كانت ليلة شديدة جدا تملكنى الخوف .. وزاد احساسى بالقهر
ورغم ذلك كنت عنيدة .. صلبة
ظللت طوال الليل افكر ماذا افعل كان لابد من سرعة وحسن التصرف
يارب لا تتركنى ..الى من تكلنى ؟
الى بعيد يتجهمنى ام الى عدو ملكته امرى ؟
ظللت اكتب بغضب اخرج شحنة العصبية..عشان مافقدش اعصابى بكرة
فى الصباح كنت متورمة العينين ..قلبى يترجف
لم احك لاحد من اسرتى
لا اريدهم ان يشعروا بالعجز اكثر
................
توجهت الى الادارة استقبلنى وكيلها وسألنى : اسمك ايه ؟
قلتله اسمى
الرجل ظل ينظر لى باستغراب ..:انتى لعلها خير ؟؟؟؟
قلت نعم ؟
قال شكلك مايجبش الكلام ده خالص !!!!!!!!
: كلام ايه ؟ قالى ايه المشكلة ؟
حكيت له سألنى :انت بالحق شتمتيه ؟
:ايوة
قلتيله ايه ؟
قلتله :انت تيس وحمار وعمر فلوسك..................
:ضحك الرجل وقالى ليه كدا ؟
:شتم بابا
ولو اتعاد الموقف تانى حشتمه تانى وحفتح نفوخه كمان
ولو حضرتك مكانى وابوك اتشتم حتعمل ايه؟
سألنى :هو الراجل ده بعد طلاقك ضايقك بحاجة ؟
: لالالالالالالالا بصراحة هو متخلف وفيه كل العبر الا قلة الادب
لالالا لا خالص والله
: بصلى وقالى انتى بنت محترمة تعالى معايا
ركب العربية بتاعة المصلحة وجاب اتنين شهود ورحنا له
الرجل شافنى كان حيجليه شلل اطفال متأخر
ربنا كان واقف جنبىاوى
الرجل كان بيدافع عن حقى كأنى بنته مش اول مرة يشوفنى !!!!!!!!!!
كنت واثقة من ان ربنا مش حيخذلنى
وفعلا اترجانى الرجل انى اخد فلوسى من غير شوشرة
سبحان الله
لانه مش كويس واساليبه ملتوية ظن انى مسنودة
سمعت بعد مدة انه جاله تليفون من الوزارة امبارح
بيقوله بلاش شوشرة وخلص المشكلة اللى عندك!!!!!!
انامكلتمش حد وواضح ان التليفون ماكنش لى ولكن ربكم بقى
سبحان الله
وانا خارجة بصيت للامن والدادات وهما بيعملوا علامة النصر
فابتسمت لهم وخرجت
............................
هو دا ظنى بالله ..
الرجل ادعى انى شتمته شتائم مش محترمة والرجل اللى ساعدنى سأل عنى قبل ماروح ل
واتاكد انى مش ممكن اقول الالفاظ دى
سبحان الله
يا كرمك يارب
ماكنش صاحب المدرسة يعرف انى عملت فيه محضر
كنت مصرة على رد كرامتى ادام نفسى اولا
مش كلهم كانوا جوزى
المرة دى لازم اعرف انا اقدر اعمل ايه ؟
المرة دى لازم اى حد يفكر قبل ما يهنى
مش حسمح بالاهانة ابدا تانى
خلقت مكرمة وان شاء الله حعيش مكرمة
المحضرقصة تانية
.jpg)
المشاركات
هناك 7 تعليقات:
ساعات يكون من التكريم
ترك الحق للسفهاء برضى وثقه فى قدرة الله على اعادته
بص يا محمد ساعات لازم تقول للناس وتعرفهم الفرق بين الادب فى التعامل والضعف ناس كتير بتفهم ان الادب ضعف وهو كان على علم بان طليقى اخد حقوقى ففكر انى هابلة بقى واشخط فيها حتكش وكان لازم الكل يفهم ان التانى كان جوزى ومهما كان كان بينا اشياء كويسة لكن ده بقى لا
دا شغل والشغل ماديات وعلاقات لو كنت سبت الموضوع وخلاص كان اتثبت على كلامه لو من البوست اللى جاية حتعرف اللى حصل
لا املك الا ان ابتسم لك
جيد جدا انك لم تضيعىة حقك
اياك وقبول الاهانة او الخضوع او الخنوع لاى موقف كان
وربك كريم اوى
بس خليكى دايما فى حضنه
تحياتى ليكى
نيرفانا
اهلا بيكى يا نرفانا
واشكرك جدا
لا خلاص انا اتعلمت الدرس خلاص
بس يارب مافقدش وانا برجع حقى الانسانة اللى بحبها جوايا
ادعيلى
مش عارفة ليه من كتاباتك بحش انك حد قريب منى أوى, يمكن علشان بحس بكل كلمة بتكتبيها. ربنا معاك و يوفقك دايما فى حياتك...
أحبك فى الله,
سلـوى
حبيبتى احبك الذى احببتنا فيه
يمكن عشان انا بكتب بصدق
ويمكن عشان انتى انسانة اوى
ويمكن عشان مفيش بينا مصلحة تحجز نور الحقيقة اننا كلنا اخوة الستات غلابة اوى يا سلوى اوى
كلمة حلوة وحضن حبيب صادق بتهون الدنيا
اجمل مافتحت عليه عينى من سنين كانت رسالتك
اهلا بيك يا حبيبتى دائما
بجد ربنا يقويكي على الدنيا
وبس
إرسال تعليق