الى :انسة بدون عنوان ( خايفة اتجوز )
طاب بذمتك هو فى جواز ؟
ولا بقى تلاكيك ؟؟؟
يا بنتى اتجوزى اولا وبعدين خافى
شعور طبيعى
ولو اتطلقت
ابقى تعالى اعدى جنبنا
بس بالمناسبة
انا مش حعد انا حكمل
................
لماذا نتعامل مع الحياة على اننا مش واخدين بالنا ؟
الحياة رحلة طالت ام قصرت ،سرت فيها وحيدا او بصحبة ،سعدت ام شقيت بوحدتك او بصحبتك
على اد فهمى القاصر دون الرشد :ان الزواج ده ربنا خلقه لنا عشان كل جزء ناقص فى كل واحد بيحن للتانى
ولما يكتمل المفروض خلاص الكيان اصبح مكتمل نهدا بقى ونكمل مشوار الرحلة واحنا اكثر اتزانا
واشباعا وسكنا وامنا ورحمة وعيشة بقى هيييييييييييييييييييييييييه
......................
وطبعا لاننا مش واخدين بالنا ..نفضل ننكد على بعض وعلى اللى جاييبن بعض
واللى عرفونا فى يوم مع بعض واللى فكر فى يوم يعرفنا ...دى ايه الخيبة دى ؟
...................
تصدقوا ان الانسان اذا لم يكافح النكد الزوجى او الحياتى اجمالا بياخد على كدا
يعنى اذا مالاقاش حد ينكد عليه ينكد على نفسه
تسألها :شكلك متغير انتى كويسة؟
تقول: مش عارفة ايمة من النوم منكدة
.............
طاب يا ستى اتنكدت بالليل فى حلم ولا اتخبطت فى دماغك فى عمود السرير
ولا كرمب شنج رجلك وقومتى بالاثر دون معرفة السبب خلاص بقى..
دا يوم جديد يا مؤمنة !!!!!!!!!
والاغرب بقى ان الشعور ده بينعكس على كل اللى حواليها وتيجى تفكها عشان انت تتفك
تعقدلك عقدة بشنيطة وتكلكعها
مع ان اليوم طوييييييييييييييييييييييييييل والنكد ما شاء الله شحيح اوى اليومين دول
لما خايفة نبقى زى السويد وننتحر من الفراغ والسعادة والملل
يا ختى فكيها
................
نفسى اسمع
ان شاء الله خير
ان شاء الله ربنا حيسترها معانا
ان شاء الله ربنا كريم وحيفكها
ان شاء الله مش حيحصل حاجة وحشة
ان شاء الله حقابل واحد لااحسن منه ولا اسوأ واحد كنت نصه الناقص وبس
نكمل المشوار مع بعض
ولو نكد على ىىىىىىىى؟؟؟؟؟؟؟
وخلى همى هوومشاكله ونكده مش مشوارنا اللى كنا حنكمله؟
يبقى يتأكد ان الطريق مافيهوش طوب كبير .....
وان كان الزلط بيعور برضه
ماهى مش ناقصة بقى
...
الا المطلقات بقوا مالهمش روح للمناهدة ليه؟
مع ان حياتهم سهلة ومريحة
ومع ان الحياة جمييييييييييييييييلة
..
طاب والله
حتفرج وحتبقى فل وبكرة تقولى لعلها خير قالت
كله خير
طاب بذمتك هو فى جواز ؟
ولا بقى تلاكيك ؟؟؟
يا بنتى اتجوزى اولا وبعدين خافى
شعور طبيعى
ولو اتطلقت
ابقى تعالى اعدى جنبنا
بس بالمناسبة
انا مش حعد انا حكمل
................
لماذا نتعامل مع الحياة على اننا مش واخدين بالنا ؟
الحياة رحلة طالت ام قصرت ،سرت فيها وحيدا او بصحبة ،سعدت ام شقيت بوحدتك او بصحبتك
على اد فهمى القاصر دون الرشد :ان الزواج ده ربنا خلقه لنا عشان كل جزء ناقص فى كل واحد بيحن للتانى
ولما يكتمل المفروض خلاص الكيان اصبح مكتمل نهدا بقى ونكمل مشوار الرحلة واحنا اكثر اتزانا
واشباعا وسكنا وامنا ورحمة وعيشة بقى هيييييييييييييييييييييييييه
......................
وطبعا لاننا مش واخدين بالنا ..نفضل ننكد على بعض وعلى اللى جاييبن بعض
واللى عرفونا فى يوم مع بعض واللى فكر فى يوم يعرفنا ...دى ايه الخيبة دى ؟
...................
تصدقوا ان الانسان اذا لم يكافح النكد الزوجى او الحياتى اجمالا بياخد على كدا
يعنى اذا مالاقاش حد ينكد عليه ينكد على نفسه
تسألها :شكلك متغير انتى كويسة؟
تقول: مش عارفة ايمة من النوم منكدة
.............
طاب يا ستى اتنكدت بالليل فى حلم ولا اتخبطت فى دماغك فى عمود السرير
ولا كرمب شنج رجلك وقومتى بالاثر دون معرفة السبب خلاص بقى..
دا يوم جديد يا مؤمنة !!!!!!!!!
والاغرب بقى ان الشعور ده بينعكس على كل اللى حواليها وتيجى تفكها عشان انت تتفك
تعقدلك عقدة بشنيطة وتكلكعها
مع ان اليوم طوييييييييييييييييييييييييييل والنكد ما شاء الله شحيح اوى اليومين دول
لما خايفة نبقى زى السويد وننتحر من الفراغ والسعادة والملل
يا ختى فكيها
................
نفسى اسمع
ان شاء الله خير
ان شاء الله ربنا حيسترها معانا
ان شاء الله ربنا كريم وحيفكها
ان شاء الله مش حيحصل حاجة وحشة
ان شاء الله حقابل واحد لااحسن منه ولا اسوأ واحد كنت نصه الناقص وبس
نكمل المشوار مع بعض
ولو نكد على ىىىىىىىى؟؟؟؟؟؟؟
وخلى همى هوومشاكله ونكده مش مشوارنا اللى كنا حنكمله؟
يبقى يتأكد ان الطريق مافيهوش طوب كبير .....
وان كان الزلط بيعور برضه
ماهى مش ناقصة بقى
...
الا المطلقات بقوا مالهمش روح للمناهدة ليه؟
مع ان حياتهم سهلة ومريحة
ومع ان الحياة جمييييييييييييييييلة
..
طاب والله
حتفرج وحتبقى فل وبكرة تقولى لعلها خير قالت
كله خير
.jpg)
المشاركات
هناك 21 تعليقًا:
بجد انتي زي العسل
انا كنت من ساعة ماقمت الصبح منكد شويه مش عارف ليه من غير سبب كده وخلاص
بس عارفه
أول ماقرأت البوست بتاعك ده انا بقيت في منتهي السعاده والامل والتفاؤل
بجد انتي روحك حلوه قوي
سعيد جدا لاني اول المعلقين عندك النهارده
واتمني تشريفك الدائم عندي
تقبلي مروري وارجوا اني مكونش ضيف تقيل عندك
والسلام عليكم ورحمة الله وبركاته
صباح الخييييييييييير
تفاءلوا بالخير تجدوه النبى عليه الصلاة والسلام قال كده
اسعدنى انى ادخلت البسمة على قلبك وانت مضايق
يا اخى سيبها على الله ربك كريم
ودايما بص على الخير
القلوب زى الحياة ليل ونهار قبط وبسط عسر ويسر دا طبيعى بس الاهم منه انك ماتكونش مع اى منهم تكون مع الله وبس وهو حكفيك كل حاجة
احلى صباح
الله..........ايه يا بنتى الجمال والروقان والحلاوة دى
كلامك زى السكر
خالتينى عاوز اتجوز واطلق علشان ابدا حياتى
على فكره مش بس الستات او البنات الى خايفه تتجوز
والله فى شباب كتير ولاد خايف يتجوز
ودى الكارثه
ممكن بعد كده نتكاثر ذاتيا
او كل واحد يعيش نص حياه لان كل واحد مكملش الى نقصه بالاخر
وهو مش مجر نقص انا اعتقد انه احتياج عارم جامح للاخر
التجربه الاولى سواء كانت زواج او علاقه
حب مش هى المرجعيه الى عليها نبنى حياتنا
وعاوز اقول الحمه الشهيره
من انهارده مافيش خوف....انا الخوف
بالكنه الصعيديه طبعا
هههههههههههههههههه
تحياتى
اهلا يا ممكن
هو ممكن فعلا
الله يكرمك ومنور
بس حقولك على حاجة الرجال هم عصب الحياة ولو خافوا يبى احنا ضعنا
لازم تقاوموا خوفكم وبطلوا تعتمدوا على نفسكم يا جماعة استخيروا واستشيروا واعتمدوا على الله وهو كفيل بكم
مرة قلت لصديقة مسلمة جديد : انا مش حينفع اعمل الحاجة دى عشان انا ماعنديش وقت .
ردت باستغراب شديد :وانتى مالك ؟
انت بتسألى الله البركة فى الوقت وهو اللى بيتصرف مش انت
هو ده الحال
الامر مش بماديتنا ولا قدراتنا الامر بالله فقط وان كنا فى ازمة ممكن ماتتحلش دلوقتى لكن اكيد حيخرجنا منها على الاقل
نورت يا باشا
على فكرة انتي بئيتي بتنزلي بوستات من ورايا وانا كده هتقمص منك
اه خلي بالك انا بزعل على فكرة
(ايه رأيك في كارت الأرهاب ده)
v
v
v
v
v
v
v
v
v
طب انا بئى عيزه اتجوز ايه رأيك بئى؟
(مش عارفة البجاحة دي جاتني منين بس مش مشكلة)
عارفة ليه عيزة اتجوز عشان اشوف ايه الحكاية يعني ايه البوع بوع ده واشوف ايه اللي بيجيب النكد واحاول اجرب اطرده وحتى لو اطلقت اشوف هبئى حلوة كده زي منا ولا هقعد في حتة ناشفه واعيط عااااااا
مابقولكوش اني هجيب الديب من ديله لا بالعكس والله انا مصيبتي بتبئى مصيبة لما بزعل من حد ياخرااااابي لما بتبئى طالبه معايا كآبه ببئى أسخم من بتوع السويد اللي بتقولي عليهم وكمان مابعرفش ازعق واتخانق انا بضرب على طوووول (اه والله اصلي مابعرفش اشتم ولا اشرشح)
وممكن لو ماعرفتش اضرب بشاكوش فنفوخو او بمقص فضهره هو ورزقه بئى
خطاب للي خايفه ولا مش عيزه تتجوز دي:: لو لسه عن قرارك ومالكيش نفس ابئي قوليلي اديكي عنوان بيتنا عشان لو جالك عريس تحوليهولي كده اشوفه واجربلك انا ولا يهمك .. ياختي اتنيلي هو حد لائي
(بتكلم كأني دخلت فسن اليأس ولا كأني عندي 18 سنه كل الحكاية فالاخر)
يارب يا نورة ياخد من لسانك ويزيد فى اخلاقك
الا لافى حيا ولا خشى ولا اى نوع من درجات لاحمر يعنى بنات ايه دول ؟؟؟
انتى يا موكوسة مش بعتلك رقمى ؟ ماتصلتيش ليه يا بت
خلى القيثارة تبعتلى وتبطل تنفضلى كدا
يا ختى الاقيكى عروسة كدا واعييييييييييط اعيييييييييييط
مش من الفرح طبعا من الحقد يا بت
على فكرة بقى انا بنت اختى عندها 19 وحتتقرا فاتحتها بدرى بدرى الصيف الجاى
ماحنا لما لاقينا الحكاية فيها طلاق ودا جديد على عيلتنا قلنا لامابدهاش بقى جوز بدرى عشان لما تتجوز تانى تبقى لسه صغيرة ههههههههههههه
لالالا بعد الشر عن كل الجوازات يارب
وهو الناس بتتجوز عشان تطلق يا خيبة
كلمينى بعد 4 يا بت
اهم من الزواج والقدره الماديه عليه
القدره الفكريه على تقبل تبعاته ومسؤلياته
تصفيق حاد وتصفير جامد كمان ولو انى مبعرفش اصفر ههههه
أختى الحبيبة:ايوة كده عايزين من ده على طول كلام جميل وبيشجع على عدم الكآبة او الاستسلام للحزن
قوليلى اخبار الشغل ايه خف شوية؟
دمتى بصحة وسعادة
محمد
رايك فى محله
صح ..بس الفلوس برضه مهمة ولا ايه؟
برنامج التوك مش لاقية ليه؟
مونا ليزا فيزا كمنيزا
وحشانىىىىىىى جدا
مابتسمعنيش صوتك ليه يا ست ؟
انا يا ستى الشغل مطلع عينى بس التانية لسه شغالة ......
عندنا الحفلة النهائية للعام الدراسى ووراها امتحان الترايل ودا اصعب امتحان فى السنة والحفلة هيصة جامدة جدا
ربنا يصلح الحال بقى وزيارات وسفر وحاجات كتير جدا
ادعيييييييلى وطمينيى عليك يا جميل
والله معاكى حق
هى مملة وكئيبة ورخمة بس عايشينها وبنحبها
عن نفسى بيكون يوم مش فايت لو اصطبحت بحد مكشر..بجد بابقى نفسى اعيد الشريط م الاول علشان اعمل للبنى لآدم ده ديليت خالص
وعن نفسى برضة مش باحب اعرف حد متضايق من غير سبب من اللى موديله ببوز من أدام..يا تقول السبب يا تقعد على جنب.
واحب اسمعك ان شا الله خير وبكرة حتفرج وحتبقى فل
حلو كده؟؟
:)
لو كل حد فينا بص لنص الكباية المليان
الحياة حتبقى كريمة بالحلاوة
لازم يكون فية تفاؤل
بوست رائع
ـــــــــــ
ايه سبب قطعك المفاجئ لزيارة بلوجى ؟
السيدة الكريمة
يبدو لي أنه يوم أليا أبو ماضي، فلقد استعنت بهذه القصيدة مرة وعلى الرغم أني لا أحب التكرار إلا أنها مناسبة جداً لجو المقالة فاسمحي لي أن أهديها إلى سيادتكم خاصة وإلى كل من استيقظ من نومه فأمر أوداجه أن تنتفخ غماً وتمتليء كمداً
قال إليا
قال السماء كئيبة ! وتجهما
قلت: ابتسم يكفي التجهم في السما !
قال: الصبا ولى! فقلت له: ابتــسم
لن يرجع الأسف الصبا المتصرما !!
قال: التي كانت سمائي في الهوى صارت لنفسي في الغرام جــهنما
خانت عــــهودي بعدما ملكـتها قلبي , فكيف أطيق أن أتبســما !
قلـــت: ابتسم و اطرب فلو قارنتها لقضيت عــــمرك كــله متألما
قال: الــتجارة في صراع هائل مثل المسافر كاد يقتله الـــظما
أو غادة مسلولة محــتاجة لدم ، و تنفثـ كلما لهثت دما !
قلت: ابتسم ما أنت جالب دائها وشفائها, فإذا ابتسمت فربما
أيكون غيرك مجرما. و تبيت في وجل
كأنك أنت صرت المجرما ؟
قال: العدى حولي علت صيحاتهم أَأُسر و الأعداء حولي في الحمى ؟
قلت: ابتسم, لم يطلبوك بذمهم لو لم تكن منهم أجل و أعظما !
قال: المواسم قد بدت أعلامها و تعرضت لي في الملابس و الدمى
و علي للأحباب فرض لازم
لكن كفي ليس تملك درهما
قلت: ابتسم, يكفيك أنك لم تزل حيا,
و لست من الأحبة معدما!
قال: الليالي جرعتني علقما
قلت: ابتسم و لئن جرعت العلقما
فلعل غيرك إن رآك مرنما
طرح الكآبة جانبا و ترنما
أتُراك تغنم بالتبرم درهما
أم أنت تخسر بالبشاشة مغنما ؟
يا صاح, لا خطر على شفتيك
أن تتثلما, و الوجه أن يتحطما
فاضحك فإن الشهب تضحك و الدجى متلاطم, و لذا نحب الأنجما !
قال: البشاشة ليس تسعد كائنا يأتي إلى الدنيا و يذهب مرغما
قلت ابتسم مادام بينك و الردى
شبر, فإنك بعد لن تتبسما
فياسيدتي...قبلنا دعوتك...
وتبسمنا :)
إحترامي وتقديري
عشان ارد على موضوعك ده قرأته مرتين.
انتى كلامك جمبل جدا بس صديقنى مستحيل يدخل حيز التنفيذ.وانا اول واحدة مستحيل اعمل كده.يعنى مستحيل اضحى بنفسي واقول ان شاء الله مش هيبقى فى حاجه وحشه ولعله خير.
لو الواحد صاحى من النوم منكد شويه.النكد بيستمر شويه لكن بتعدى .
لكن لما يكون الانسان مجروح من حد المفروض انه غالى عليه وانه نصه المكمل زى مابتقولى يبقى النكد هيستمر كتير.وهيبقى اصعب على نفسه الف مرة ان يكون سبب النكد اغلى الناس على قلبه.لكن لو سبب النكد هو انا يبقى هتكون اسهل على نفسي من انى اتجرح من حد المفروض انه حبيبي.
واخيرا ليكى الف سلام من عقل لايهدى ولا ينام.
امولة
يا مراحب ياجميلة
بصى ابطحيه وارتاحى
دمتى بالخير
نام :
ماانت صاحى يا عم
انما احنا مضغوطين جدا فىالشغل والدنيا مكربسة شويتين
نورت يا باشا
بوسى
بصى حبيبى يبقى ماينكدش على ..ماشى
اما لو جوزى وبينكد على ازحزحه من الحتة الجوانية اللى وجعانى دى فى قلبى واعده على الحركرك كده واعامله بس لله بادب واحترام وذوق لكن مش حنتظر منه احتياجاتى النفسوية والمشاعورية يا يتعدل ويبقى بنى ادم ويختشى على دمه ويراعينى يا اما اشغل نفسى باولادى او بيتى او اى اهتمامات تروى النقص الفظيع ده
اينعم انا جربت اللى بتقوليه وحساه
وياما يا ما كان يومى بيبدأ بدموع وغم واهانة والمصيبة انها مش راجل قاسى لا من حبيب كنت عنده - كما كان يدعى الدنيا بما فيها-
لكن يا حبيبتى دول ما بيبقوش فاهمين يعنى ايه حب منهم من يمتك الانسان ويعتبر ان ده حب ومنهم من لا يعرف ازاى يعبر عن حبه بالفاظ او افعال ويدب الكلام يخرم قلبك قبل ودانك ومنهم البلاطة اللى لا يعرف معنى الكلمة الحلوة ولا تطيب الخاطر
لو بتحبيه اصنعيه
ايوه اصنعيه ...وجيب اخرك معاه
احكى بقى عشان افهم
):::
عارفة يا ايمى رغم انى من النوع النحنوح يعنى دموعى قريبة الا انى متفائلة جدا وما بشيلش للدنيا هم
ويمكن ده اللى مدينى القوة على كل حاجة وحشة مريت بيها ورغم كده احيانا باحزن بس من معاملة البنى ادمين اللى لا تمت بصلة ليهم يمكن الواحد بيزعل بس احيانا على نفسه ان محدش بيراعى شعودره زى ما الواحد بيراعى كل الناس ويتشحتف عليهم عمال على بطال ... بس سيبك انتى الله يحرق النكد واللى بدعه تعرفة لما اكون متنكدة بانزل امشى فى الشارع فى الهوا وان شالله اشترى توكة شعر حتى بس احسس نفسى بالسعادة بس فيه ايام بتبقى طالبة نكد مكثف يا ايمى مبقدرش امنع نفسى عنه زى الفترة اللى فاتت بس الحمد لله ربنا فكها.. وربنا يفكها علينا وعليكى يا قمر
السيد ويسبر
والله انا اسفة بس حصل غلط وانا بنشر التعليق وماتنشرش
سامحنى ارجوك
القصيدة دى اهديت الى فى كتاب لاتحزن من طالبة عندى السنة اللى حدث فيها طلاقى وكان كبير الاثر فى نفسى
دمت بالخير سيدى
على فكرة التوك مش بيفتح عندى ومش فاهمة السبب
خليها على الله
جسر الحياة
هو انتى كنتى لسه ماحبتنيش يانهارك ماسك فى بعضه
مانااااااااااااا بحبببببببببببببببك من زمان يا ختى من ايام حبنا المشترك للخيول فكرتينى عايزة اعمله بوست
ابعتليى اميلك من فضلك اطمن عليك اذا ماكنش يضايقك
إرسال تعليق