الفقاعة

عدت الى عملى ..استعددت لكل شىء ..لن يدرك احد ماجرى لى ..

يا خبر ايعرفون انى طلقت ؟؟؟؟؟؟ لامش ممكن ؟؟؟؟؟؟

قال لى المدينة غول وانتى عبيطة

قلت له ليه يعنى ؟مين قال كدا ؟

قال لى عايزة تطلقنى طيب ورينى حتعيش ازاى ؟

حترجعى ازاى لبلدكم وانت مطلقة ؟حتقولى ايه لاهلك ؟ويا سلام بقى

لما خطابك اللى رفضيتهم يعرفوا ؟!!!

ولا زمايلك فى الشغل ؟

ولو قلت لواحد السلام عليكم ..يكون تانى يوم قصتك على كل لسان

وتلاقى مراته جيه تفضحك

...........................

خوفنى كلامه ؟ نعم ؟ صدقته ؟نعم

غبية انا وريفية ساذجة ؟؟؟؟ كنت

....................

الان اخطو داخل عملى وانا استحلف للكل

والله يا مصر لعلمك انى مش لقمة تتفيها

او تبصقيها عشان الحساسين

دخلت وانا مستعدة لكل شىء ..

غاضبة ...ساخطة ..خجلى ..متوترة ...مكسورة ...بأوح

نفسى اصرخ فيهم :

انا اتطلقت حد عنده حاجة يقولها

ياااااااااااااااااااااااااااااااااااااه كان ليه كل ده ؟

استغفرك يارب

عيب يا بت عيب اقوى اوعى تخليه يفرح فيك اوعى تخليه يغيرك

..............

مخى مطحنة تدور بسرعة البرق تتقازفنى الافكار والمشاهد

اود لو اقول لكم ..ياه كنت قوية ..ممتازة ماهمنيش حاجة

يا دوب اتطلقت من هنا وجريت ع النادى الحق الساونا

لا بقى

انا اتجرحت ..اخد روحى حبسها وقطع كل حتة فيها ولما رجعها رجعها مفتفتة

يعنى مااتوجعش وانا برقعها

وبعدين النهاردة اول يوم فى الشغل

يعنى اول مواجهة للناس وانا احمل عارى

يا نساء العالم فاشلة انا .. اقف فين ؟

يااااااااااااه كل ده صف ؟!!!!!!!!

ماينفعش اعمل صف لوحدى ..ماكنش لازم اكون بينهم

لالالالالالالالالا

يا جماعة انتم مش واخدين بالكم انا ماكنتش عايزة اتطلق ..والمصحف ابدا

انا كنت عايزة اعيش بنى ادمة

انسانة بس.. كتير ده ؟؟

كتير اوى يعنى؟

طيب بلاش.. اعيش وخلاص ؟

بس مش قادرة مش نافع

اعمل ايه ياربى ؟؟؟

........................

يخترق عم محمد الفقاعة وهو يقول ايه يا استاذه مش حتدخلى

-اه يا عم محمد ازيك ..اه طبعا وانا يعنى حروح فين لو مش حدخل ؟؟

- الا قولى يا عم محمد هو انا شكلى متغير ؟

(يا نهااااااااااااااااااار ابيض )

- زى الفل يا استاذة ..خير انتى تعبانة ؟؟؟

- اه يا عم محمد الحمد لله تعبانة اوى

ينظر لى الرجل العجوز بشفقة ويحثنى على سرعة الامضاء

قدمى ثقيلة ..وركبتى هشة ..عينيا زائغة

ادخل الى مكتبى ..اضع شنطتى .. تأتينى الدادة اعملك الشاى بلبن دلوقتى يا حبيبتى ؟

(ايه ده مين حبيبتى دى ..ماحدش يقولى يا حبيبتى ياولاد الكدابين

عايزة ايه انتى كمان ؟ عايزة تخدى منى ايه ؟قولى لاقتلك)

-ايه انتى تعبانة ولا ايه ؟؟

- افوق من شرودى وارد بصوت هادى طلع اضعف مما قصدت

-لا يا دادة انا بخير الحمد لله

الحمد لله حد عارف ؟؟ لعلها خير

- الحمد لله يا حبيبتى ربنا يزيدك رضا

اجيبلك بقى الشاى بلبن

- لاهاتلى شاى

-شاى بس ؟؟!!!بس انتى مابتشربيش الشاى ؟

- بجد امال انا عايزة اشربه ليه ؟

-يا عينى يا بنتى دا انتى شكلك تعبانة اوى

وتمضى ...

ماذا اعمل الان ؟

ماذا كنت اعمل فى تلك اللحظة قبل ان اطلق ؟

مش فاكرة ..طيب

هل عدت تلك الفتاة المتحمسة ذات التصميم والحزم والعزم متى حددت هدفها ؟

وما هدفى ؟

بلا نيلة ..الا هدف ال!!!!!!!!!!!!

اعمل ويكفينى المرتب الهزيل هذا على دفع الايجار وطعامى وملابسى

اوم مش هدف بطال

..................

مازلت البس هدوم العيد ..

لم يختر لى ملابسى اليوم ..

........................

هو صحيح ..ليه البنت لما اتفتحلها الصندوق بعد سنتين

لم تخرج منه ؟؟؟؟؟؟؟

حبا فيه ؟ابدا

خوفا منه ؟لا

انما هى الفقاعة التى دخلتها فاصبحت عالمها ..

نسيت ان خارج الصندوق حياة كانت تحياها قبل ذلك

اه

يا الله

الله

الله

لماذا اصبحت احبها كثيرا هكذا ؟

لماذا اشعرها فى قلبى اكثر ؟

اراض عنى ؟!!!!!!!!!

.............

يارب يهون كل شىء

فليخون كل الاحبة

ولتموت كل الاجنة

ولتنفق كل الورود

الا ألا ترضى عنى

ااعود الى بلدتى ؟

ااظل ؟

أمذنبة انا لانى مطلقة الان ؟

اكان يجب علىّ امرا قصرت فيه ؟

نعم ..الكثير ..بس

طيب اروح فين

ولى من غيرك ؟؟؟؟؟؟

يارب ..هذه ارادتك فاجعل لى منها رضا وفيها رضا

اجعلها سبيلا يفتح قلبى لما لم افهمه

بصرنى اى طريق اسلك ؟

اى طريق ارضيك فيه ؟

يارب ..أكان لنفس السوء منى مكسبا فيه ؟

أتتركنى ..وان ظلمت ؟؟؟؟؟؟

أأظلمت ؟؟؟؟؟؟؟

ولما اشعر بهذا الحزن ان كنت ظلمت ؟

هل ظلمنى ؟

الى الحق ان ادعو عليه ؟

حرام ؟!!!

حسنا

الى الحق ان اتحسبن فيه ؟؟

اعفو ؟؟؟؟؟؟

اقادرة انا على العفو ؟

ومن انا حتى اعفو ؟

يارب انر لى الطريق ..فالظلام مقبض ..والدرب مخيف

وانا وحدى ..

لست امرأة كاملة ..لا رجل لى ولا ولد

اخطو بجانب الحائط بلا ظل يعكسنى

اسير فلا اجد اثرا لخطوى

يارب

تركنى

فلا تتركنى

خذلنى فلا تخذلنى

.........................

اخذ نفسا يطـــــــــــــــــــــــــــــــــــــــــــــول

فاجد الراحة فى قلبى

اقوم لعملى بدون قوة

اقوم بالله