يوم العب

يوم الحب

اهلا بكم ..
لم يكن اختيار اليوم لعمل المدونة الا قدر بحت .. وعشان كدا قررت تكون اول حاجة اكتبها عن اليوم ده...انا لن افتى ولااحب الفتي .. لكنى لا أرى ضرراً ان نذكر احبابنا فى يوم مع كل ضغط الشغل وزحمة الجداول والمشاكل .. مافيش مانع نفتكر احبابنا اللى اكيد مش بننساهم بس يمكن بننسى نقولهم اننا بنحبكم ..وبنفترض انهم عارفين ده كويس!
اسوأ شىء فى عيد الحب فى رأيى هو اللون الاحمر الفج اللى بيرفع رايته كتير من الناس فى اليوم ده ..
لفت نظرى وانا راجعة من الشغل موقفين ..
الاول امام سوبر ماركت كبير فى المعادى حيث اسكن واعمل واحد شكله
لاينم على سلوكه الاتى ابدا يقف فى وسط الرصيف يزعق فى زوجته (واضح طبعا) ويقول بصوت لمّ القاصى والدانى والفضولى واللى فى حاله ( عنهم ما اكلوا لحمة بلا لحمة بلا زفت (استغفر الله اللحمة زفت!!!)خليلهم الفلوس مش شارى لحمة مش حقف انا ساعة كمان )فتهمس هى بوجل بشىء ما فيزداد غضبه اكثر ويعلو صوته ( انتى حتمشى معايا ولا ليلتك تسود النهاردة ؟؟؟) ومشى وهى شبه تجرى وراءه.. وبعد ان عبرت الطريق الى الناحية الاخرى يبدو انها قلبتها فى عقلها واختارت ان تسوّد الليلة بلحمة بدلا من ان تبيض او تحمر بدونها فعادت لتأخذ اللحمة وهوينظر لها على الجانب الاخر وعيناه تنطق بدرجات قاتمة للون الاسود!!!!!
الموقف الاخر لزوج من العجائز منذان أتيت الى المعادى اراهما كثيرا يحملان شنطة للخضار ويتعجز الرجل على عصا ويده الاخرى تشارك زوجته حمل الشنطة وبينهما حوار لاينتهى ابدا .. استوقفنى منظرهما اليوم اكثر من اى يوم مضى .. ولا اعرف لما جاء فى خاطرى سؤال ..ياترى متى بدا هذا الحوار بينهما بهذا الحماس؟ ؟؟؟؟؟
ولا أعرف لماذا خطر على بالى انه ربما بدأ بعد أن صالحها يوم فقد اعصابه امام الناس ......
مرسلة بواسطة لعلها خير في 07:56 ص 1 التعليقات