)
*************************
قررت اسوق لكم نماذج رأيتها رؤى العين عل ذلك يعيد اليكم والينا جميعا بعض الامان الذى كدنا ان نفقده ولا ادعى فقدانه والا لكنا من سكان العباسية او المعمورة كل حسب توقيته المحلى وجغرافية أمراضه النفسية
اقرأن جيدا يا نساء
*********************
اول نموذج ... تاتتتتتتتتتتتتتتتتتتتتتتتام
بابا وماما
الاسبوع الماضى كانت فرصتى لرصدهما ...ماشاء الله ولا حول ولاقوة الابالله والله اكبر
ايه كمان ؟
شيخان اكل منهما العمر والفقر والشقاء وشربوا حتى الانتشاء
ورغم ذلك كان يجمعهما اتجاه ومسلك واحد محدد ابى هو معلم امى واستاذها يكبرها باكثر من عشرة اعوام ... دائما ما ياؤمها فى الصلاة ... رأيه دائما صائب لها مهما اخطا وان قومته استجاب وانصاع بخلق من لايستكبر على الحق ولو من فم امرأته بل دائما مايسألها الرأى والمشورة امامنا
نظرة حب واجلال واعزاز وتقدير لاحد لها ولانهاية تشع من عينيها له طوال الوقت وطوال عمرهما ..غضبها منه دلع دائم وتناديه بلفظ لايحبه اذا اغضبها فيعرف انها غضبى
لم يمنعهما الفقر ولا تغير الاحوال من الحب ..لم تدفع بهما انواء الحياة لغير ماكانا عليه
اخلاص فى اتجاهمهما الى الله وثبات على ماهم عليه
ادب جم بينهما ... لايقولا الفاظ حب ... لكن اى حمار معدى خارج بيتنا يشهد بعمق هذا الحب ...

من قال ان الحياة ليس فيها خير ... اجمل مافيهما هو افتخار ابى الدائم بامى رغم اميتها لكنه يراهن عليها بعمره فيمتدح طبيخها وقصة شعرها وثوبها البيتى الجميل ومهارتها فى الخياطة واعمال الابرة واراءها السياسية العميقة وتقديرها للامور
وهى
هى تراه كل شىء ... تأكلها الغربة اذا ماظل فى غرفته اكثر من ميقات ورده ... فتدخل عليه عاتبة انه تركها وحدها فيجلسها امامه ويكمل ورده
اللهم بارك لهما وفيهما وفى ذريتهما (اللى انا واحدة منها ) يااااااااااااارب

(ودينى لو جرى لهم حاجة لاقدر من عينكم وقعتكم بيضا منى ... تصلوا على النبى كدا وتذكروا الله ايوووووووووة)

************************
النموذج التانىىىىىىىىىىى
عمو محمد وطنط نادية
عمو محمد صديق ابى ورفيق عمره
فى زيارتى لهما استعدت مشاعر راحة وامان كانت تنقصنى كثيرا ... عمو محمد رجل غاية فى الطيبة والحزم معا
يوم الجمعة يقوما من قبل صلاة الفجر ليؤديا صلاتهما ويكملا اورادهما لطلوع الشمس وينتهيان من قراءة سورة الكهف ثم يحضران الافطار سويا واولادهما نيام ويفطران معا ثم ينزلان يركب سيارته وهى بجواره ويذهبان الى السوق يتسوقا اكل الاسبوع ثم قبل الصلاة يكونا فى البيت يدخلا المطبخ يفترشا الارض يقوما بتنظيف الخضار والاسماك
طبعا لست فى حاجة ان اقول لكم ان عمو محمد هو من يقوم بكل المهام الصعبة والمقززة
بطيب نفس ورضا خاطر ... مابيحمرأش عشان يهرب لا على العكس يحاول انهاء مايمنكه قبل الاغتسال مرة اخرى للجمعة وهى ايضا لينزلا للصلاة سويا وغالبا ماتبقى هى لتحضير الغداء عمو محمد لايأكل الا السمك المشوى فى كل يوم تجد جدولهم للطعام مختلف ثابت اسبوعيا القاسم المشترك سمكة كبيرة مشوية لان عمو محمد بيحب السمك المشوى !!!! خلال كل هذا وذاك الحوار بينهما دائر عن كل شىء ...الحب بينهما متصل ..
لم ار امى ولا طنط نادية يأكلان قبل ازواجهما لابد من وجودهما معا (حتى تصبح للقمة طعم) اوليست تلك هى السكينة اوليست تلك هى الرحمة؟!!!
مش لسه اهو فى بشر طبيعيين يا عالم
ناس مكانتها وسط قومها عالٍ ورغم ذلك لم يمنعهم كبرياء احمق من ان يراهم الناس ينفضون ويمسحون الارضيات ويحملون الاكياس المزفرة رفقا بزوجاتهم ... تفتكروا مين ممكن تقل ادبها ولا تعامله معاملة سيئة ولا تسيب بيتها ومعها رجل بهذا الخلق ..

فى رحلتى رأيت الكثير وسمعت اكثر وكان منها المؤلم والمفرح لدرجة البكاء
فى رحلتى تلك لمحت ظلا كدت انسى له وجود ولكن يبدو انه مازال بيننا
انه الامل ... انه اليقين بان الله يعلم ويرى وانه هو العوض ونعم العوض
المرة الجاية حقولكم على رانيا ودى حكاية
تابعونا ... والا هااااااا؟

وعدنا..........

السلام عليكم جميعا
ماحشتونيش خالص ...


.......مش اوى يعنى !!!


بصوا بقى

وحشتونى جدا اااااااااااا ارتحتوا ؟!!!!


بجد سبحان الله كنت مقتفداكم جدا جدا ...ايه الحكاية دى؟ احنا ماشفناش بعض ولا نعرف بعض
بس عشان يتعلموا اصحاب العقول المزنخة ... ان الحب فى الله اقوى من اى علاقة ومش لازم يكون فيه
حاجة فى الخفاء ..عشان الناس تتعامل بكل ذلك الرقى والسمو والمؤازرة ... يارب ماتخلى عقلى يزنخ ابدا
ازيكم كلكم ؟؟؟؟؟؟؟؟
عملتم ايه فى غيابى ؟
وصلنى اخباركم وسمعت ان النيران الصديقة مولعة على الاخر ..........
يلا الله يحرقهم كلهم الصديقة والعدوة فى اتون واحد
... بس على مين انتم اداها ...

كل حبى واشواقى لمعرفة الجديد لديكم جميعا ... فلتسامحنى من اعتادت منى السؤال عنها فلقد
كنت فى حاجة للسؤال عنى ولكن الله سلم ... وعدنا

عدنا بعد ان رمينا كل ماكان وما فات بين ضفتى النيل ...عدنا ..
عدنا وقد اكرمنا الله ومن علينا بكثير من الالام التى طهرتنا واحدثت ثقبا هائلا فى تجويف نفوسنا حتى
نتعلم الا مساند الا الله ولامعين سواه
فهنيئا هنيئا
الحجوجة الجميلة زى الفل وتمام التمام وعايزة تعمل مشروع تجارى من بيتها ههههههههههه
وقد قمت مع سبق الاصرار والترصد والتفصد كمان بتشجيعها ووضعنا خطة لمدة عامين لانفاذ حلمها القديم
اينعم بابا كان عايز يزلقونى برة البيت بس على مين ؟
المهم الحمد لله هدينا النفوس وجيينا هيعهيعهيعهع
ماهو مش حيفضلوا يحبوا فى بعض وهما فوق السبعين ادام عينى ويجزوروا فيا بقى !!!!!!!!
قلت لما اشوف حيعمل هو ايه بقى ؟ وكسفنى وحرق دمى لما اعد يفكر معنا فى المكان ويقترح
علينا الاماكن وماما تنظر لنا بتشكك وارتياب ومتوقعة ان ننفجر فى الضحك انا وهو كعادتنا
لكن كان ابى جادا ...سيظل خلفها يؤازرها دائما مهما كانت العقبات فانه يذللها بقبلة حانية على جبينها
مقترحا حلولا مريخية لا علاقة لها بالارض ومن يعيش عليها وتبتسم هى مرتبة على كتفة وهى تقبله (ادها يا حجيج )


ايه ده ...ادها ايه ؟ انا قرطاس جوافة ولا حب العزيز انا هنا ؟
ايه العالم دى ؟

خلاص مش لاعبة

اروح لخالتى
تجيبلى تلبك معوى من كتر الحشر اللى حشرتهولى اشى طواجن واشى سمك واشى فراخ وبط
حسبى الله ونعم الوكيل

فوضت فيك الامر لله يا زوزو

قابلت اصحابى وجلسنا فى الشرفة نرتشف الشاى ابو نعناع (وحطيت عليه لمون ) لزوم التلبك ههههههه
حكينا كل اللى كان واللى جرى وضحكنا ولم نسمح بدمعة حزن واحدة لالالالالالالالالا

ركبت الحنطور ولفيت بيه الكورنيش وركبت مركب وعملت زى التيتانك ..
لم اطلع الجبل كعادتى لان الدكتور منعنى ومنعنى من الكثير والكثير لكن طظ ماعلينا عرفت استمتع برضه

امى لم تقتنع بالزيت ولا السمن البلدى حتى .. حد يسلفنى عيل يا جوبنة

الرحلة مش بس كانت رحلة استجمام ولا رؤية اهلى الرحلة كانت اكبر كتير
رحلة عمر كامل فات
اعدت حسبت حساباتى وراجعت اوراقى ولاقيت حاجات كتير
لاقيت انى لسة البنت ام الضفاير اللى عمر ما التوك مسكت فيها وان كانت الضفاير راحت
لكن البنت هى هى

من كتير اوى اوى لم اشعر بما شعرت به فى هذه الرحلة مزيج كاد يقتلنى لدرجة توهن جسدى
ولا يحتمل الصراع فيخر صريعا لكن بابتسامة كبيرة تعلو وجه خلت منه الحياة

رأيت مكان رماح ولم اشعر بالبرد كعادتى
فى اقتراحات ذكية لماحة جدا قالت ان عشان الدنيا كانت حر !!!
ممكن بردوا

الحياة ..رحلة ..رحلة مهمة منها يتحدد نهايتها راحة ولا عذاب
وان شاء الله راحة ان شاء الله
مش مهم الواحد يتجوز ولا يخلف ولا يشتغل ولا يريح فى اجازة ولايرقد فى مسشتفى حتى
مش مشكلة كل ده
الاهم ان الرحلة دى مهما طالت فهى اقصر مما نظن اننا ندركها
الرحلة الاهم هى الى الله الرحلة الاهم هى انك فى عز المك وتعبك تحاول توصل للى وعدوك انهم جنبك
ماتلاقيهمش وتبذل مجهود عشان تخفى تعبك عنهم يمكن هما يحسوه لكن تلاقيهم الاسرع فى انهاء المقابلة
وتعود لوسادتك تنعى كل مابذلت من قوة وطاقة كنت بحاجة لها لبعض الراحة لتجد ان الله كان معك فى كل لحظة
لم تكن لتعانى هكذا حتى يمد لك يد عون بل هو يحملك على جميل لطفه الخفى
يعاتبك برفق اوجدت غيرى معين؟ اوجدت غيرى مساند ؟ اشعرت بانك وانت وسط كل احبتك مكتف ؟
ارأيت الراحة عند سواى ؟ اتركتك يوما ؟اعاتبك يوما؟ اتخليت عنك يوما ؟
فتهيج انفاسك العليلة لاوالله ياربى لاوعزتك وجلالك ..نعم الرب انت ونعم المعين
تتعالى الاصوات ويزيد العائدون لى ابتسم واطلق القفشات المعتادة منى وواجالسهم
وانا ارى الله فى حضورهم لعيادتى واسمعه فى كلمات المؤازة وامتداح قصة شعرى الجديدة
اجد الله فيهم ..وحين انصرافهم اجده معى يلازمنى بلا انقطاع
اللهم عفوك وغفرانك ..اللهم لك الحمد على ما انعمت وتفضلت على بكل هذا الحب وهذا العطاء وهذا الخير
وهذا الابتلاء وهذا الاسبوع الجميييييل الذى مامن يوم مر به الا وكان لى فيه الخير كل الخير

وابشروا بخير كبير
ابشروا
فقد قال حبيبى صلى الله عليه وسلم (تفاؤلوا بالخير تجدوه )
والله صدقت
حبا فى الله وفى رسول الله لكم جمييييييييييييييييييييييييعا