عشر حاجات تنكدى بيها على جوزك
1- لما تلاقيه جى من الشغل طالع عينه وعلى اخره وزرابينه طالعة ابقى احكيله على
مشكلة البت شوشو بنت بنت خالة والدتك اللى ضفارها اتقصف ولما يتعصب عليكى
ويرزعك يمين بالتلاتة ابقى قوليله يا حبيبى بخفف عنك وبوريك مصايب غيرك
*******************
2- لما يكون نايم يوم الجمعة اومى فاتحة سارينة الاسعاف والاستغاثة عشان الواد
الصغير ماغلسش سنانه ..ولما يصحى مفزوع استهبلى وقوليلىو انتى بتطقطقى بقك
كدا يا واد
صحيت ابوك يوم اجازته
طاب انزل يا حبيبى بقى مادام صحيت هات الفول والفلافل
********************
3- لما يحلاله الفرجة على الماتش قومى بسرعة لمى اللعب اللى مبعترة ادام التلفزيون
ولما يقولك يا ستى نورى عايز اتففففففففففففففففففففففرج
قومى اعدى ادامه بالظبط وفهمينى :
يا حبيبى انا عيزاك تتفرج برواقة داانت الغالى وانا
لى الا راحتك ولا تبالى اطلاقا بمحاولاته لرؤية الجون اللى طار
************************
4- لما تكونى اخر الشهر وبتلفى فى السوبر ماركت معاه ويجى يدفع يلاقى الفاتورة
600 قوليله : يا حبيبى اصل ورق التواليت غالى اليومين دول وجيبهولك من المعطر
عشانك مخصوص عشان عارفة انك نزيه
بس ابقى اتصلى بمامتك قبلها جسى نبضها
على اعدة طويلة حبتين
*******************
5- لما يديكى 500 جنيه تجيبى بيهم لبس الاربع عيال للعيد وانتى وبدلة له ابقى
اشتريله شرابين وطقم داخلى وقوليله قلنا انت اولى بالعيد مننا وخنصرى ال15 جنيه
الباقيين
******************
6- لما يجيى يومين اجازة ورا بعض مثلا شم النسيم مع 6 اكتوبر ابقى ابعتى الولاد عن
د مامته و قوليله انا وانت بس النهاردة حنتعشى عشا رومانسى واعزمى كل عيلتك
واقلبيه دراماتيكى ولما يتعصب قوليه انا ست متجددة بحب اغير مودك عشان ماتملش
ييييييييييا حاابيبى
**********************
7- لما يكون عازم حد من صحابه فى البيت قومى مبهدلة البيت وعلى صوتك وانتى
بتنادى عليه عشان ياخد ازازة المية للضيوف وقوليله البيت فاضى خد صاحبك وانزل
اشترلنا جبنة وزيتون وبسطرمة وبيض ولبن وعصير وتمر هندى ونعناع وشاى وسكر
ونسكافية و3كيلو موز و2 كيلو تفاح واربع كيلو خوخ ولما يرجع قدمى للضيف شوية
لب يازازهم لما يقولك ايه ده قوليله بنسلى الضيف وحط معاه الفوار عشان الاملاح
********************
8- لما تنزلى مع اصحابك ابقى ارجعى بعد يجى اتناشر سبعتاشر ولما يقولك
اتتتتتتتتتتتتتتأخرتى ليه يامدام ؟
قوليله :كنت بدورلك على وردة بستاج بفيونكة بمبة
******************
9- لما يقولك انا نفسى اعد اتكلم معاكى شوية وحاسس انك وحشانى
روحى جرى عليه وقوليله طبعا يا حبيبى يا غاااااااااااااااااااالى اى والله غال
واتفتحى فى الكلام وماتنسديش واخلصى من اخبار العيال اللى ضربوا بعض لجارتك اللى اتخانقت مع اللى تحت عشان حباية العنب اللى وقعت من طبق الواد فى بلكونتها
وكل مايحاول يفتح بقه قوليله
اسسسسسسسسسسسسسكت مادريتش ...........
********************
10- لما يقولك ورايا شغل وحضطر اسافر يومين ابقى لمى العيال وارطى ايشاربك على راسك وادخلى على سكرتيرة المدير بتاعه وظبطيهااااااااااااا
***********************************
الحمد لله عدنا ارض الوطن بسلام ....... شكرا لكل من اهتم وبعت رسالة او ايميل
او اتصلوا ...الرحلة اكنت ناقصاكم وان شاء الله نكررها مع بعض (بنات ) اعداء لا
بالمناسبة الناس اللى مخها بيحدف لبعيد هه الفايتر سمكة فعلا وانثثثثى ومالهاش اى ابعاد خزعبلية اخرى
ودمتم
.jpg)
المشاركات
هناك 39 تعليقًا:
قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ [يونس : 58]
بتوفيق من الله وفضل تم تحويل طلب الحملة التي تقودها المدونة بشأن سن قوانين للحد من التجديف على الإسلام خاصة والأديان عامة إلى المسئولين في هولندا
http://kawlansadida.blogspot.com/2008/04/blog-post_28.html
ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التاليhttp://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"
وحشتيييييينى حمداالله ع السلامة ياقمر
بس قوليلى انتى قلبتى علينا ولا ايه؟
بجد لو فيه ستات كده يستاهلوا اى حاجة تحصللهم
لعلها خير
حمدلله على السلالالالالالالالالالالالالالالالامه نورتى مدونتك
تفنينك الجديده فى الجواااااااال
انت عارفه الى يمشى ورانا هيغرق ولا احنا مالنا ياختى احنا بهدى نفوس
ويسبر باشا
ربنا يعينك ويسترها عليك اخى الكريم
مونى
الله يسلمك اومة
انتى ماتعرفيش ان فى ستات دا يومها الطبيعى ولا ايه؟؟؟؟؟؟؟؟؟؟
قيثارتىىىىىىى الحبيبة
هاههاهههههههههههههههههههههههههه
اه مش كدا برضه؟ والله يا بنتى انا قصدى انبه بس اما بقى اللى يستخدمها انااااااااا مالييييييييييش دعوة
هههههههه
وحشتينى
السلام عليكم انا لسة مالقتش اللى نكد علية وادعيلى الاقية عشان اطلع عينة وتحياتى لك
حمدلل علي السلامه يا قمر
حاول انفذ الوصايا ديه لما اتخنق منه و الحمد لله انا مخنوقه علي طول ل ل ل
تحياتي
الريسة
ازيك يا بوص
ياااااااااارب تلاقيه يا ستى بس لايطلع عنيك ولا تطلعى عنيه قلبه بس
يارب تكونى روقتى دلوقتى
كل التحية ريسة
انوسة
ازيك يا ستى
والله ماهو ده القصد انتوا يا عيال ماصدقتوا ولا ايه ؟؟؟؟؟؟؟؟؟!!!!!!!!!!
ربنا يفك خنقتك يا ستى هو النسوان خلقها ضاق ليه كدا حتفرحوهم فين وهم البرود كله نازل عليهم
وحشانا يا ننوسة
إزيك يا قمر...
تفتكري الرسالة ممكن توصل؟؟
كل طرف من الأطراف ليه اخطاؤه و اللي بيعملها من غير ما ياخد باله تأثيرها إيه على الطرف التاني
بس الحق إن الست ربنا خلقها أكثر إحتمالا بس اللي بيحصل مؤخرا عكس كده تماما
بل فيه ستات بتعمل الكلام اللي إنتي كاتباه هنا حرفيا و بتعتبره أ ب الحياة الزوجية!!!
متغيبيش علينا كتير بمواضيعك اللذيذة :)
مى وحشتينى والله جدا
معلش لازم افصل شوية نجدد فيها نشاطنا والا نطق
والله يا بنتى ان مافهموا انها حياة وطريق وكل منهم لازم يعين الاخر يبقوا مافهموش الزواج صح
الزواج رفقة وعشرة وخلق ومعاملة حقيقية بيبان فيها معدن الانسان الحقيقى صدق رسول الله خيركم خيركم لاهله وانا خيركم لاهلى
بس مين يسمع
هههههههههه
والله جميلة اوى
تنفع تتحط فى كتاب ساخر
عشان كمان حتى الناس يدعولك
:))
تحياتى
احمد الصباغ
كان فيه فيلم حضرتك فكرتيني بيه كان اسمه
How to lose a guy in ten days?
:))
عموما لو عملت كده معايا هي حرة بقا .. لأني كده حرجع للبوست الأولاني .. والبادي أظلم
وارجع اقول إنه مع الحب كله يهون وحيبقي على القلب زي العسل .. وغلاسة الحبيب ولا أكل الزبيب .. بس للي يلاقيه بقا الحب .. اللي
ماشى يا احمد
طاب دانا غرضى خير بذمتك يا راجل مش بيحصل ولا انت حتعمل زى الحكومة ةةةةةةةةة
ههههههههههههههههههههه
نورت يا اجدع مراسل
ماعلينا
يا اهلا وسهلا
يا سيدى والله هى محاولة يمكن ربنا يهدى الاتنين
الحب عامل مهم بس الاهم الاحترام ومعرفة كل واحد مسئولياته تمام
كل التحية اخى الكريم
هههههههههههههههه
لأ حرام بجد
ده صعب عليا اوي
حد يعمل كده بردو؟
بس دمك خفيف بجد
والله يا اسراء بيعملوا واكتر من كدا
وبينى وبينكم بفرح فيهم يستهلوا
ههههههههههه
نورتى يا ستى واهلا بيك
اول مره اشوف المدونه بتاعتك يا جميل
لما شرفتينى النهارده وجيت اتعرف عليكى اكتر
بجد حرام عليكى انتى كده ممكن تجيبوا ضغط وسكر فى شهر واحد للراجل
ههههههههههههههههههه
برضه حزب الستات يا يعيش
و فى النهاية دة يضمنلى الطلاق و لا تغيير جو فى احد المستشفيات للاصابات الطفيفة اللى هتحصلى !! :))
السلام عليكم
ياه كل ده ليه كده بس ,انا باطلب بحقوق الرجل والمساواة بين الرجل والمراه لاننا مظلومين جدا
انا خلاص مش عايز اتجوز انا كده كويس جدا الحمد لله
وربنا يحفظنا
وجزاكم الله كل خير
هههههههههههههههه
جميلة جداااااااا
عودة بضحكه
حمد الله على السلامة
بس اكتر اتنين لو حصلوا معايا
حنكد عليها لانى حتضايق فعلا
رقم 7-8
دول ينرفزوا
سلامى ليكى
وان واااى
طريق واحد
الى المأذون عدل
شكرا على النصايح اللى هتخلى شغلانه المأذون تجيب ملايين
اوعدك اول ماتجوز ان شاء الله معملش اى حاجه من اللى قلتيهم
الراجل غلبااااااااااااااان
نسيتِ حاجة مهمة ..
وهو بيتفرج على الماتش طبعا هايتعصب والدم يطلع في نافوجه ويقوم يكسر التليفزيون .. وفي الحالة دي تكون الست في قمة السعادة
ولما ربنا يكرمه ويهدا شوية .. تتخنق هى وتكمل وصلتها العكننية بالكلمة الوحيدة في القاموس الأنثوي ( هات )
هات فلوس علشان عاوزه اروح لماما
هات لبس للواد الصغير
هات لنا العشا علشان ما لحقتش اطبخ
هات عفريت ازرق علشان العفريت الاحمر دبحناه واتغدينا بيه
فيقول لها المسكين : كله هات هات
مفيش خد
فتقول له بكل رومانسية : خد التليفزيون صلحه
صبرنــــــــــا يا رب
تحياتي
صبرها يارب
ههههه
يا ستى والله ولاحزب ولاحاجة المهم ان الستات والرجالة يتعلموا يكون نفسهم وبس لما حيفهموا الانوثة صح والرجولة صح حيتعاملوا صح
خطوة عزيزة يا ريسة
سو
هههههههههه
لا دا ولا ده دا يضمن محاكم شرعية سيادتك هههههههههههههههه
كل التحية وربنا يعافينا كلنايارب
نورتينى
الفاتح الجفعرى
يا راجل اتق الله ههههههههههههههههههه
بقى الرجال هما اللى بيطالبوا بحقوقهم طاب ماتشوف الجزء الاول من تفنن وقولى رأيك
البنى ادام لما بيكون ابتلاء على التانى مش بتفرق بقى رجل ولا ست اهو بيتفنون فى النكد والعياذ بالله وكأن الله خلقوهم لكدا مش لمعونة بعض على الحياة
دمت بخير يا فندم
مواطن
هو خدوهم بالصوت يا واد ولا ايه؟
انت اللى فين انا يادوب اجزت شوية بس
انت بقى اللى فين ؟؟؟؟؟؟؟؟
كنت محتاجة فى استشارة مدونية ممكن؟
على فكرة الحاجات دى ستات كتيييير بتعملها وابقى بص على تفنن الاولى حتعرف عمايل الرجالة
كل التحية اخى الكريم
فرنسا كلها هنا
ماشاء الله
خطوة عزيزة
هو ون واى لهم هما الاتنين وحياتك
ولا حياة لمن تنادى
نورتينى
لست ادرى اهلا بك
وهو ده المطلوب بالظبط
دمتى بكل خير
المهاجر
لازم تقرأ البوست اللى فات
احيانا بحس ان هات دى الرجالة بيحبوها لما تكون بالمعقول بس هى يعنى حتقول هات كدا وخلاص ماهى لازم بردوا عندها اسبابها بس تصدق فكرة حلوة نخليها رقم 11
دمت بالخير اخى الكريم
وبعد كل ده ياما تحجز غرفة العناية المركزة فى المستشفى اللى على الناصية
يا اما تدور على شقة ليها ولاودها
تحياتى
قطة
ازيك
انا كنت عايزة اكلمك فى حاجة
لى معاكى كلام كتير ممكن تبعتيلى ايميلك
تحياتى
:)
لذيذة
بس في ملحزظة
يا ريت حركة لم الكراكيب اناء الماتشات تكون اثناء الهجمات الخطرة
بتدي تاثير اقوي وضغط دم اعلى
جميل والله
بتنكدي علينا بمنتهي الذوق
طيب مش حرام عليكي
اينعم انا لسه متجوزتش بس عامل حسابي للنكد ده
اللي نفسي اعرفه بقي
ازاي سته اكتوبر مع شم النسيم
دي مستحيل تحصل بقي
احمد سلامة
اهلا بيك
علم وسينفذ يا فندم
هههههههههههه
شرفتنا
مهند
يالف خطوة عزيزة
مستغرب ليه وانت شايف حاجة يعنى فى ده كله منطقية
ياراجل قول يا باسط
قولى رايك فى البوست الجديد
وهلا بيك
ايوة كده هو ده الكلام
الواحدة لازم تعرف الراجل قيمتها برده و مفيش مانع من قليل من العكننة على ملعقة صغيرة كابة على نص معلقة استهبال... الواحدة لازم تعمل تغيير في حياتها برده عشان متبقاش مملة
إرسال تعليق