Back again :))

كلام وخلاص

زمان لما كنت بتضايق كنت بجرى اطلع جبل الرمال المسمى فى بلدنا الكومة وأقابل رماح ....افضل متضايقة وابرطم وازبد وارغى واضرب الرمل برجلى ..وكثيرا ما كنت اتعارك مع مشاكلى فى الهواء وكأنها خصم مكبل واكيل له اللكمات .... وكان رماح غير مبال على الاطلاق ...كثيرا ما اتهمته انه لايفهم طبعا ما أقول ...ولكنى ما من مرة الا ونزلت من عنده وانا اضحك قريرة العين ولم تعد تعنينى المشكلة كأنها عليت عليها كان دائما ما يملأنى حماس غريب بأنى غدا ان شاء الله سأكون سأريهم ولن يعنينى احد ....لم اكن اعلم ان السبب هو رماح ...كل الصدق والتحمل معي جعلنى أقوى وأجمد على المشاكل ....ومع موت رماح تخيلت ان الامر بسيط ربيت كلاب فماتوا جميعا فقررت الا اربى كلاب ربيت كتاكيت كما كانت تفعل امى فيكبروا فراخا وديوكا تفرح العين لكنهم ماتوا ايضا يا دى النيلة فقررت اربى عصافير اسماك عيال لا اله الا الله ...رغم كل هذا لم افقد الامل ....الله سبحانه له حكمة اكيد لا اراها الان لكنها قائمة واضحة وضوح الشمس لكنى قلبى الهزيل لايفقهها ....اصبح الفقد بالنسبة لى امر مقبول وربما عادى احيانا ...
انا بقول كدا ليه
المفروض ان فيه كلام موزون ناوية اكتبه بس مش مشكلة اهى صفحتى اللى فوق فوق فى الفضاء الالكترونى بين الاسلاك اللاهوائية فى الللامنتاهى واواواواواو
يارب بسيكون مكان محشور صغير مش ملفت وعلى جنب محدش ياخد باله منه ابدا عشان افضل اقول اللى انا عايزاه

...........

يقال أن كعب الأحبار قال :أن الخصب اختار مصر وقال الذل وانا معك وأن العقل اختار الشام وقالت الفتنة وأنا معك وقال الشقاء انا لاحق بالبادية فقالت الصحة وانا معك ........
ويقال أن اسمى على اسم مصر فى فترة من عصور البطالمة ويقال أنى اخذت حظها العثر فتكالب عليها فى كل عصر من يتعامل معها على أنها غبية وذات خير فليأخذ خيرها فهو حق لكل من يصنف الاخرين
ويقال أن مصر تترك الناس يظنون كيفما شاءوا وأنها فقيرة وإن كانت أغنى الناس ويقال أنها حينما تقوم فلا قادر الا الله

وبما أنى أحب مصر فيبدو أننا متلازمتان فى الوكسة والويبة ..سورى بس مفيش كلمة على بالى اوفق من دى
تركت عملى ..واعيش عاطلة الان ...احساس جديد وغريب لم اختبره من قبل
لكن الحمد لله أنى لم اتخذ القرار بنفسى
للاسف مديرتي ست وهى كارثة بكل المقاييس أن ترأسك ست فان حبتك فيا هناك وسعدك وان كرهتك فوقعت الست والدتك اسود من شعرك ان كنت شاب صغنن
قلتها كلمة زمان ....مدير ست لالالالالالالالالالالالالالا
والله بقالى 17 سنة ومالقيت ست ترأس مكان وفلح الا كله ماشى بالكميا والكميا غدارة على رأى هنيدى
اعلم انى افحمتها ومشيت بادبى وكرامتى فى السما واعلم انها تعلم انى على حق وانها خسرتنى كما تقول للمقربين ويبلغونى ..لكن الامر مهين احساس بايخ بانك بتقييم حسب الهوى مش حسب كفاءتك وشغلك واخلاصك بمنتهى البساطة يتخلى عنك مكان شفت فيه المر لكن بتحبه ...جالك خاطر انك تسيبه عشرات المرات لكن لاتقوى على مثل هذا القرار
نفسى مرة اتخلى عن شىء انا كمان اشمعنى انا يعنى
اخص عليكى يا مصر وعلى اللى يحبك

الرمز المفقود

دان براون
هو من المؤلفين الذى لايختلف علي جدارته ككاتب اتنين ... والكتاب مادة دسمة وممتعة والمعلومات فيه كالسيل ومعرفة دان بروان هائلة وسخية
ولكن
ما جاء فى هذا الكتاب جد خطير
فكرت بالا أكتب عنه لكن الكتاب يحوى أشياء خطيرة تتماشى تماما معى خاصة انى من انصار نظرية المؤامرة ... الملاحظ ان الكتاب وسيلة لغسل المخ ..واظهار الماسونية بصورة البريئة الطاهرة صاحبة الهدف المقدس النبيل ؟!!!! وهذا من شأنه أن يظهر حقائق عنهم وتبرير تلك الحقائق على ان بعضها من الطقوس الخاصة بهم هى من باب الرمزية

أيضا محور الرواية وتقلبات احداثها يجعل القارىء عجينة طيعة فى يد المؤلف يشكك ثم يبدل ويحل محل الامر ما يريد ببطء وروية ثم يعود ويشككه فيما اوهمه به ثم يعود فينفى كل ما سبق ويتركه فى حيرة تجعله فى نهاية المطاف فى استعداد لتقبل اى تفسير ثم لا يغامر بالكثير فابحترام الاديان يدخل مدخل مسموم قاس جدا على البسطاء والسذج الذين وجدتهم يتأرجحون معه
هؤلاء هم حصاد الاعلام المغلوط والمشكوك فى نسبه الذى جعلهم متفرجين يقبلون ما يأتى اليهم على انه حقائق لا مناص
وانها هى زبد الحكمة وأم الحياة

الحقيقة التى رأيتها فى هذا الكتاب هى بالفعل ان الله لايزد الضالين الا ضلال
فالمعنى الحقيقى للكائن الممجد هو خطة لوسيفر (مهندس الكون ) منذ الازل للتشكيك فى الاديان وبث السموم فيها وتحريف كتبها او فهمها فهما مغلوطا ومنها ينفى وجود الاله ومنها من يقبل عبادة لوسيفر او الشيطان كان بها ومن لا يقبل يجعل منه اله هو نفسه
فاللعب الان على المكشوف ... يريدون للناس ان يؤمنوا بقوة الانسان الداخلية التى تجعله كائنا ممجدا وكيف يكون ذلك؟ بان يفهم قدره ليس من حيث عبوديته بل من حيث الوهيته

ولا حول ولا قوة الا بالله

anther year

ya it is anther year
anther birthday ..
anther February ..
nothing new
but still happy
allhamd lilah

النهاردة لى نفس أكتب أوى
دلوقتى أجلس أمام مكتبى أمامى نافذة مفتوحة تطل على الشارع
أنا بعشق النوافذ المطلة على اى شىء مفتوح
جميل اوى اوى أنك تعمل اللى انت عايزه بتلقائية وبساطة ومن غير تمهيدات او غباوات
كل يوم له معنى وله هدف ومراد
الحياة ليست صدفة

من زمان وأنا أعانى من ترددى بالاعتراف بنفسى .. كنت أخاف كثيرا من اختلافى ..هكذا علمتنى أمى
المختلف ينذثر سريعا .. لاعيش له ولا أثر يبقى

خنقتنى كثيرا هذه الفكرة عشتها واعتنقتها ليس لتأثير أمى على ولا لاجبارها لى على ذلك ..لا ..بل لانى كنت أضعف من أن أقاومها أو اتبنى مثيلاتها ... الخوف أن يفوتنى القطار ويفوتنى الوقت وانحدر من عال الى سفح جبل العرف المقدس ...

استسلمت
لكن أراد الله لى شيئا أخر
فى كل مواقف حياتى أكون ضعيفة لكن أرغم على أن أتماسك وأقوى
منذ أن كنت طفلة لم تعى شيئا بعد لتذوق مرارة الموت لاعز أصدقائها (رماح)
لذا منذ بضع سنوات قررت أن اظل أنا وألا أغير نفسى ارضاء لاحد
لم يعد يعنينى من يخالفنى ولا من يريدنى كما يريد
أصبحت ألبس ما أحب حتى أصبح لى زيى الخاص وان كانت زميلاتى لاتكل ولا تمل احداهن من محاولة اقصائى عن التخفف منه قليلا أو الاخريات اللاتى يحاولن أن ازيده بالكثير
أبتسم
وألبس كما أشاء كل يوم
وأسمع نفس التعليقات كل يوم الان لسنوات
بس ولا بيهمنى
لانى مبسوطة بى كما أنا

يا هادي

هل جربتم احساس الجيلى ؟!!
احساس مغرى بالسقوط لكنه مرهق جدا تجد نفسك منساق الى مالا نهاية من الدوامات النفسية لسبب او لاخر ...او الافكار المتلاحقة حول موضوع ما ..او مشاعر مختلطة لامقر لها ولا قرار....تحول ان تحرك قدميك فى مختلف النواحى ...
تضطر بعدها لغرز قدمك اكثر حتى تبحث عن قاع صلب عله يشد من عضدك بعض الشىء فيمنحك التماسك ..لكنك تفاجأ بقدر هائل من المادة الهلامية التى تسحبك فى كل الاتجاهات .. فتبحر بعيدا عن الاستقرار والثبات ..
فاما ان تنشل نفسك فورا وتوقف هذه الدوامات او تنهار مقاومتك للابد
............
رأيت منهم كثيرين ..ومررت بها كثيرا لكنى اخيييييييييرا تعلمت ان (اقفشها من قفاها ) سريعا .
عقبال الحبايب

الحمد لله

السلام عليكم :
ارجو من الله ان تكونوا بخير حال ... أنا الحمد لله (للى اهتم وسأل) تمام ...
وحشنى التدوين جدا ..تلك المساحة الخاصة بى والتى وجدتها بعد طول عناء ... ثم وجدنا من يقحم أنفه فيها فيحيلها جزء من الواقع (متشكرين لهم جدا) أعلم من رسائل البعض المتهمة لى بالتقاعس والرضوخ والخنوع- والكلام الكبير اوى ده- ان الناس نفسها تعرف انا عاملة ايه وماشية ازاى ؟ اطمنوا انا زى مانا بغباوتى ...
بس زادت حبة غباوة بحكم السفر والترحال .. والذى بفضل الله جاء نعمة فعلا
اشكركم جميعا من سأل ومن شغلته الحياة
وسامحونى فى رغبتى ان اكتب براحتى فى مساحتى دون الرد على التعليقات وان كانت موضع تقدير وتقبل كبير
سلام

رمضان كريييييييييييييييييييييييييييم

رمضان كريم

واليها نعود

السلام عليكم جميعا

اليوم على اخر اليوم تطأ قدمى أرض مصر الحبيبة

لن اقول لكم كم توحشتنى وكم احبها

ورغم جولتى فى احلى البلاد وانظفها

الا انى لم ار اجمل من بلدى

وحشتينى يا بلدى بكل مافيكى

بما انتى عليه

لانى احبك

حقا

الا رسول الله

كله الا النبى صلى الله عليه وسلم كيف اتأخر عنه

.. كل سنة وانتم طيبين

علمنى معلمى أن أكثرنا حبا له صلوات الله وسلامه عليه أكثرنا خدمة وحبا لأمته

فأينا أكثر حبا ؟!!!!

أى عار؟!!!!!!!!!

ماذا يمكن ان يقال ؟

اى حال نحن فيه ؟

هل نجحوا ؟ هل استطاعوا فعلا تغيير مايجرى فى عروقنا لشىء اخر ؟

اعلم اننا مكبلون لكننا قادرون على التغيير

أؤمن بتغيير انفسنا ونقيم الاسلام فى قلوبنا اولا وفى حياتنا وفى تفاصيل يومنا

لكن

لكن يا جماعة

ماذا يمكن ان يفعل ذلك لتلك الام ؟

كيف يمكن ذلك ان يرجع قطرة من دم ابنها ؟

هل لاحظتم اليوم قد بدأ اللون الاحمر يغمر ايدينا نحن ايضا ؟

لااعلم لما اليوم اكثر

لااعرف كيف تغلغل الحزن الى كل خلية من قلبى اليوم اكثر من اى يوم مضى

بدأت يومى عادى اه دعيت لغزة والاسلام بس بدأته عادى

لااعرف لما اختلف الحال وسط النهار

شىء حارق اخترق عقلى وقلبى

حينما سألتنى طالبتى :

هو اشمعنى احنا اللى مش عارفين نعمل حتى مظاهرة زى كل البلاد ؟

هو احنا خلاص .. مابقاش فينا امل ؟

صدمنى السؤال رغم بساطته ورغم تكرار الكلام حوله لكن براءتها واندهاشها

ورغبتها فى المعرفة حقا اوقفتنى على حافة مهنتى التى اعشقها

ماذا اقول ؟

الامتحان بعد أيام ؟!!!!!

كيف أرد ؟

ما الصحيح؟

أين نحن من ديننا ؟اين نحن من أجدادنا ؟

كيف نخير بين مصريتنا وديننا ؟

كيف ؟

انا مسلمة مصرية اعتز بهما ولا ارضى بغيرهما بديلا

أليس فينا رجل صالح يستجيب الله عزوجل له ؟

لم يعد فينا خير؟

لك الله يا مصر .. لك الله يا غزة

لك الله يا امتى

حسنا

ماذا عن اطفالنا ؟

هل سنحكم عليهم هم ايضا بالخيبة ...بالعجز .. بالنكسات والموت المخزى المهيييييييييييين

يارب يارب

يارب اعلم انك ناصر دينك يارب لا تغضب علينا انا لاننصره لاتؤاخذنا لو اردنا اكل اللحم والفراخ واخترنا الالوان

والاقمشة لنصنع حواشى وزخارف وهم لايجدون اكنافهم

استغفرك ربى

اعتذر اليك اختى التى فى الصورة

اعتذر الى الجثث المسجاة فى كل ركن

اعتذر

اعتذر انى فكرت اصنع كنبة سرير ليجد ضيوفى ماينامون عليه

عنهم ماناموا عننا مانمنا

عننا ما عشنا

لو الاسلام حينتصر ..واحنا لا

والله

لاحيحمينا جدار ..ولا حتحفظنا صوفا

لما الدور يحين علينا

والله ياربى بعزتك اعتذر

..............

ولو........

تحية الى كل حر لم يقبل هذا الهوان
تحية الى كل تركى رفض وجود اسرائيلى على ارضه وفرشنا لهم نحن الارض ليقيموا احتفالهم عند ابو حصيرة
تحية الى كل من يذرف الدمع حارا يحرق خدوده وهو عاجز لايملك شيئا يدفع عن نفسه العار
ولعنة الله على كل متهاون متخاذل متواطىء ساكت على مايحدث ..
لعنة الله على من يتاجر بالامر ويأخذه تمجيدا لموقفه المتعقل الرزين ..
وهو يطفح ملء بطنه وينام ملء عينه وهم يموتون ويقتلون
لعنة الله على من يسمع صراخ مسلمة تستغيث فى ايدى فجرة كفرة ولا يحرك ساكنا
والله ليعود الاسلام عودا لامثيل له وليدك عروشهم وحصونهم وليكون يومهم كيوم انشق البحر واغرق فرعون
ان شاء الله وماذلك على الله بعزيز

نهاية الاسبوع

كان النبى صلى الله عليه وسلم يعمل لامته كانما لن يموت وكان يعمل لنفسه كانما سيموت فى طرفة عين ...اسمعوا وعوا
هذا يوم تظهر فيه المعادن الحقيقية ... اخرجوا من جيوبكم كما تحبوا ان يخرج لكم .. كونوا عباد الله اخوانا كونوا ايجابيين
المسلم الحق .. ايجابى ..مش صاحب بق وبس .. اخدم امتك .. خلى يومك الجاى لله ومشاركة منك لاهل غزة ..ان كنت طبيب اعمل باقصى جهدك كانك ميت اخر النهار .. ان كنت مهندس ابذل كل اللى تقدر عليه ..ان كنت اب علم اولاد اليوم يكونوا بنى ادم ..مايكنوش جبلات مابيحسوش .. انف عن نفسك عار هذا التخاذل اعمل اللى فى استطاعتك قدر استطاعتك بس ماترخصش لنفسك
اللهم اشهد انى بلغت .......
*******************************************************************************
سندريلا اتصلت بى قالت ان مرات ابوها حلفت انها تكرهها فى حياتها ويا تموت يا تطفش .... عشان قالت لها اسمحيلى ادخل اذاكر عشان الامتحانات خلاص ..وسابت المواعين ..
قلتلها : صوتى ولمى عليها الدنيا !!!!!!!
ذهلت البنت وقالتلى يعنى ايه ؟ قلتلها قولى بصوت عالى يا لهوىىىىىىىىىىىىىىىىىىىى
ضحكت وسط بكائها
كان هذا كل املى
وحسبنا الله ونعم الوكيل فى اليهود وفى اللى مننا شبههم
*********************************************************************************
واحدة صاحبتى بقولها فلان ده شكله مؤدب جدا قالتلى يبقى مش راجل
هو انا ليه محتفظة بالناس المعقدة دى ؟
هو مافيش نسوان مش مكلكعة من الرجالة ولا ايه ؟
**********************************************************************************
بابايا قالى :كان نفسك زمان تكونى راجل عشان تحسى انك عايشة
قلتله يا ه ه ه كان زمان يا حجيج
قالى ها ؟ احسن بقى دلوقتى انك تكونى ست راجل ولا تكونى راجل زى اللى بتشوفيهم
انا راجل يا بابا ؟؟؟؟؟؟؟
قالى :الم يقل عزوجل (رجال يحبون ان يتطهروا ) هو مش الخطاب لعموم الاجناس بلفظ الذكر
قمت هجمت عليه وبوسته حتة بوسة احمر بها وشه ومسح دقنه وهو يذم شفتيه من الخجل
لولا ابى وامى ورضاهما عنى ماكنت ولا كان لى ذكر بوركتما لى يا احب الاحباب
*********************************************************************************
كلمتنى هند التى قابلتنى فى السوبر جت فاكرنيها ؟
ماشية على الوصفة وقالت ان كلامى فوقها
(لسان طالع لبرة مترين)
***********************************************************************************
فى السابع من الشهرى الجارى تلتقى قوى النساء المتفنشكة فى عروس البحر اللى يا حبة عينى لطعها على اول النفق وراح يشوف ماتش الاهلى قامت اتمأصت وسابتله نوت على سقف الكوبرى : لما تعرف تعامل العرايس ابقى كلم ضاضى الاسكندر
وبما ان المستوى القاعدة على اد حاله قررنا الموافقة على كتكوت الاخت جوجو اطال الله فى اعمار كتاكيتها ونسأل الله الرحمة للفقيد المأسوف على شباب امه اللى كان نفسى ابص لها بصة واحدة قبل ما اموت
وبلغنا من مصدر موثوق من رقبته ان هناك قلة مندسة مش عاجبها صواريخ 45 ونحب نقول للقلة اللى بيته من فخار مايحدفش الناس بالمية ... لاحسن ينشع
*************************************************************************************
واحدة اعرفها جمعوا مبلغ 3000 جنيه للاغاثة فى غزة ..مديرتها علقت شهادة التقدير اللى بعتوها بتوع النقابة على مدخل شغلها
وكل اللى يكلمها عن غزة تقول اه شوفتوا الشهادة اللى احنا خدناها ؟!!!!!!!!!!!!!!!!!!!!!!!!!!!!!!!!!!!!
********************************************************************************
كفاية عليكوا كدا ودمتم بالخير

توقف

المدونة وصاحبتها فى حداد ثلاثة ايام على حال المسلمين

نلجأ الى ان يفك كربنا

امين

والا يؤاخذنا بما لا يفعله حكامنا

سندريلا

السلام عليكم جميعا

...

منكم من يعلم انى اصر على الحفاظ على طبيعة مدونتى لانها مساحتى فى هذا العالم الذى من خلالها اسجل مايحدث لى فعلا دون مبالغة وانما باحساسى

لذا

اليوم

احكى لكم عنها

تلميذتى

سندريلا

فى يوم مثل باقى الايام لاجديد فيه الا الارهاق الازيد وجدت على مكتبى ورقة مصممة باتقان ويدويا وتفشى بان صاحبها اجتهد ليجملها الورقة تحمل كلمات اخرستنى

(مس .... (اسم تدليل مشتق من اسمى ) لقد رأيت حضرتك اليوم وانت متضايقة ..انا بعتذر لحضرتك لو كنا ضايقناكى ..بس انا احب ان اقول لحضرتك حاجة يمكن تغير من ضيقك مننا ..انا بحبك حضرتك جدا ..وحضرتك كنت فى يوم سبب انى ماعلمش حاجة غلط كنت حعملها .. واحب اقول لحضرتك بجد كان نفسى تكون لى ام زي حضرتك لاننى ار فيك المسلمة التى احب ان اكون مثلها

i love you so much miss ...........

حظرى ..فظرى .. انا مين

.................

حطيت خط احمر تحت الكلمتين الاخيرتين وعلقتها امامى

عرفت من هى بمقارنة الخطوط

اعترف انى من كام سنة كان رد فعلى لهذا الخطاب سيختلف تماما ..اعترف اننى لم انساق وراء الدمعة التى تسللت منى

اعترف انى كنت عملية بشكل استغربتنى فيه جدا

عرفت انها تعيش مع زوجة ابيها وانها تذوق الامرين وتعير بامها التى تحيا حياة لايلزمها فيها طفلة على مشارف النضج تركتها ولم تهتم بها الى الان لسن الرابعة عشر

............

فى عملنا ممنوع علينا التداخل مع الطالبات حتى بارقام التليفونات وفى الحالات التى خالفت ذلك ندمت جدا لانى ادركت انهم اعلم منى بمدى العلاقات تلك ومشاكلها

............................

لاانكر انى حينما عشت مشاعر امومة جميلة لساعات مع نور صديقتى الطفلة الرائعة ابنة طبيبى لا انكر ان ذلك اسعدنى لكنى لم اتمن الامومة حالا ولا تعجلتها اراها رزق مثل اى رزق ...لكنى مع سندريلا شعرت فعلا بها وبحاجتها الى

احترت ولكن زميلاتها اوصلن الى مدى شغفها باى مدرسة تعاملها بطيبة ..لم يؤثر ذلك فى تقبلى لمحاولاتها بان تسمع منى كلمة طيبة بشكل خاص

....................

حينما جلسنا وحكت لى اسمتعت اليها بكل جوارحى ..لكنى (وللعجب) لم اطيب خاطرها

نظرت فى عينيها الجميلتين وقلت : اجمدى ..ربنا لايكلف نفسا الا وسعها ..ان مكنمتيش اد اللى انت فيه ده ماكناش حطك فيه ... امك وحشة ..ايه يعنى سيدنا عكرمة كان ابوه ابوجهل اوعى تسمحى لحدك انه يذلك او يهينك فاهمة ؟

لو حسيت منك تانى ضعف واستكانة للعذاب ده مش حعبرك فاهمة ؟

نظرت لى وهى تغالب دموعها :حاضر

بكرة ماتجيش تقوليلى انها عملت فيك حاجة ..بكرة حتقوليلى انك منعتيها من اهانتك وقلتى لبابك على اللى بيحصل منها فاهمة؟

- حاضر

قمت لانصرف

نادتنى :طب ... حضرتك ؟؟؟............

وارتمت فى حضنى

ذهلت ..واجفلت ..ولم ادر ما يحدث ..

رفعت رأسها وهى تقول :انا بحب حضرتك اوى اوى ...مس ؟؟؟ حضرتك بتعيطى ؟

انا زعلت حضرتك ؟؟؟؟؟؟

لم استطع الرد حاولت مرارا يائسة ان اوقف هطول الدموع ابدااااااااااااااااااااااا

نطقت بالعافية : مامتك كويسة او وحشة انتى زى الفل ..اى واحدة فى الدنيا تتمنى بنت زيك يا عبيطة اوعى تتهزى ولا تخافى اوعى تشوفى كوابيس تانى ..فاهمة ؟

واوعى تحسسى مرات بابكى انى موجودة فى حياتك .. انسيها تجاهليها قاوميها المهم ماتكونش سبب فى تعاستك ابدا كل ده حيخلص وبكرة نعد فى النادى وانا عجوزة مكركبة بس قمر بردوا وولادك حواليك بيجروا واحنا بنحكى على الايام دى ونضحك واتكلم عنك بكل فخر ..يا هابلة

حضن تانى اشنع من اللى قبله

حسنا

اوك

سلمت

اثرت فى وحبتها فعلا

بعد كام يوم جاءت سعيدة ..صرخت فى وجهى حضرتك كنتى بتدعيلى صح؟

قليلى كنتى بتدعى بايه ؟

- يا بت انطقى ايه اللى حصل فرحينى

- مامى يا مس مامى رجعت واتصلت بمرات بابا واعتذرت لها على كل اللى سببته لها ولبابا وبتطلب منها تسمح لها برد جميلها

- ذهلت ..بكيت تانى ييييييييييييييييييييه الحمد لله يا حبيبتى

- انا فرحانة اوى اوى يا مس

- يارب يفرحك دايما

كلمتنى مامتها شكرتنى على مساندتى لها ووقوفى بجانبها ..احسست بغيرة شديدة على سندريلا ولكن اسعدتنى بهجتها

طلبت من البنت الانصراف وطلبت احدث الام على انفراد

- ارجو ان حضرتك تقدرى تعوضيها عن ايام فقدها لحضرتك هى محتاجة حضرتك دولوقتى اوى

- اكيد اكيد بس الحقيقة انا جيه اسبوعين ومسافرة عشان حتجوز واضح انها فاهمة غلط

-حتسافرى ؟!!!!!!!

وهى ؟!!!!!

- حتفضل مع بابها ومن وقت للتانى حبقى اجى اطمن عليها !!!!!!!!!!

............................

لحظتها فقط حمدت الله انى مطلقة بدون اطفال

دمتم بالخير ودام ابناؤكم وسطكم دايما يارب

مقصوصات

السلام عليكم

دامت أعيادكم اللهم امين

.............

فى طريق عودتى من الاسكندرية الى ساحة القتال بالقاهرة بعد الاجازة ..أجلسنى المحصل الله يستر ولاياه بجوار سيدة فى اواخر العشرينات محجبة ترتدى بدلة سوداء ..جميلة جداااااااااا تدارى ذبولها بمكياج متقن لايخفى على مثلى ..ألقيت عليها السلام وجلست لاحظت انها ترغب فى الحديث ..ارجعت رأسى الى ظهر الكرسى ووضعت النظارة على عينى وتظاهرت بالنوم ..لم أرغب فى نبش شجون واضحة وانا بى ما يكفينى ..لقاء الاهل فى العيد مملوء بفض المنازعات بين الاباء وابناء العيلة بما انى المتخصصة التربوية والخبيرة القاهرية التى تعلم بواطن الامور ولسان الفتيات فى التوضيح للامهات وتفسير المطالب الغريبة لهن

...

ليس بى حاجة لسماع المزيد ..

اعطتنى تشكلس قبلته شاكرة وعدت الى صمتى ..همت بالكلام معى ففتحت الحاسب الخاص بى وأخذت انتهى من بعض الاعمال الكتابية المتأخرة ..آيست منى فادارت وجهها ناحية الشباك بجوارها واخرجت المحمول والسماعات واسمتعت الى اغانى كان صوتها يصلنى .زبعد أن دخلنا القاهرة جاءها تليفون سألتنى :أين نحن؟

قلت لها : ميدان الرماية

ابلغت منتظريها ونظرت لى بشىء من التوسل :هو فاضل كتير على الماظة ؟

نظرت لها بهدوء وقلت لا قربت ساعتين بس

ذهلت ... فابتسمت تقريبا ساعة او اقل شوية

سألتنى :انتى عايشة هنا ؟

اخ

- ايوة

-متجوزة ؟

اخ اخ

- كنت

عندك اولاد ؟

اخخخخخخخخخخخخخخخ

- لأ

الخلاصة ... انفجرت فيما كنت اخشاه ..ألقت الى بكل ما عانت وتعجبت منى ومما ادعت هى صلابتى ...

ازاى انتى جامدة كدا؟

- ومين قال انى جامدة؟

شكلك ...طريقة كلامك ..كأنك مش محتاجة حاجة ... كأنك متجوزة !!!!!!!!!

-ههههههههههههههههه

لأانتى بس اللى تعبانة زيادة ...وعليها

لم تفلح محاولاتها لتهدأ ولتخفى دموعها ...تركتها تبكى وانا انظر اليها واقول لنفسك

مالكييييييييش دعوة اخرسى قوليها ربنا يصلح حالك وخلاص

مانفعش

- احك لى لو تحبى

حكت

رجل وثلاث اطفال ..طلاق ... رجل اخر متزوج وزواج سريع ... زوجته ..فضائح

وطلاق اسرع ....يبكى الان ...للرجوع

- عايزة رايى ..طظ فيهم كلهم ...

قفى على رجلك اولا ..فوقى وبعدين قررى الاول ولا التانى ولا لااحد وولادك وبس ولاالتالت والعاشر حتى

استغربت من انهائى للامرهكذا

-وضحت لها الامر

لستى بحاجة لاحد ...لاتنتظرى من يطيب خاطرك ..ويزيد من شفقتك على نفسك

كل ماتحتاجين اليه الان ان تلتقطى انفاسك اولا

طلبت الطلب الذى اكرهه

ممكن ترنيلى ؟

انا رقمى .......

رنيت عليها

نزلتُ..وتركتها

....

كنت غتيتة اعرف ...لكن لن يطيب قلبها بكلمة او تربيت منى على يدها

بل باستعانتها بالله فقط واخذها بالاسباب والرضا بما هو متاح حتى ترضى بما هو ات

دمتم بكل الخير

السلام عليكم حبيباتى وااخوانى فى الله جميعا

كل عام وانتم بخير

اعتذر على الغياب وعدم الرد لنا فى ذلك العذر

المهم

ليال عشر وعرفة وعيد اضحى مباركين مقبولين بكل الطاعة والصلاح امين

لاوقت للاحزان واجترار الاسى

سهل الكلام اعلم

واعلم ايضا ان بعد كل تعب يكون للراحة طعم مختلف

من قال اننا خلقنا لنتنعم ؟.!!!!!

من قال ان الدنيا جنتنا ؟!!!

هايى ....

طبيعى

كل واحد فينا لديه مشاكله وازماته ..طبيعى من قال اننا خلقنا بدون مشاكل

تذكروا جيدا

لابد من المشاكل ..

فهى تظهر الحقائق والمعادن

من يخشى الحياة لن يعيشها

لابد من المشاكل

ولابد من ان نتعلم كيف نتعامل معها

حبيب غادر

ضيق رزق

ملل

اولاد غلب

زوج علة

شغل طين

اصحاب اندال

اهل حيطة مايلة

كـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــل

ده ..طظ

مشاكل

عادى

ما الجديد ؟

الحياة =مشاكل

تكيف وتعلم

بعد عشر سنوات

ستضحك على مشاكلك الان

وستشتكى من مشاكلك وقتها مستخفا بما كنت فيه

اى مشكلة اى وقت يمر تعلم ان تتعلم منه وتتعامل معه

فشلت؟

طظ

ايه يعنى

قف

ماتبقاش خرع

قومى يا به

حاولوا

مرة والف

لابد من المشاكل

فكن ابن وقتك

لاامس ولا غدا

فكر الان

ماذا عليك فعله ؟

هون عليك

كلنا هذا الفتى

ونصيحة

استمتع

دا

عيييييييد

منى لكم

عيد سعيد