تحديث ( 1)جزيتم كل الخير عن حبكم لنبيكم ... يا جماعة الفكرة كانت بسيطة وبدأت بفصلى اللى كنت بدرسله ولما نجحت بفضل الله ومنته الاولاد بلغوا اهليهم وبدأ الاهالى يطلبوا توضيح للحملة وخطواتها ...وهى ببساطة ازاى نقرب من النبى صلى الله عليه وسلم بس من غير كلام انشاء من غير عمم ولا تشدق ... بافعال حقيقية بسيطة جدا يعنى نتغير ازاى؟؟؟ ..اختى ايمان بدأت بصلاة الفجر ...ها ايه كمان ؟؟؟؟الاولاد اصبح هتافهم فى اى لعبة وبدأوا يحرزوا مراكز افضل حبا فى رسول الله ...عن نفسى انا بحاول اهدى من ردود افعالى الغاضبة حبا فى رسول الله .. ماوصلتش للنهاية لكن بحاول وبدات نتائج بسيطة تظهر ... خلوا الحملة تطبيق فعلى فى حياتكم وادونى مقترحات
يعنى مثلا ..ستات البيوت ممكن يفيدونا ازاى فى حل مشاكل الاقتصاد وغلاء الاسعار مين عملت ميزانية توازن بيها امورها فى الوقت الصعب ده تعلمهلنا ؟؟؟؟
مين عمل جدول يومى لنفسه وماشى عليه ونفعه ؟
مين قدر يقرب من النبى عليه وسلم وعمل ايه ؟
النساء قولولى ازاى نعامل انوثتنا وازاى من خلالها نصل لفطرتنا السليمة ؟؟؟
فكروااااااااا
حبا فى رسول الله انهضوا بالامة دى
***************************************************
عاجل
(نحتاج الى مترجمات لغة انجليزية متطوعات على وجه السرعة )
(تم تعيين باحث الغبراء محامى الحملة ..ربنا يستر )
ماحبش الحلاوة ... بحب الاسماك وشوربة السى فودد .. ربنا يعينا ان شاء الله
الندوات ستتم فى احد مساجد المعادى اربع محاضرات كل سبت على من ترغب فى الحضور مراسلتى على الايميل فالنساء وقود هذه الحملة
****************************
لماذا حبا فى رسول الله ؟؟؟
- لاننا اولى الناس به
- لانهم ازدادوا بغضا فيه فنزيد حبا فيه اللهم صلى وسلم وبارك عليه وعلى اله
- لان حتى المسلمين انفسهم منهم الكثيرون للاسف من تناسوا حقيقة حبه اللهم صلى وسلم وبارك عليه وعلى اله
- لان حبه شرف يرفع القدر ولاننا ولله الحمد مسلمين سنيين فلا خوف من مغالاة الحب خاصة ان كان فعلا لاقولا
- لاننا نفقد ابناءنا وطبيعتنا كنساء وحقيقة الرجال فاصبحنا بلا ملامح لذا وجب التمسك بحبه وبسنته فعلموا انفسكم وابناءكم محبة رسول الله صلى الله عليه وسلم تسليما كثيرا
- لان من تجرأ على الخوض فى حقه لم يفعل ذلك الا لضعفنا والقول عندى ان نصلح انفسنا اولا قبل ان نلومهم
- ان المظاهر كثرت لاو واقع عملى تطبيقى سلوكى لنا فاى عار
- لانه سفينة النجاة من تمسك بها نجا فاستمسكوا بسنته وبكتابه تسعدوا وتسلموا واذكر نفسى واياكم
- انى لست بخيركم ويعلم الله انى مقصرة شدة التقصير ولكن ارادنى الله عزوجل مربية لابناء مسلمين فكان يجب توصيل الرسالة خالصة له سبحانه وكان يجب ان نزيد وقود الهمة وتجديد النية حتى وان كنت مسيئة
- كثر المتكلمون وقل الفاعلون لذا وجب التنبيه بقدر من التطبيقات العملية حتى نعود خير امة
- لان من النساء السيدة خديجة دعامة رسولة الله التى ساندته وازرته ومنهن السيدة روفيدة طبيبة الحروب والغزوات ومنهن السيدة صفية اول محاربة فى الاسلام ومنهن السيدة ام سلمة صاحبة الرأى والمشورة ومنهن السيدة سمية اول شهيدة فى الاسلام ومنهن السيدة اسماء التى كانت مدد الهجرة بالزاد والمؤن ومنهن السيدة عائشة راوية رسول الله صلى الله عليه وسلم ومنهن ام محمد الفاتح وام صلاح الدين وام العز بن عبد السلام وام الشافعى وام الرجال حقا هى نعم المسلمة ومنهن كثيرات فالفخار كله ان ننتمى لجنس هؤلاء اللاتى شرف جنسنا بهن
- ولان الوقت يمر سريعا ونخشى ان نقابله ولا زاد معنا ولا مؤن فلا صومنا ولا صلينا ولا بالهادى تأسينا فلنسرع فالعمر قصير والزاد قليل
- لان التاريخ يعلنها صريحة ماقامت امة الا بصلاح نسائها فاعين هذه الامة فلن تقوم الا بكن اولا
- لاننا نساء عاملات تكالبت علينا هجمات شرسة من الاعلام وازمات طاحنة من الاقتصاد ولكننا مسلمات والمسلم الحق لاتهزه الظروف بل يطوعها لما يرضى الله فنحن واسلافنا من حبسنا فى شعب ابى طالب ومنع عنا الطعام ونحن من اخرجنا من بيوتنا هربا لله فلا تبتأسوا وقوموا لله فالنبى ينادى
انا النبى لاكذب انا ابن عبد المطلب
فهل من ملبى ؟؟؟؟؟؟
- كلمكم جزء من حبا فى رسول لله فشاركوا معنا بتطبيقات عملية لحبه صلى الله عليه وسلم من واقع حياتك وطوع ذلك لطبيعة عملك
هناك فريق متابع لهذا البوست سيتلقى بكل السعادة والشوق لاقتراحاتكم فلا تبخلوا على انفسكم حبه
ان شاء نوافيكم ببرنامجها بعد اكتماله بتوجيهاتكم
ملحوظة اعتذر عن الرد لكثرة ورش العمل حول الحملة وبعدى الفترة القادمة
ومن فريق حبا فى رسول الله
حبا فى الله و رسول الله
(نحتاج الى مترجمات لغة انجليزية متطوعات على وجه السرعة )
(تم تعيين باحث الغبراء محامى الحملة ..ربنا يستر )
ماحبش الحلاوة ... بحب الاسماك وشوربة السى فودد .. ربنا يعينا ان شاء الله
الندوات ستتم فى احد مساجد المعادى اربع محاضرات كل سبت على من ترغب فى الحضور مراسلتى على الايميل فالنساء وقود هذه الحملة
****************************
لماذا حبا فى رسول الله ؟؟؟
- لاننا اولى الناس به
- لانهم ازدادوا بغضا فيه فنزيد حبا فيه اللهم صلى وسلم وبارك عليه وعلى اله
- لان حتى المسلمين انفسهم منهم الكثيرون للاسف من تناسوا حقيقة حبه اللهم صلى وسلم وبارك عليه وعلى اله
- لان حبه شرف يرفع القدر ولاننا ولله الحمد مسلمين سنيين فلا خوف من مغالاة الحب خاصة ان كان فعلا لاقولا
- لاننا نفقد ابناءنا وطبيعتنا كنساء وحقيقة الرجال فاصبحنا بلا ملامح لذا وجب التمسك بحبه وبسنته فعلموا انفسكم وابناءكم محبة رسول الله صلى الله عليه وسلم تسليما كثيرا
- لان من تجرأ على الخوض فى حقه لم يفعل ذلك الا لضعفنا والقول عندى ان نصلح انفسنا اولا قبل ان نلومهم
- ان المظاهر كثرت لاو واقع عملى تطبيقى سلوكى لنا فاى عار
- لانه سفينة النجاة من تمسك بها نجا فاستمسكوا بسنته وبكتابه تسعدوا وتسلموا واذكر نفسى واياكم
- انى لست بخيركم ويعلم الله انى مقصرة شدة التقصير ولكن ارادنى الله عزوجل مربية لابناء مسلمين فكان يجب توصيل الرسالة خالصة له سبحانه وكان يجب ان نزيد وقود الهمة وتجديد النية حتى وان كنت مسيئة
- كثر المتكلمون وقل الفاعلون لذا وجب التنبيه بقدر من التطبيقات العملية حتى نعود خير امة
- لان من النساء السيدة خديجة دعامة رسولة الله التى ساندته وازرته ومنهن السيدة روفيدة طبيبة الحروب والغزوات ومنهن السيدة صفية اول محاربة فى الاسلام ومنهن السيدة ام سلمة صاحبة الرأى والمشورة ومنهن السيدة سمية اول شهيدة فى الاسلام ومنهن السيدة اسماء التى كانت مدد الهجرة بالزاد والمؤن ومنهن السيدة عائشة راوية رسول الله صلى الله عليه وسلم ومنهن ام محمد الفاتح وام صلاح الدين وام العز بن عبد السلام وام الشافعى وام الرجال حقا هى نعم المسلمة ومنهن كثيرات فالفخار كله ان ننتمى لجنس هؤلاء اللاتى شرف جنسنا بهن
- ولان الوقت يمر سريعا ونخشى ان نقابله ولا زاد معنا ولا مؤن فلا صومنا ولا صلينا ولا بالهادى تأسينا فلنسرع فالعمر قصير والزاد قليل
- لان التاريخ يعلنها صريحة ماقامت امة الا بصلاح نسائها فاعين هذه الامة فلن تقوم الا بكن اولا
- لاننا نساء عاملات تكالبت علينا هجمات شرسة من الاعلام وازمات طاحنة من الاقتصاد ولكننا مسلمات والمسلم الحق لاتهزه الظروف بل يطوعها لما يرضى الله فنحن واسلافنا من حبسنا فى شعب ابى طالب ومنع عنا الطعام ونحن من اخرجنا من بيوتنا هربا لله فلا تبتأسوا وقوموا لله فالنبى ينادى
انا النبى لاكذب انا ابن عبد المطلب
فهل من ملبى ؟؟؟؟؟؟
- كلمكم جزء من حبا فى رسول لله فشاركوا معنا بتطبيقات عملية لحبه صلى الله عليه وسلم من واقع حياتك وطوع ذلك لطبيعة عملك
هناك فريق متابع لهذا البوست سيتلقى بكل السعادة والشوق لاقتراحاتكم فلا تبخلوا على انفسكم حبه
ان شاء نوافيكم ببرنامجها بعد اكتماله بتوجيهاتكم
ملحوظة اعتذر عن الرد لكثرة ورش العمل حول الحملة وبعدى الفترة القادمة
ومن فريق حبا فى رسول الله
حبا فى الله و رسول الله
.jpg)
المشاركات
هناك 54 تعليقًا:
أنا أول تعليق..:)
أنا هنا عشان اشجعك جداً..
و اشكرك جدا على جهدك دة ..
نفع الله به الامة ..
الله يبارك فيكي .. و يرزقك خير يا رب.
هااااااام جدااااااا
للجميــــــــــــع
برنامج حملة حبا في رسول الله
عبارة عن محاضرات توعيه وموضوعات ستنشر لاحقا في المدونة ان شاء الله
وتتحدث عن دور المرأة المسلمة في المجتمع
من خلال كيفية تعاملها مع :
1- الرجل ( كأب , زوج , اخ , زميل عمل )
2- المرأة المسلمة والاعلام
وكيف نتعامل معه بحيث نأخذ المفيد وندع غير المفيد؟
3- المرأة المسلمة والاقتصاد
وكيف تكون المرأة شريكا اقتصاديا في المجتمع وايه المشروعات اللي ممكن تقوم بها سواء بمفردها او مع اخريات
وكل ذلك في اطار اسلامي مقتديات بسنة رسول الله صلى الله عليه وسلم
ونركز على الجملة دى كمان
فشاركوا معنا بتطبيقات عملية لحبه صلى الله عليه وسلم من واقع حياتك وطوع ذلك لطبيعة عملك
وياريت حد يفكر لعلها بخير اني مقبضتش مقدم اتعابي لسه
الاخ الباحث عن الحقيقة
السلام عليكم ورحمة الله وبركاته
اتفضل حضرتك ببعض مقترحات تصلح من خلال حياتك وعملك
والسلام عليكم
فريق حبا فى رسول الله
الله اكبر
موافقه جداااااااااااااااااااااا
اللغه الانجليزيه عندي تمام بفضل الله
اسباني مكسر
فرنساوي لسه بحبي فيه
وممكن اجيب واحده تترجم روسي
لعلها خير
ربنا يباركلك يارب ويرزقك الاخلاص في ميزان حسناتك اللهم امين
انا اعرف ناس فى جروب صناع الحلاية فى الحملة ..دى وفى كذا جروب ممكن اوصلكم بيهم...وفيهم مترجمين لكذا لغة مش انجليى بس
السلام عليكم ورحمة الله وبركاته
جزاكم الله خيرا كل احبة الهادى صلى الله عليه وسلم
نحتاج لترجمة الاتى لكن من شخص متخصص ترجمة فكلنا نجيد الانجليزى لكن امانة التوصيل هى مانخاف اننا لانتقنه
نسألكم الدعاء
ولعلها خير تبلغكم سعادتها بمشاركتكم وتعتذر لكم عن متابعتها ونتمنى تقديم مقترحات كيف نحب النبى بشكل صحيح بالتطبيقات العملية والامثلة
الرجل
المرأة
الابناء وتربيتهم
كيفية التعامل مع الاعلام
كيفية تعامل المسلم الحق مع الاقتصاد والمال
الرابط الاتى هو ماتطلبه لعلها خير
http://www.switzerblog.com/2006/01/be-fascinating-woman-in-three-easy.html
-fascinating-woman-in-three-easy.html
السلام عليكم ورحمة الله وبركاته
بارك الله فيكم وقواكم وهداكم واعناكم وسدد خطاكم جميعآ يارب
الله ساعدهم وساعدنا فيما نحن فيه وقونا وقوهم لما تحب وترضى .
اولا : اشكر الاخت عاشقة الفردوس وارحب بها وبمشاركتها وبسرعة استجابتها لدعوتي لها بالمشاركة
واتمنى من الاخت لعلها بخير ..ان تتراسل مع الاخت عاشقة لان اختنا عاشقة شخصية ديناميكية وذات افكار جميلة
ثانيا : الاخت غير معروف
يعني انزل انا من على المنصة
طيب ثواني
اتفضلي
بسم الله الرحمن الرحيم
اشكر متابعتك يا اختي الكريمة غير معروف وشكرا لقيامك بعبء تدوين وتلقي المقترحات جزاكم الله خيرا
اللينك اللى حضرتك ودعتيه لمدونة باللغة الانجليزيه فلكم تقصدون ان هذا شئ تريدون ترجمته أليس كذلك؟
طيب ان شاء الله بخصوص تجربتى انا
في الحقيقة كانت الاخت لعلها بخير ارسلت تسألني في استشارة قانونية عن الحملة فرددت عليها بطلب معلومات عن الحملة فأخبرتني بما ذكرته في اول تعليق لي في هذه التدوينة
ولا اعلم شئ بخصوص طلبها الحديث عن مقترحات كل شخص من واقع حياته وعمله
اختي الفاضلة لا اعلم هل انا على الخط الصحيح لمتطلباتكم ام لا بالحديث الاتي
اولا ولله الحمد انا اتخذ من قوله تعالى : ولا تكن للخائنين خصيما
شعار لي في عملي ونرجو الله الثبات
ولا استطيع ان اتحدث عن عملي عموما
ولكن سأذكر لكم منهجي في قضايا الاسرة
وهي اني ابذل كل جهدي في مساعي الصلح الاولى
لذلك انا محامي محبوب لدى الاخصائيين في مكتب التسوية وذلك لاني اقدم دائما مصلحة البيت المسلم على اي اعتبار
والحمد لله اذكر اول مره واول دعوى في محمة الاسرة
وكانت عن رجل متزوج من ابنة خالته واشتد الخلاف بينهما وذهبت لتعيش مع اخوها وقامت بشكاية زوجها بجنحة ضرب وتعدي وهو قام بشكيتها بايصال امانه جعله باسم صاحبه حتى لا يضغط عليه احد بالصلح
ثم قامت برفع دعوى طلاق وكان اخوها مصمم على الطلاق
وكان الزوج ايضا مصمم على تطليقها ولكن بعد حبسها
وكنت وقتها محامي تحت التمرين فأستطعت اقناع الزوج بأن يعدل عما في رأسه ويتقي الله وان هذه ابنة خالته وزوجته الخ فرضي بذلك وقال لا مانع انا متفرقش عندي
ولكن كانت المشكلة في اخ الزوجة الذي كان رافض الصلح ومصمم على الطلاق
فجلست معه واخذت انصحه وهو كان يسبني بصفتى محامي الخصم وظنا اني احاول ان اضحك عليه او ان هذا دليل على ان موقفه هو اقوى من موقف الخصم خاصة في دعاوى الجنح التي بينهما
ورغم تصميمه اخذته من امام الاخصائيين في مكتب التسوية وخرجت به ووقفنا في الخارج انا وهو
وقلت له : سواء هو اتحبس او مش هيتحبس فالمحامي دايما هو اللى كسبان
وانا ماليش مصلحة انا تحت التمرين ..وسوف نتحدث انا وانت كمسلمين ..اختك حامل من زوجها وانت موظف بسيط لن تستطيع الانفاق عليها وهو يستطيع ان يؤذيك في عملك بعلاقاته واتصالاته ثم ان ايصال الامانه اختك راح تاخد فيها حكم بالحبس مهما فعلت
فاحنا يابن الناس علشان خاطرك انت وظروفك وخاطر اختك الحامل اهي ترجع لزوجها لغاية الامور ما تهدى ويجعل صاحبة يتنازل عن قضية الايصال ويقر بالسداد وهى ترجع بيت زوجها واذا حصل منه شئ غلط تاني تقدر ترجعلك في اي وقت ..لانه زوجها سائق ميكروباص مصر ليبيا يعني بيغيب فترات طويلة عن البيت فاذا ضايقها بكل بساطة تقدر تاخد دهبها وتجيلك
والحمد لله اقتنع وتم الصلح والتناول عن كل القضايا بينهم وهي رجعت لبيت زوجها واكيد كل واحد فيهم اتعلم شئ من هذا الدرس وراح يطول باله اكتر
هذا احد المواقف
موقف ثان موكلة بتسألني بعد ما حصلت على الطلاق وبنفذ لها حكم نفقه قابلتني صدفه في الشارع يا استاذ احمد زوجي عايز يرجعني واخويا رافض
قالتها سيبك من اخوكي خليه يخبط دماغه في الحيط دول طماعنين في متجمد النفقة ألفين جنية اللى زوجها. وكان شكلها عايزه ترجع لزوجها بس اخوها رافض قلتلها محدش راح ينفعك فكري في نفسك لو عايزه ترجعي ارجعي بس للاسف ما قدرت اقابل اخوها كنت اقنعته
موقف ثالث : دعوى خلع
حاولت مع الزوجة انها تغير رأيها وتقبل تدخل عند بيت اهله لغاية ما ينتهى من تجهيز شقته فرفضت وصممت على الخلع وكان مكتوب كتابها فقط
موقف رابع : انا لا اتحرج من افساد قضايا زملائي اذا كانوا واقفين مع الباطل
زوجة قادمة لمكتب التسوية والمحامى بتاعها قالها مش فاضى روحي وحدك وارفضي الصلح كانت دعوى نفقه
وانا ما تدخلت غير بطلب من الاخصائيين هم اللى طلبوا مني اشترك في حوارهم معها لان الزوج عرض عليها نفقة مائة وخمسون جنية ..واكبر نفقة بتحصل عليها الزوجة في محكمتنا هي خمسة وسبعون جنية
فحاولت اقناعها انها لا تصدق محاميها وانها اولى بكل مليم المحامي يريدها ترفض الصلح في مكتب التسوية لانه يريد ان يتحول الطلب الى دعوى علشان ياخد اتعاب اكتر
المهم بعد ان كانت ستوقع في محضر الجلسة برفض التسوية والتصالح اثبتنا لها في محضر الجلسة طلب التأجيل
لانها برضه خافت وقالت انا مش هوافق غير لما اروح اسئل المحامى بتاعي الاول
باختصار شعارى في قضايا الاسرة ..مصلحة البيت المسلم فوق اي اعتبار
واخيرا مش عارف هذه القصص هي ما تريدونه مني ان اذكره ولا شئ ثاني
معذرة ان كنت لم افهم طلبكم جيدا
واكتفي بهذا المنصب الشرفي كمحام للحملة
اذا كان يتبع المسجد اي مؤسسه خيرية او تعليمية مثل دار تحفيظ مثلا ..يفضل ان اي اوراق دعائية للحملة يكون يحمل شعار هذه المؤسسة او الدار
اقول يفضل
وبالتوفيق للجميع
حمله جميله قوى
اتمنى اشارك فيها
بس قوليلى اعمل ايه
السلام عليكم ورحمة الله وبركاته
انا ضمن فريق حبا فى رسول الله مقسمين اليوم على انفسنا ومعنا باسورد لعلها خير لمتابعة الدونة لغاية هى ماتنتهى من ورش العمل الخاصة بالحملة
ثانيا الحملة تقوم على الاسس التى زكرتها فى التعليق الذى فات
المطلوب منا جميعا ان نقول كيف نحب النبى باقتراحات
مثلا انا عن شخصى بدأت بان تعلمت كيف اتعامل مع نفسى كواحدة ست وبدأت بالقاء السلام على كل الستات اللاى بقبلهم
كل ليلة قبل ماينام اولادى بقولهم قصة من قصص لعلها خير بتاعت النبى عليه السلام بدل من قصص قبل النوم
بعامل زوجى وقت خلافاتنا حبا فى رسول الله يعنى مش احب اسبه ينام متدايء حتى وهو اللى غلطان
فى الشغل لانى مع _____ لعلها خير ):
فاحنا ماشين على طريقة واحدة اننا بناخد 5 د من الحصة فى الكلام عن النبى فى موقف او حاجة كده
اتصلت بلعلها خي وطلبت ترجمة كتاب او اللى تقدره منه fascinating womanhood (helen andelin ) ربنا يتقبل منا جميعا والسيدات الاى عايزين يحضرون الندوات يبعتوا ايملاتهم على ايميل لعلها خير وان شاء الله هى حترد بالتفاصيل
فريق حبا فىرسول الله
يا ريت لو ينفع اساعد بشكل او باخر , ربنا يبارك فى جهد الجميع ان شاء الله
حبا فى الله وفى رسول الله انى احبك فى الله
ماشاء الله عليكى والصورة بجد تحفة تسر العين والنظر
واسمحيلى اقترح بعض الاشياء البسيطة التى اذا فعلناها واحنا محتسبينها اخدنا الثواب فيها باذن الله
منها المصافحة(كل نوع لنوعه طبعا) يعنى لو قابلت واحدة صاحبتك صافحيها حتى تتساقط الذنوب كما ورد فى الحديث
-افشاء السلام(قول السلام عليكم ورحمة الله وبركاته)عند المقابلات او الرد فى التليفون
-البسمة(نضحك فى وش بعض)
-الكلمة(نقول كلمة طيبة تترك اثر حسن فى النفس حتى لو نصيحة تكون باسلوب جميل)
-اغاثة الملهوف(لانتردد ابدا فى مكالمة شخص محتاجلنا او اعطائه باى شئ يطلبه طالما فى استطاعتنا)
-نكثر من الاستغفار كما كان يفعل شفيعنا صلوات الله وسلامه عليه(ونذكر بعض بذلك)
بما ان الحملة دى للستات يبقى لازم يحفظوا دعاء كفارة المجلس
"سبحانك اللهم وبحمدك اشهد ان لا اله الا انت استغفرك واتوب اليك"
ده اللى فى دماغى دلؤتى
عايزينك توافينا بمزيد من المعلومات والواجبات التى نستطيع ان نقوم بها
جعلها الله فى ميزان حسناتك
السلام عليكم اخوانى واخواتى
ربنا يبارك فيكم جميعا ويكرمكم بكل الخير يارب
بصوا يا اسيادنا الامر وما فيه انى لاقيت من مدة اننا كنساء ورجال من واقع حياتى ومن واقع الرجال الذين احتك بهم واعاملهم او ممن يتقدمون لى ومن واقع الممدارس وما يحدث فيها وافتقاد اولادنا للقدوة الحقة التى تفعل قبل ان تقول وجدت ان الامر يحتاج منا جميعا وقفة ومما حدث فى حملة الاخ الكريم ويسبر وعدم توحد كلمة المسلمين للحظات ورغم ان الحملة حبا فى رسول الله سابقة لحملة الدفاع عن رسول لله ضد الاجتراءات الا انها كانت سببا فى زيادة همتها اكثر فجزى الله القائمين عليها خير الجزاء
ولانها بدأت من الصغار فهم باخلاصهم اثروها جدا وجعلوها موضع تساؤل الكثيرين فقد قاموا بالتالى
- كل من قام بلعبه فى نادى جعل هتافه قبل الدخول للمسابقة حبا فى رسول الله
- كل درجة يزيدونها كل شهر يهبوها حبا فى رسول الله
- امنياهم تحولت من طبيب ومهندس ولاعب كورة الى عالم طب عالم هندسة عالم اقتصاد
- طبعنا استيكرز مطبوع بلون اخضر لون القبة المحمدية على صاحبها خير الصلاة والسلام ومكتوب فيها باللون الابيض حبا فى رسول الله وستجدون فى شوارع القاهرة وخاصة المعادى بعض العربات تحمل هذا الشعار وسترى انهم الاكثر ادبا فى القيادة والعافين عن السلوكيات الخاطئة للسائقين الاخرين حبا فى رسول الله
- ستجد الشقق ملصق على بابها الاستيكر وان وجدت اصحابها لايبستمون ولا بشون فى وجهك فذكرهم فلربما نسوا انه يجب عليهم ان يبشوا فى وجوه كل الناس حبا فى رسول الله وان يكون لحظة فتح الباب وغلقها وان بدت هينة لكنها تحمل ادب المضيف لضيف عابر لذا وجب عليه البش فى وجهه حتى وان كان مندوب مبيعات غير مرغوب فيه فلنرد حبا فى رسول الله
- كل صاحب عمل يجب عليه الا يعمل فقط بل يبدع ويبدع ويبتكر ويصبح المميز فى عمله من هذه اللحظة حبا فى رسول الله
- كل زوجة تكرم حماتها واقارب زوجها حبا فى رسول الله
- كل اب من هذه اللحظة يوفى دين مستحق للنبى صلى الله عليه وسلم نحو ابنائه فليوفيه كل ليلة ولا ينامون الا على سيرته صلى الله عليه وسلم
- كل محب للقراءة فليقرأ فى سيرته قبل ورده من القرأن قبل نومه وكل صاحب ذاكرة جيدة يوصل عنه خبرا صحيحا للاخرين
- كل اجتماع للنساء فى عمل او نادى او مواصلات يراعين اداب المجلس ويرفقن ببعضهن وبمن كانت اقل منهن تدينا ان كن ممن يخافن الله ومن كن غير مهتمات بالدين فليبدأن من تللك اللحظة فى الاهتمام واى منهن ان اجتمعن فليذكرن الله ورسوله فى مجلسه ويروين عنه وعن زوجاته مايعمر به بيوت المسلمين
- النصح لله ورسوله وتهدئة قلب الزوجة على زوجها وقلب الزوج على زوجته وعدم اشعال نار الفتنة وتهويل الامور على الزوجين فيضيع بيت مسلم كان يذكر فيه اسم الله ولاحول ولا قوة الا بالله
- كن فى عملك مثال الخلق والادب والرقى والتحضر فانت مسلم والمسلم هو من خير امة هكذا بشرنا صلى الله عليه وسلم فلتكن نبض حق للاسلام ولنبيك
- فلنقلل الكلام ولنكثر الفعل فى عملنا باكثر مما مطلوب منا وان جاروا علينا وانها والله لمجربة فالنية حينما تكن لله فان الله هو من يتولى عنك
هذا قليل من كثير وبعض من كل
اخوانى واخواتى اسعد الله قلبكم فقد اسعدتم قلبى بهمتكم
شيماء بارك الله فيك ولا يكفى ذلك بل يجب عليك المشاركة فكرى وقوليلى
الباحث رائع خطواتك العملية فكر كمان ايه ممكن تقدمه اكتر
عاشقة الفردوس
والله لقد اسعدنى تعليقك اكثر الف مرة من عرضك المساعدة فقد اسعدتينى حقا بسرعة استجابتك بارك الله فيك واحسن اليك اللهم امين ارجو منك بعض الاقتراحات العملية
الغزالى بارك الله فيك يا محمد انت كنت زعلان منى ولا ايه يا راجل تسلم حبا فى رسول الله اللى جابت عندنا
المفروض واحدة من الفريق حتقابل صناع الحياة فى المعادى وحتعرض عليهم خطواتنا وارجو منك وانت المعروف بتحليلاتك الرائعة ان تساعدنا فى بعض التطبيقات العملية دلنا على الطريق فانت خبير بسلبيات الانماط النفسية ساعدنا برأيك فى انتظارك
نور حياتى لازم تحضرى ولازم تبعتى افكار تطبيقية فى مجال عملك وازاى ممكن تنصرى نبيك بانك تكونى احسن من ذى قبل
دمتى بكل الخير انتظر الرد عاجلا
رفقة حبيبتى
كما سبق وقولت ساعدينى فى حلول اقتصادية للازمة دى يعنى امى قالتلى انها لو مكانى تقول للستات يقللوا الشراء ويبدأوا يصنعوا فى البيت احتياجتهم ها؟ ايه رايك نحولهم لتطبيقات ازاى ؟
ايمان يا اهلا بيك يا ايمان
طبعا ولازم عليكى كمان بلغى الناس وهاتى اقتراحات قولى اللى مضايقك من سلوكياتنا وازاى احنا نغيرها فى نفسنا
كلامك يهمنى ماتتاخريش
موناليزا حبيبتى هو ده بالظبط المطلوب هاتى كمان وعلى فكرة كل اللى قولتيه هو فعلا من تطبيقات الحملة بس احب اسمع اكتر مخمخىىىىىىىىى
فريق حبا فى رسول الله حبيباتى الله يبارك فيكن ويجمعنا على خير فى رفقة الحبيب المصطفى يارب
والله يا بنات انتم ادها رفعتم راسى وسديتوا غيبتى هههههههههه
الورشة كانت ماشاء الله رائعة اليوم كانت تنقصكم
معلش تتعوض اراكم غدا باذن الله
السلام عليكم و رحمة الله
انا من مدينة الاسكندريه و اكيد حيتعذر عليا انى اكون معاكم لكن يا ريت لو ممكن اعمل اى حاجه هنا فى اسكندريه .. اكيد بأتمنى يكون لى دور معاكم ..
خالص تقديرى واطيب امنياتى لكم جميعا. وفقكم الرحمن
تحياتى
rovy
انا بحييكم بجد على انتو بتعملوا...... وانا مستعده اشارك معاكم ..... بس مش عارفه بايه.
انتي كل ندواتك بعيييييييييييييد كده اهئ
السلام عليكم
ربنا معاكم ..
ونحن معاكم ..
التطبيقات العملية هي العودة للسلوك الإسلامي الصحيح اقتداء برسول الله صلى الله عليه وسلم في كل سلوكياته وأخلاقياته فلنجتمع على خلق من أخلاق الرسول صلى الله عليه وسلم ونطبقه بشكل عملي ثم ننتقل لخلق آخر وهكذا ..
وفقكم الله
الله
الفكره حلوه بجد
ربنا يجازيكم عنها كل خير
جزاكم الله جميعا كل الخير ووفقكم لكل ما يحب ويرضى
اسمحوا لي أن اشارك معكم ولو بكلمات بسيطه
*************
لماذا نحب رسولنا صلي الله عليه وسلم؟
هكذا سألت نفسي
فوجدت أني أحب الله وأسعي وأتمني أن أصل لأن يحبني الله
وحب الرسول صلي الله عليه وسلم والسير على نهجه وإتباع سنته
هو الطريق لحب الله
( قل اتبعوني يحببكم الله )
* الرسول صلي الله عليه وسلم كان خلقه القرآن
وعندما أتأسى به فأنا أحاول أن أتخلق بخلقه وأتعامل مع الآخرين كما كان يتعامل فالدين المعامله
* وهكذا أنصر نبيي بأن أنصر ديني وأتعامل كمسلم يتبع القرآن والسنه
وليس كمسلم باللإسم فقط .. فالأسلام ليس فقط تأديه الفروض ولكنه العمل والتعامل فالدين المعامله
فأكون مرآه لإسلامي ... أو هكذا أحاول أن أكون
* أنصر نبيي بأن أوضح ألأكاذيب المفتراه عليه صلي الله عليه وسلم
بأن أترجم حياته وأحاديثه وطرق معاملته مع من آمن به ومن لم يؤمن
نترجم مقولته ( ماذا تظنوا أني فاعل بكم .. )
* أنصر إسلامي ونبيي بالتمسك بتعاليم ديني وليس التشبه الأعمى بالغرب
وكأنهم رمز التقدم والرقي فمثلا في الملبس أصبحنا لا نميز بين الشاب والفتاه ( أرى الآن شباب يرتدون بادي مطرز بحاجه كده شبه الترتر )
وددت لو اشارك معكم ... وفقكم الله
انا حبيت ااقولك ان حبا فى رسول الله النهارده بصلي الفجر فى ميعاده :))), ايوه انا ما بصليش الفجر وشكرا علي جمال قلبك وصفاءك
يا جماعة الله يبارك فيكم وفى مشاعركم الطيبة
بس يبدو انى مكنتش واضحة كفاية
اللى احنا محتاجينه
اولا محتاجين ترجمة لكتابfascinating womanhood (helen andelin
من يستطيع ترجمته بشكل مبسط خاصة الفصول الاولى دون الاخير اكون ششاكرة جدا
الرابط اللى موجود ضمن تعليق الفريق محتاجة ترجمته
حاجة كمان
المقصود من مشروعات اقتصادية ليس عمل مشروعات ولا ان الستات تسيب شغلها ولا حاجة (هههههههههه) انما بالعكس تفكر فى بدائل للاستغناء عن شراء بعض السلع وتصنيعها فى البيت بس كدا
علشان كدا انا محتاجة من الستات افكار اكتر ايه اللى ممكن نعمله فى البيت بايدينا ويجعلنا نقلل المشتريات
ارجو عاشقة الفردوس يكون المعنى كدا وصل حبيبتى
ارجو منكم المشاركة الفعلية مش مجرد الدعاء فقط
ايه يا ستات عايزينهم يقولوا علينا اننا خيخة ولا ايه شدوا حيلكم
حنين
يلا يا جميلة فكرى معانا ايه ممكن نطبقه فى حياتنا من خلالك انتى حبا فى رسول الله بسسرعة انتى لسه مابعتيشششششش؟
نورة انتى وقعتك بيضا منى
يا هانم فكرى بسرعة فى تطبيقات ازاى نكون مسلمين مشرفين يفاخر بك النبى الامم
قولى بسرعة بس من واقع حياتك انتى ها؟
جنى سيد
الله ينور عليك تمام اذكر بقى السلوك والخلق وكلنا ننفذه حالا بس ابدأ بالايسر اولا
الله يفتح عليك يا باشا
اسراء
اهلا بيكى لكن ماينفعش كدا
قولنا حتعمل ايه للنبى صلى الله عليه وسلم من خلال حياتك حتصلحى ايه وايه اللى بدأتى بيه ماتتأخريش
سلوى
بجد تسسسسسسسسسسسسسسسلم ايديكى
عيزاكى تساعدينى بتطبيقات واقعية كمان يعنى قولنا النهاردة حتعملى ايه حبا فى النبى صلى الله عليه وسلم
كلامك تمام التمام بس الحاجات دى محتاجة دراسة تخصصية شوية وموافقات لجهات كتيرة خلينا نبدا بمواقف بسيطة من حياته نوصلها للغات العالم كلها
مستنياكى
ايمان
دا اجمل تطبيق فعلى الفجر عبادة مش بنعملها حبا فى رسول الله احنا ممكن نعملها خجلا من رسول الله لاننا تركناها وسوف تعرض اعمالنا عليه
انتىىىىىىىىىىى رائعة سمعتى ونفذتى باللى كان ناقص عندك خلينا بقى فى مجال المعاملات دا اللى يهمنا اكتر لان العبادة بين العبد وربه وان كانت ركن ركين فى الدين بس يهمنى تورينا اثارها سلوكيا قولنا عملتى ايه النهاردة حبا فى رسول الل
بجد بجد فرحتى قلبى واسعدتينى
احبك فى الله
تحياتي
اولا كل الشكر و التقدير لهذه الحملة المباركة...و لكافة القائمين عليها...
ربنا يبارك فيهم و يجزيهم خير الجزاء.
ثانيا... اعجبني الموضوع كله...لكن بوجه الخصوص قولك : كثر المتكلمون و قل
الفاعلون....هذه حقيقة واضحة...كلنا
نتشدق بحب رسول الله...لكن قلة او ثلة منا هم من يعملون بعمله و سنته.
تحياتي و تقديري
طيب اشارك ازاي ؟؟
انا قاعدة برة مصر للأسف ..
و مش عارفة اساعدكم ازاي ؟؟
عندي اقتراح
انتي تقابلي الاخوات وتضميهم معاكي للورشه العملية
خاصة عاشقة الفردوس
لو قدرتي تدمجيها معاكي هتستفيدي منها اوي وكتير
انا عندي ثقة في عاشقة الفردوس وافكارها
وبغض النظر عن الافكار وقدرتها على الترجمة
عاشقة عندها مقدرة على تجميع الجماهير وتنظيمهم
انا ثقتي فيها كبيرة واحساسي انها هتفيدك جدا فحاولي تكسبيها
ثانيا: ودي دعاية لموضوعاتي ياريت تتابعي الموضوع الاخير واللي قبله عن المواريث
ماهو انا كتبته برضه حبا في رسول الله ..وهيديكم تنوع فكري وفي اسلوب العرض بعيد عن التقليدية
واذا محتاجين دروس من حياته صلى الله عليه وسلم ممكن اكتبلكم مواقف مختصرة من حياته باسلوب عرض مبسط وغير تقليدي
الرد على الشبهات ..نحن جاهزون
انا اضع امكانياتي الفكرية تحت تصرفك وقيادتك
حاولي انتي تستفيدي من الاماكنيات المتوفرة وتوظفيها كويس
وعلشان ابقى تصدقيني ناس كتير اهي مش عارفه تساعد ازاى ومع كل تعليق لحضرتك بتعرف اكتر
يعني بلاش طولة لسان وتقولي صعيدي ومش صعيدي
الموضوع كان عبارة عن خطبة ..خلت من تحديد الاهداف والواجبات المطلوب تحقيقها بالظبط
ركزوا بقى شوية هتجننوني
حبا فى رسول الله صلوات الله عليه وسلامه
دور تحفيظ القرأن انتشرت جدا فى الآونة الاخيرة بفضل الله ..لكنى ارى معظمهن من النساء كبيرات السن والفتيات موجودات ايضا ولكن ليس بنفس معدل النساء ..فأقترح على كل من تعلمت التجويد ان تنظم فى بيتها او فى مكان ملائم حلقات لتعليم التجويد وحفظ القرآن لقريباتها الكسلانات او المشغولات
نعلم جميعا ان العدد والمجموعة فيه بركة ويساعد ذلك على تيسير الحفظ والمراجعة الدائمة ..ولكن الاهم هنا هو النطق الصحيح والاستفادة من كل امرأة تعلمت التجويد ..ولنبدأ بأطفالنا وخصوصا انى ارى بعض المساجد تقوم بتحفيظ الاطفال بدون تجويد وكلنا رأينا ان ذلك يعيق التعليم حين الكبر واعادة حفظ القديم بالنطق الصحيح
قيام الليل
سنة يجب ان تتبع فى كل الليالى وليس فى رمضان فقط
فلهذا الوقت بركة لا تضاهيها باقى الاوقات
وحين تصبح عادة
لن يغفلها احد بعد ذلك ابدا باذن الله
حين اجتماع النساء والفتيات
احذروا النميمة الغير مقصودة عن الازواج كانت او عن صديقات أخريات
الشيطان يجعل من الامر متعة ويوحى اليكن بانها فضفضة مطلوبة للتنفيس عما يعتمل بداخل الصدور
حين اتذكر شيئا آخر سأعود
بخصوص الترجمة ارى فعلا ان المتخصصات فى الترجمة هن افضل من يقمن بهذا الواجب ..فجميعنا نتقن الانجليزية ..ولكن بعض المصطلحات ان لم تنقل كما يجب قد يخل ذلك بالمعنى ..وامانة القول
بارك الله فيكى
وفي فريق العمل
وفى محامى الحملة
وفى كل من ساهم
ويسر لكم اموركم
http://www.switzerblog.com/2006/01/be-fascinating-woman-in-three-easy.html
ده الموضوع اللي ترجمته علي اد علامي : ))) بس مش عارفه انه هو ده اللي مفروض يترجم و لا ايه و خلاص ترجمته اعمل بيه ايه
افتكرت حاجة مهمة جدااا
وهى الامانة وصلة الرحم فهم معلقين على الصراط ولا نستطيع دخول الجنة الا اذا اوفيناهم
-الامانة:نرد الامانة لصحابها حتى لو كتاب صغير واحنا استعرناه لازم نحافظ عليه الى ان يرجع لصاحبه وقيسى على ده بقى كل حاجة وماتنسوش ياجماعة فالكلمة امانة يعنى ماينفعش حد يقوللى حاجة وانا اقوللها لحد تانى وخاصة لو استئمنى عليها
-صلة الرحم:زيارة اسرية كل اسبوع مثلا نسال عن الخالة والخال او العم والعمة او الجد والجدة وطبعا الاخوات والاب والام دول فى المقدمة ولو مش هنقدر زيارات على الاقل نمشيها اتصال يعنى حركات الرنات دى ماتنفعش مكالمة ب2جنية كل اسبوع مش هتفرق
===========
فيه بقى حاجة ناس كتير بتستهون بيها وهى الهزار مش حرام اننا نهزر الحرام اننا نكذب حتى نضحك الاخرين فليكن رسولنا الحبيب صلوات الله وسلامه عليه قدوه فكان لايقول الا صدقا حتى وان كان مازحا فلنسير على منهجه
واذاكنا هنتحرى الصدق فى الهزار فمن باب اولى ان نتحراه فى امور حياتنا ويكفينا فخرا ان رسولنا الحبيب صلى الله عليه وسلم كان "الصادق الامين"
وتذكروا دائما"مازال الرجل يكذب ويتحرى الكذب حتى يكتب عند الله كذابا"
عافانا الله واياكم من الكذب
اللهم يامقلب القلوب ثبت قلوبنا على دينك
جزاكم الله خيرا يا جماعة
ماشاء الله الامور اصبحت اكثر تفاعل جدا
كلام جنى ممتاز وفيه تطبيقات عملية يعنى منها ندرب نفسنا على اننا نكون خير امة وفى نفس الوقت نصلح من عيوبنا كسيدات
ادينى بدائل يا جنى يعنى ايه الموضوعات اللى ممكن تشدهم اكتر من النميمة
وادينى برنامج تخيلى لكيفية ترتيب يوم الطفل باقل وقت ادام التليفزيون والكمبيوتر
الباحث الله يبارك فى جهدك يارب تمام
انا عايزة تلخصلى شوية مواقف للنبى صلى الله عليه وسلم ولكن بنصها الاصلى وتحديد المصدر وتوضح فيها ثقته فى النساء وتوكيله اعمال لهن تقدر؟
الربان دانا كنت متوقعة من حضرتك بالذات افكار غير معتادة خالص
كان لنا مناقشات كتير ظهر لى منها مدى تفتحك وتدينك ادينى تطبيقات عملية يا فندم لا تبخل علينا وياحبذا من وجهة نظر الرجال يلا بسرعة
شيماء حبيبتى تقدرى تعملى كتير استفيدى من النت طلعنا بعض القصص القارنى المبسط ومواقف النبى صلى الله عليه وسلم مع الحيوانات بس بشرط انها تنفع تكون قصة قبل النوم للاطفال وكمان بعض الاقتراحات الانثوية فى كيفية عمل ميزانية للبيت بشكل مبسط ازاى نوفر فلوس ازى نعمل بعض الاكلات الموفرة .ز....فهمتينى ؟انا موجودة اون لاين فى جى ميل للى عايزة تكلمنى او تستفسر من الان الى الساعة العاشرة والنصف مساءا
ايمان
تمام الموضع بيتكلم عن واحد من اهم الكتب الانثوية وان كان لكاتبة غير مسلمة الا انها تتحدث بفطرة سليمة وفيه تدريب للنساء من نظرة اوربية على الطاعة والنظر الى الزوج على انه من اهم الاشخاص فى حياتنا وكيف نكسب الزوج من خلال كسبنا لفهم الانوثة نفسها اولا اللى مابتتعارضش ابدا مع الانقياد له ولزعامته (فاسينيتنج ومنهود ) كتاب مهم لكل ست لكن من تعى ان تفرق بين مايناسب ديننا وما يخالفه لذا هو يحتاج لتنقيح وحتى لاندخل فى حقوق النشر نأخذ بعض المقتطفات فقط
اذا كان عندك كمان اى حاجة مماثلة وافينا بها وابعتى الترجمة اللى خلصتيها على ايميلى وانا اون لاين لو حبيبتى تكلمينى او اى استفسار
مش عارفة اشكرك يشكرك عنى الله بخير الجزاء بنيتك الطيبة وبسرعة استجابتك
عاشقة الفردوس من فضلك ابعتيلى ايميلك على
la3lahakhier@gmail.com
ايه يا بنات فين الهمة
فريق الترجمة ماشاء الله (عاشقة الفردوس وايمان )
فى غاية النشاط فين فريق الاقتصاد ؟
فين القصص يا شيماء وفين يا روفى ويا باحث
فين باقى الاقتراحات
فى انتظاررررررررركم
بسم الله الرحمن الرحيم
السلام عليكم ورحمة الله وبركاته
ابنة العم العزيزة "لعلها خير"
يبدو أنه فاتني كثير جدا في مدونتك خاصة بعد ما تركت التدوين عشان كده مقدرتش أرد بسرعة لأني كنت عاوز أقرأ أكتر في مدونتك خاصة كل إللى فاتني
الحملة رائعة، لكن المهم التنفيذ وهو الغرض الأساسي اللي بتسعي إليه الحملةز
ربما لسه الأفكار عندي متبلورتش عشان أحط افكار أو اقتراحات للتنفيذ لكن إن شاء الله بدأت افكر في حاجات قابلة للتنفيذ ومتكونش صعة وفي نفس الوقت فعالة أثرها كبير خاصة بعدما قرأت تعليقات المشاركين
لكن هناك فكرة جائتني الآن
لقناعتي الشخصية أن التنشئه لها عامل كبير في سلوك الإنسان طوال حياته فقد ذهب تفكيري إلى الطفل لك المخلوق الرقيق الدي يتعامل بفطرته
من منا لا يحب الحواديت "حواديت قبل النوم" كلنا كنا نبكي عشان ماما أبو بابا أو أي حد يحكيلنا حدوتته وإحنا صغيرة
المهم فكرت إننا نبحث في السيرة عن مواقف للحبيب صلى الله عليه وآله وسلم في التعامل مع الناس ومع الحيوان وحتي مع الجماد ونصيغها بإسلوب بسيط وسهل يلائم الطفل
نعظم في قلوب أطفالنا يعني إيه النبي صلى الله عيه وآله وسلم نحسسهم بمدي أهميته وإن لولاه مكناش بقينا مسلمين
مشكلتنا يا جماعة إن أغلبنا ميعرفوش قد سيدنا النبي صلى الله عليه وآله وسلم
بل ساعات إحنا نفسنا بننتقض من قدر الحبيب من غير ما نحس
المهم دي كانت فكرة مؤقته فممكن إللى عنده هواية الكتابة ويقدر يبسط مواقف منتقاه من السيرة وتتكتب بالعامية طبعا دون إسفاف ونجمعهم ونطبعه طبعات بسيطة ونوزعهم على الامهات عشان يحكوها لأطفالهم قبل النوم هيكون شئ جميل جدا
حبا في الحبيب عرفوا أطفالكم باخلاق الحبيب هو ده إللى هيبقي لنا وعن نفسي إن شاء الله هحاول أختار بعض المواقف من السيرة وأبدأ أصيغها مبسطة هو صحيح عندي مشكلة كبيرة جدا في الوقت لكن الله المستعان وحبا في سيدنا رسول الله صلى الله عليه وآله وسلم هعمل كده
معلش كلامي ممكن يكون مش مترتب ولا منظم لضيق الوقت فسامحوني وربنا يوفقنا جميعا
على كل حال الله يجعلنا جميعا قرة لعين الحبيب صلى الله عليه وآله وسلم، فهو حي في قبرة تعرض عليه أعمالنا فإذا وجدها خير حمد الله وإذا وجدها غير ذلك استغفر لنا
ما أجملك يا سيدي يا رسول الله شوفوا يا احباب قد إيه سيدنا النبي صلى الله عليه وآله مشغول بينا
يا رب أفرح قلب سيدنا وحبيبنا صلى الله عليه وآله وسلم بنا وبأعمالنا
جزاكم الله خيرا جميعا
وبركت يا ابنه العم على جهدك حققك الله بالنسب الشريف وجلنا وإياك أهلا له عاملين بحقه
الشريف الشافعي
اولاحياكم الله جميعا
جزاكىالله خيرااااابا حبيبة
انا مقصرةوشكرا لتنبيهك
احبك فى الله
اما عن الحملة فهى رااااااائعة بوركتم
طلعنا بعض القصص القارنى المبسط ومواقف النبى صلى الله عليه وسلم مع الحيوانات بس بشرط انها تنفع تكون قصة قبل النوم للاطفال
اناهحاولعلى اد ماااقدر فى الموضوعده
وطبعا ده مش بيكون ليه فترة معينة
لان الموضوعده بياخد وقت _ويمكن عشان اناطالبةبياخدوقت اطول_على الاقل هحطه فى خطة الاجازة
وده اسهام اجتماعى
فاعتقد وجوده فى اى وقت مش فارق
لكن الاسهام الفردى
انى احدد لنفسى حاجة لنصرة النبى بتتعمل يوميا
كتدريب على خلقوخلافه
جزاكى الله خيراااااااااااا
ابن عمى الغالى الشريف الشافعى
الله يبارك فيك ويكرمك يارب
الصارحة هو ده فعلا جزء من الحملة وفعلا بدأت منذ فترة فى كتابة بعض القصص بطريقة مبسطة وهو عمل جد شاق خاصة امانة النقل لكن الله يعينا ان شاء الله
انما انت ايه الكروتة بتاعتك دى فين يا واد الافكار ؟؟؟؟؟؟؟
انت حتحمرأأأأأأأ انا عارفة ان جعبتك مليانة يلا مخمخ بسرعة
نورت فعلا يا باشا
ونسأل الله ان يجعلنا نسبنا لنا لا علينا اللهم امين وان يزرقنا الاخلاص وصحبته صلى الله عليه وسلم
دمت بكل الخير
شيماء حبيبتى
لا دانتى بالذات عايزة منك شغل كتير اوى خاصة الرسومات التحفة بتاعتك محتاجة اكلمك ابعتيلى ايميلك على ايميلى هه؟
فى انتظارك واسالى الله البركة فى الوقت ان شاء الله حتظبط معاكى كل حاجة
النهاردة حبا فى رسول الله سلوكيا ودعوا العهبادة بيننا وبين خالقنا لكن سلوكيا قررت اقلل الكلام اليوم حبا فى رسول الله وزيارة اخت دعتنى كثيرا ولم اجب الدعوة البيها النهاردة حبا فى رسول الله
والنهاردة بقولكم كلكم بصدق انا بحبكم فى الله وبحبكم فى رسول الله
امبارح قريت عن النبى ولاقيت حاجة جميلة اوى انه كان صلى الله عليه وسلم بيدخل بيت السيدة فاطمة ووجهه متضايق ويخرج وهو سعيد فيسأله الصحابة عن ذلك فيقول مامنعاه الا يجب ان يكون مبتهجا وقد اصلح بين زوجين مسلمين لذلك اصلح اليوم ان شاء الله بين زوجين مطلعين عينى وكان نفسى يطلقوا واخلص من وجع دماغهم لكن خلاص نصلحهم حبا فى رسول الله
دمتم بالخير
والله يا بنت عمي بحاول أهو أطلع أفكار بس الظاهر الواحد مبقاش ينفع ولا إيه، الله المستعان
على العموم أنا بدأت بنشر فكرة الحملة هنا عندي في الشغل وفيه ناس بدأت تتفاعل ومستني بس الموضوع يمشي شوية تبدأ تاخد صدي وممكن أعمل موضوع صحفي عن الحملة بس محتاجين نوسعها شوية وعشان كده فكرت أعمل جروب على موقع Facebook باسم الحملة ويبقي نوع من التوسعة والدعاية للفكرة دي
من ناحية تانية عاوز أقولك إننا هنا في الشغل عاملين حاجة جميلة من أكتر من سنة جبنا قطع قماش خضرة وقسمناها وطبعنا عليها أحاديث للحبيب صلى الله عليه وآله وسلم مرتبطة بالعمل والحث عليه والإخلاص فيه وغيرها من الأحاديث المتعلقة بالعمل وأمانة الكلمة ومعلقينها على الحوائط للتذكرة وفعلا كان ليها أثر كويس جدا واهي محاولة حبا في سيدنا رسول الله صلى الله عليه وآله وسلم
واظن الفكرة دي ممكن نعملها كلنا في أشغالها حسب تخصصنا نختار الأحاديث المتعلقة بالعمل ومجال شغلنا خصوصا ونكتبها حتى على ورق مش شرط قماش عشان التكلفة ونعلقها للتذكره
على العموم ربنا ييسر وكل ما يكون فيه جديد نبلغه إن شاء الله تعالى
حاجة تانية بخصوص الدورات إللى هتعمليها يا ريت لو تتسجل على شريط كاسيت أو إم بي ثري "والكاسيت أفضل" مثلا وفي نهاية الدورة ننزلها على الكمبيوتر وممكن نرفعها على النت عشان الأخوات إللي مقدرتش تحضر الدورة دي تستفاد وومن نعملها تفريغ كتابي عشان الناس بردو تستفاد
ممكن إن شاء الله أقوم بالمهمة دي حبا في سيدنا رسول الله صلى الله عليه وآله وسلم
شوفي كده وبلغيني
دعواتك أصل ابن عمك الفترة دي متبهدل الله المستعان
الشريف الشافعي
حبا في رسول الله
عايزين لوجو او تصميم شعار تنزليه علشان نحطه في مدوناتنا
لوجو الحملة يا بشرررر
كل الاخوة اقترحوا مواقف حلوه وسهله
إلا انا عايزه مني اعمال قام بها رسول الله بتوكيل نساء فيها
اممممممم
طووويب
هو انا هعمل بحث وبطريقتي الخاصة ان شاء الله يخلص اليوم بس انتى عارفه الكتابة بتبقى صعبه ومش عايزين سلق بيض
بس هجمع مصادر البحث واعرضه عليكي ..اذا اخدنا الاوكيه نشتغل عليه برواقه وتركيز
استاذ شريف وشيماء
اغرتوني فكرة قصص من السيرة للاطفال باسلوب مبسط
بس انا شايف اننا نكتبها بلغة عربية مبسطه علشان نحبب الاطفال في اللغة العربية لان هي دي لغة القرآن
ولا ايه رأيكم
العامية مش وحشه برضه ..انما قلتم ايه؟
انا ممكن اصمم اللوجو علي فلاش لو محدش حيعمله
السلام عليكم
الأخت الحبيبة
ما أجمل ما تدعين اليه واستجابة لها وضعت شعار حملتك حبا فى رسول الله كعنوان لدعوتى لاعادة الحياء ووقف الأفلام الاباحية والتى تعرض الشذوذ فى السينما المصرية
ومن أجل هذا عملت جروب على الفيس بوك
وأدعوك ومن تعرفين للانضمام اليه لوقف هذا المد اللاأخلاقى ,,حبا فى رسول الله
وهناك المزيد ان شاء الله
جزاك الله كل خير وسدد خطاك
http://www.facebook.com/group.php?gid=18413166937
هذا هو الرابط للجروب
الاخت ايمان
وايه المشكلة حضرتك حتى لو فيه لوجو
وتقريبا فيه لوجو بسيط عباره عبارة عن المسجد النبوى ومكتوب عليه حبا في رسول الله
بس احنا عايزين لوجو يمكن طباعته على الورق بعد كده
وطبعا محتاجين لوجو فلاشي نحطه في حملتنا على المدونات او الفيس بوك
مجداوية
الله ينور يا ست الكل الكل
انا عارفك يام نسمة صاحبة همة
ربنا يبارك فيكي
.................
المهم
وانا بدعبس في كتب الاحاديث
لقيت كام حديث كده للنبي وتعامله مع الصبية
عجبني الحديث ده اوي مش عارف ليه
بَاب وَضْعِ الصَّبِيِّ فِي الْحِجْرِ
حَدَّثَنَا مُحَمَّدُ بْنُ الْمُثَنَّى حَدَّثَنَا يَحْيَى بْنُ سَعِيدٍ عَنْ هِشَامٍ قَالَ أَخْبَرَنِي أَبِي عَنْ عَائِشَةَ
أَنَّ النَّبِيَّ صَلَّى اللَّهُ عَلَيْهِ وَسَلَّمَ وَضَعَ صَبِيًّا فِي حَجْرِهِ يُحَنِّكُهُ فَبَالَ عَلَيْهِ فَدَعَا بِمَاءٍ فَأَتْبَعَهُ
وايضا الحديث ده
عَنْ أُسَامَةَ بْنِ زَيْدٍ رَضِيَ اللَّهُ عَنْهُمَا
كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَأْخُذُنِي فَيُقْعِدُنِي عَلَى فَخِذِهِ وَيُقْعِدُ الْحَسَنَ عَلَى فَخِذِهِ الْأُخْرَى ثُمَّ يَضُمُّهُمَا ثُمَّ يَقُولُ اللَّهُمَّ ارْحَمْهُمَا فَإِنِّي أَرْحَمُهُمَا
الحديثين في البخاري
اخوانا بتوع قصص الاطفال فين
شدوا حيلكم
فين فريق حبا في رسول الله
كده هخدكم غياب وهوقع عليكم جزاءات تأديبية
:)))
السلام عليكم ورحمة الله وبركاته
لعلها خير
(وهى خير ان
شاء الله تعالى)
ارجو قبول ما
كتبته اليوم
حبآ لرسول الله
وهذا هو الرابط
http://wwwbloggercom-norahaty.blogspot.com/
وكل الدعوات الطيبات لكى ولكل من عندك ممن يبغون نصرة دين الاسلام ونصرة
رسول السلام والانسانية والاسلام
محمد ابن عبد الله صلى الله عليه وسلم.
السلام عليكم
في العادي كنت سأبدأ ب hi
لكن لأني نويت المشاركه قررتأن مفيش هاي
ممكن يكون اللوجو حبا في رسول الله وفوقها شكل القبه باللون الاخضر
وممكن نخلي كل اسبوع حديث نحفظه ونعمل به ودعاء ندعو به
بحب جدا دعاء سيدنا موسي "وعجلت اليك ربي لترضي"
بحب اقوله بصوت وانا فعلا ناويه اعمل حاجه لله وبحس ساعتها ان الشيطان بيجري واي ذره رياء تنمحي
شيرين
فريق حبا فى رسول الله
اقتراح
عايزين واحد يتبرع ويجمع مواقف لناس غيرت من عاداتها حبا في رسول الله
ونجمعهم على ملف ورد
ونسميه : حبا في رسول الله غيرت من عاداتي
مش شرط تكون مواقف كبيره
وياريت مثلا يكون كالشكل التالي
اذا كان صاحب مدونة نذكره كالاتي مثلا
يقول : الباحث عن الحقيقة صاحب مدونة الكاشفة
حبا في رسول الله غيرت من عادة العصبية وكلما شعرت بالغضب تذكرت قول رسول الله لا تغضب
وبعدين الاخ اللى هيعمل الملف ه ..ممكن يكون كتيب صغير بحجم الكف بعد كده يكتب الحديث بتاع لا تغضب ويذكر تخريجه
واذا كان الشخص ده عادي نكتب مثلا
صفحة جديدة طبعا
يقول : أ.س
حبا في رسول الله غيرت من عادتي في تحية اصدقائي فكنت أبدأ اصدقائي دائما بتحية : هاي ..ولكني الان ابدأ دائما بتحية السلاسلام السلام عليكم
وطبعا نذكر الحديث الخاص بافشاء السلام
وهكذا دواليك دواليك
قلتم ايه؟
مين هيتبرع بعمل الكتيب ده
ممكن حد من الفريق جاهز ..
ممكن حتى هو يجمع المواقف واحنا نجيبله الاحاديث وتخريجها
في انتظار حد يقول : أنا لها حبا في رسول الله
الله الله الله
بارك الله فيكي
حبا في رسول الله هيكون موضوعي الجاي
وهشوف حكاية الميزانية والاسعار دي بس ادام شوية
يلا ايوة كدة الهمة يا جماعة
حبا في الله وفي رسول الله
سابدا حياتي حبا لله
تحياتي وتقديري
بسم الله الرحمن الرحيم
السلام عليكم ورحمة الله وبركاته
موضوع اللوجو موضوع مهم جداً جداً .. ولازم نفكر فيه كويس جداً من ناحية التصميم والكلمات لأن إن شاء الله اللوجو ده هو إللى هيستمر معانا للنهاية وهيبقي من الصعب جداً تغييره.
فعشان كده مش عاوزين نتسرع فيه .. ويا ليت لو فيه حد بيعرف يشتغل فلاش وفوتوشوب ويساعدنا في الموضوع ده .. إحنا نتفق على المواصفات إللي هيكون عليها من ناحية الألوان والكلمات وإن كان فيه صورة أو شئ ونعمل أكتر من تصميم ومن بينهم نختار واحد يكون هو اللوجو إللى هيتمر إن شاء الله .. خاصة إن اللوجو هو إللي بيميز أي حملة وثباته وتميزه بيساعد على معرفتها وسط عدد كبير من الناس.
فعاوزين حد فنان يبدعلنا في الموضوع ده بعد ما نتفق على المواصفات مع "لعلها خير".
الله المستعان ..
وإللى عنده اقتراح يا ليت يضيفه ربنا يكرمك ويفتح لكم ..
بخصوص الجروب على الفيس بوك هو تقريباً إنتهي فاضل شوية حاجات بسيطة وأحط اللينك بتاعه للناس عشان تشترك فيه وطبعاً هيكون فيه كذا أدمن وأوفيسر عشان ندير الجروب ده.
وربنا يجعل أعمالنا خالصه لوجهه .. وحباً في سيدنا رسول الله صلَّى الله عليه وآله وسلم.
الشريف الشافعي
"ملحوظة لأخي الباحث عن الحقيقة: إسمي ليس شريف" (:
ههههههه
الشريف الشافعي
الله ده انت كنت بتقرا التعليقات كمان
ماشي يا عم انا فهمتك
وبعدين خلي بالك انا حساس قوي للنسب الشريف وألقطه من وسط الكلام
( ونسأل الله ان يجعلنا نسبنا لنا لا علينا)
امين
نلقاكم بعد المغرب
سلام
أنا سالت عن وجود لوجو انتوا فعلا استخدمتوه ولا لا لانه ما ينفعش يتصمم لوجو من الهوا و فيه لوجو فى الاصل كان مستخدم ومتعارف بيه حبا فى رسول الله علي اد فهمي للأحداث انه تم طباعته قبل كده والصاقة في ضواحي المعادي : )))))
المهم بيت القصيد ان كانت اضافتي لها فايده انا بشتغل علي الفوتوشوب وفلاش علي أد حالي طبعاً:)))) و التصميم اللي موجود ورسمته جامع بقبه وهو الخلفيه و أخضر لون الخير و شكل بالطول جنب مأدنة الجامع لحجاب المراة وده فى إعتقادي بيرمز للإسلام لكل من الرجل والست و المجتمع ككل بلون أبيض لون الطهاره قلباً وقالباًو حباُ فى رسول الله مكتوبه بشكل حرف إل بعكس قبه الجامع و المبني بتاعه الكلام مكتوب بلون إسود لون المعرفة و الحكمة, وخلفية اللوجو ككل ( ترانسبيرنت) عشان تاكد علي الوحدات الموجوده التلاته ( الجامع و الحجاب و الكلام)المهم ان كان فى لوجو موجود و مستخدم قبل كده لازم اللوجو الجديد يتأخد منه و يتطوره
بسم الله الرحمن الرحيم
الأخت الكريمة إيمان .. بارك الله فيكِ وفي يداكِ وعيناكِ وفتح لكِ فتوح العارفين.
بالنسبة لاقتراحاتك بخصوص اللوجو ما شاء الله جميله جداً جداً.. وإن كان لي تعليق بسيط أرجو تقبله بصدر رحب.
الأمر بخصوص وضع صورة للحجاب فيها .. قد يظن الشخص إللى هيشوف اللوجو ده إن الأمر خاص بالنساء فقط أو ممكن تديله إيحاء إن اللوجو ده دعوه للحجاب مش خاص بحملة "حباً في رسول الله" صلَّى الله عليه وآله وسلم .. وزي ما إنتي عارفة إن العين بتروح للصورة قبل الكلام .. وإحنا تركيزنا الأساسي على الشعار إللى هو "حباً في رسول الله" صلَّى الله عليه وآله وسلم.
فإذا وضعنا صورة الحجاب مثلاً ممكن واحد ميكملش النظر لبقية اللوجو ويقول ما أنا شفت زيه قبل كده بيدعوا للحجاب ..
لكن بقية إللى قلتيه ما شاء الله روعة الله يرزقكِ الحكمة.
ده مجرد وجهة نظر تحتمل الصواب والخطأ .. لكن ممكن مستقبلاً ضمن الحملة نعمل ااستكارات ولوجوهات مثلاُ بتحمل الشعار الأساسي ونضيف عليها مثلاً صورة للحجاب كدعوة للعفة والحجاب، صورة مثلاً لسلوك خاطئ "مع الشعار الأساسي" ونقول إن ده خطأ والصح كذا ..
لكن إللى بنتكلم عنه دلوقتي هو الشعار الأساسي إللى هتتعرف بيه الحملة .. أتمني تكون وجهة نظري واضحة ..
حاجة كمان .. أنا عارف إن كلامي كتير لكن يمكن حاجة منه تنفع .. فضلاً لا أمرا .. لو تقدري تعملي أكثر من تصميم، بأشكال خطوط مختلفة وعناصر مختلفة نقدر نختار من ما بينها الشكل النهائي للشعار .. وكمان عشان نسمع إضافات الناس وبكده تتفتح أفكارنا ويطلع مننا حاجات أفضل..
__________
شئ أخر .. يا شباب إنتم فين .. بجد شئ صعب .. الأخوات ربنا يبارك فيهم متجمعين على طول وعاملين ورش عمل ومش شايف كتير من الشباب ..
فين دورنا إحنا كرجال؟!!!
يا ريت نعمم الدعوة بين إخوانا الشباب كمان ويشاركونا وميضيعوش عنهم الخير ده ..
الشريف الشافعي
فريق حباً في سيدنا رسول الله صلَّى الله عليه وآله وسلم
إرسال تعليق