سيدتى:
لدى الاف الاسباب التى تجعلنى احمد الله على انى انثى .
واولها انى كرمت انى خلقت من جسد حى ينبض شوقا الى ..
حبيباتى اعطوها اسبابكم
لدى الاف الاسباب التى تجعلنى احمد الله على انى انثى .
واولها انى كرمت انى خلقت من جسد حى ينبض شوقا الى ..
حبيباتى اعطوها اسبابكم
.jfif)
.jpg)
المشاركات
هناك 35 تعليقًا:
عزيزتى
وانا احمد الله على انى رجل
ومعاكى حق
ان المرأه كرمها الله ليس بانسانيتها فقط
لاكن جعلها مخلوق يتصف بالجمال
جمال فى كل شئ
شكلا وموضوعا
وما غير ذلك بعتبره خروج عن القاعدة
تحياتى
سلام
احساس لسه حى
اخى الكريم مفارقة جميلة جدا ان يكون اول من يعلق رجل
من الايمان الرضا على نفسك على جنسك ونوعك ومن الهبل والعبط ان الانسان يغاير واو يعاند مع خلق عليه
احنا بقينا فى كارثة لاالست ست ولا الراجل رجل للاسف
كل التحية
يا نهار ابيض يا لعل
لو لم اكن انثى..لتمنيت ان اكون انثى
:)
دى احلى حاجة فيا أنى انثى وعمرى ما تمنيت غير كده انا حتى باستغرب الرجاله دول مستحملين كده ازاى؟؟؟؟
نتكلم جد شوية..لو كل امرأة تعاملت مع انوثتها صح كانت الحياة بقى لونها بمبى..هنهزر تانى واللا ايه؟؟؟
هى الاف الاسباب كما قلتى واهمها السبب اللى ذكرتيه..انى خلقت من جسد حى يعنى كتلة مشاعر وأحاسيس وحنان بس مين يقرا ومين يسمع
حتى حكاية انى خلقت من ضلع أعوج برضة باحبها وباستمتع بيها..النبى صلى الله عليه وسلم اعطى المبرر لما قد يعترينى من نقصان وده طبيعى لاننا بشر.. آجى أنا وارفض ده ليه؟بالعكس ده ممكن يكون مدخل جميل ورقيق لتبرير اشياء صغيرة وعلى الرجل أن يتجاوز عن هذا لانه مش بايدى خاااااالص..ده الضلع هو اللى أعوج مش أنا:)
بالله عليكى تقولى لبتوع حقوق المرأة يتلهوا ويقعدوا لنا على جنب كده..دول بتوع حقوق المرأة المسترجلة
ازيك ياابله
عارفة انك عيزه تقوليلي انتي فين ياخاينة
معلش والنبي ماتذنبيني
بس اصلي اصلي اصلي
كنت بعمل مع ماما الكشري
تعالي كولي
المهم
فعلا الحمد لله لأني بنت
عشان دائما بسمع اني خلفة البنات حلوة
وانو اللي ماخلفتش بنات يبئى مخلفتش
وبعدين كمان في مميزات كتير للبنت منها مثلاً::
*ان البنت ممكن بتلبس هدوم البنات وكمان ممكن تلبس بنطلون وقميص وبيكون شكلها حلو برضو لكن الولد لأ
*لو في خناقة في الشارع والبنت ضربت ولد كلهم هيجروا يطبطبوا عليها وهو اللي هياكل علقة للذكرى
*البنت ممكن تقعد على اي شاطئ لكن الولد مستحيل يقعد في شاطئ مخصص للبنات او البسين في اليوم الحريمي
*دائما مقولة lady's first
*دائماً في الاتوبيسات او اي مكان زحمة بيقوموا للبنت عشان تقعد (ده كان ايام مافي دم)
*البنت لما تحط مكياج بتبئى قمر 14 الولد لو حط هيبئى بلياتشو
*بذمتك إليسا احلى ولا عصام الحضري
ليلى علوي ولا يوسف شعبان
أي خدمة يا ابله اقنعتهالك .. اظن بعد الاسباب دي هتمشي تبص بقرف للرجاله فالشارع (مقنعة أنا)
وحشتيني ياابله
ونحن نحمد الله أن خلق من أنفسنا هذا المخلوق الجميل والرقيق المرأة
وتقبلى مرورى
تحياتى
امولة
ايه يا بنتى الشرباتات دى
كلتى ايه الصبح ؟؟؟؟؟؟؟
تصدقى يا بت نغششتى فى دماغى والله لا كلام كبير كبير
اولا يا بنتى بتوع حكوك المرأة دول فى قمة التعاسة لانهم ناس بعيد عن ارضها الحقيقية يعنى حيفضلوا غرب حتى على نفسهم وطول عمرى نفسى اعرف بيتجوزا ويتعاملوا مع اجوازهم ازى ؟؟؟؟
هو فيه احلى ولا اجمل من انى اعيش نفسى وجنسى برضا وسعادة
طاب عندك البت نورة شوفى لما وقفت تعمل الكشرى فرحت ازاى
جد بقى؟؟
الاجمل بقى الاشياء الصغيرة اللى انتى قلتى عليها دى ...واللى للاسف الرجالة مش قادرين يفهموها او بيستعبطوا بقى والله اعلم ..
يلا فى داهية ..قصدى بتوع الحكوك طبعا ماتفهمونيش غلط
نورررررررررررررتى
بت يا نورة الكلام ده شوفته فين قبل كداااااااااااااا ؟
دا كلام كبير اوى
استنى استنى عمر طاهر فى كابتن مصر صح؟
ههههههههههههههههههههههههههههههههه
سيدى الغلبان
طبعا انت الوحيد اللى عارف جزء من سبب كتابتى للبوست دى ... صح ؟ هه؟ وبوستك الاخير خير دليل
والجزء الثانى هو رسالة غاضبة لاحدى النساء تسألنى فرحانة اوى كدا ليه ومتفاءلة وانتى مجرد ست هو ست فرحانة انها ست ...؟؟
نورت المدونة الغلبانة وصاحبتها المسكينة وحبابيها الطيبين
الحمد لله على كل حال
محمد:
كل كلامك حكم
الحمد لله انى مش انثى
هههه
قصدى الحمد لله انى رجل
كلماتك رائعة
والمدونة جميلة
تحياتى
احمد الصباغ
بقى كدا يا احمد وانا كنت بقول عليك العميل بتاعنا
نورت بعد الغيبة
سيدتى, أرجوا الأيسئ ظنك بى
فمقالى الأخير ليس ردا على مقالتك أو حتى تقليلا من شأن المرأه،التى أحترمها وأكن لها كل تقدير. أليست هى الأم والأخت و الزوجة والبنت؟ أى نصف المجتمع.
كلا منا يحمد الله على ما خلقه عليه,
والإختلاف بين الجنسين ما وجد الإ ليكون التكامل بين الإثنين وبحاجة كلا طرف الى الآخر.
وتقبلى تحياتى
الحمد لله انى انثى لان ربنا متعنى بالصبر ةالقدره على العطاء لكل الى حواليا
الحمد لله انى انثى لانى ساحمل وليدى تسع اشهر واشعر به قبل مجيئه وايضا سارضعه من حنانى
الحمد لله انى انثى لان الله كرمنى وجعلنى شقيقه للرجال
الحمد لله انى انثى لانى انا من سيربى الرجل فى صغره ويساعده ليكون رجل فى كبره
خالص تحياتى ليكى وتسلم افكارك
الغلبان
يشهد الله انه مجرد ددعابة
يا سيدى من يعترض على خلقه او خلق غيره شخص غريب اكيد مر بظروف اقتضت موقفه ده وبيبقى موقف مؤقت اكيد
تحياتى اليك سيدى واخى الكريم
اونلى اسبوت
تسلمى ويسلم قلمك
اختى الحبيبة:تعرفى انه سؤال وجيه جدا وخصوصا فى زمن المراة عايزة تاخد فيه مكان الرجل رغم انها مش محتاجة تاخد ادوار حد بس الحرية بقى والشعارات اللى ملهاش لازمة انا شايفة ان الست ست والرجل رجل
اما عن اسبابى أولها: احساسى انى غالية اوى وذى الجوهرة يعنى مينفعش اخرج فى اى مكان ولا فى اى وقت كده من غير رابط ولا ضابط لان معروف قيمتى
ثانيا انى اناوبلا فخر ومن خلال مهنتى كمدرسة رياض اطفال صانعة الرجال وطبعا المهنة دى قاصرة للبنات فقط يعنى مفيش رجل يقدر يمارس المهنة دى وابسط دليل على ده عشان محدش يقول انى بظلم ان الكلية بتاعتى للبنات فقط
ثالثا:لان الجنة تحت اقدام الامهات(ان شاءالله على اعتبار ماسيكون)وكمان فى عيد للام ومفيش عيد للاب وفيه احتفال بيوم المراة ومفيش احتفال بيوم الرجل لان مش موجود اليوم ده اصلا
رابعا:لانى اتمتع بفضل الله بالقوة التى تعيننى على الصبر ومواجهة الالم (شوفى تحمل المرأة لجميع الالام من ولادة وحمل او حتى صداع وقارنى بقى بتصرف الرجل لو جاله شوية برد)
خامسا :استطيع عمل اكتر من شئ فى وقت واحد الراجل بقى لو عمل كده تركيزه يتشتت ويتنرفز
سادسا:لو حبيت اشترى حاجة الف الاول على مكانها واختار الاحسن طبعا الرجالة فى المواقف دى بتزهق بسرعة وبيشتروا اى حاجة
سابعا المرأة بطبعها كائن رومانسى حنون وده اكتر حاجة بتميزها
ثامنا:ان فرص العمل للمرأة اكتر (يعنى طول الوقت بشوف يافطة:مطلوب انسة للعمل)
وطبعا فى حاجات تانية كتير بس دول اللى على بالى دلؤتى
الحمد لله انى انثى ...والحمد لله انك انثى
عشان اقدر اقولك ...انى بحبك اوى
قريتلك 3 او 4 تدوينات ورا بعض ..المفترض ان الطول فيهم يعد عيب من العيوب ..ولكنه معاكى كان العكس تماما .. كان كلام طالع من القلب بدون ترتيب او تنقيح...وده احلى حاجة فيه ..وده اللى وصله لقلبى
الحمد لله ...اننا اناث ..لعلها خير ..مش كده برده !!؟؟
ربنا يباركلك ويسعد قلبك
الحمد لله انى امراهلكون من ضمن من وصا الرسول بيهم وما احلاها وصيه رفقا بالقوارير
الحمد لله انى امره لاكون خارج نطاق من قد لايتقون الله حين قال واتقو الله فى النساء
الحمد لله انى امره ملاذ الدفء والحنان
الحمد لله انى امراه زمر العطاء والارتواء
الحمد لله انى امراه لكونى ثلاث ثلاثه احبهم رسول الله
الحمد لله انى امراه لاكون شعلة حب وحنين ورومانسيه لقلب ادم الجامد الصلد فيلين ويطيب ويهنا
الحمد لله الحمد لله الحمدلله
القيثاره المكسوره
يعنى اقول ايه وارد على ايه
يا بنات ويا ستات ايه جمال رضاكم ده
انا فرحانة جدا
اولا موناليزا :
برد ايه يا امى دا لو شم فلفل اسود وعطس يبقى يومنا مش فايت يرتمى ويستموت فيها يجى يشفونا كل شهر عارفة ان فيه احصائية ان المرأة بتتحمل اكثر من عشرة جمال ؟!!!!!!!!!
لا طبعا تفتكرى وتكملى انا عايزة اجمع للست اللى مش راضية عن نفسها الاسباب عشان ربنا يرضيها يارب
جنى :
كلامك اكبر كتير منى
اختى الحبيبة كانت مجرد محاولات ان ست تشوف الكلام ده وقلبها يطيب وتنام وهى اكثر رضا عن حالها
اشكر لك مشاعرك الصافية اللى وصلتنى جدا..احنا خلاص ضمناكى لاحباب فى الله مجموعتى اللى بجمع احبابى فيها
انا عارفة ان لما حقولك وانا كمان بحبك ممكن تكون مستهلكة بس فعلا عارفاك من يوم ما الارواح اتعارفت وحبوا بعضهم فى الدنيا لمجرد ان اوراحهم مرت بس على بعض ..فصدقينى انا احبك من زمان اوى
قيثارتى
كدا برضه ؟؟
على اد انشغالى عليك على اد عتابى يا ست الكل
فينك وليه خايفة تشركينى معاك لو عايزة تكلمينى اكتبى اول حاجة مش للنشر
وعشان خاطرى طمنينى عليك
كلامك فوق فوق الرائع
نعم يا حبيبتى انا اكتر حاجة مفرحانى ان نبى الرحمة صلى الله عليه وسلم وصى بيا وبيك واننا غلابة اوى اوى وهو حبيب الغلابة يارب يا قيثارة يجمعك به فى الجنة وتبقى فى قربه وتقوليله انا اتعذبت كتير بس كنت بخاف الله فاجعلنى بقربك لانى لم اجد من يتقى الله فيا
احبك فى الله
لعلها خير :
اولا : مدونتك جميله جدا باسلوبك وطرحك وتناولك .. وأنت
فكره عدم رضى الست عن كونها ست -أنثى - بتكون غالبا اما من الضغوط حولها أو من القيود المبالغ فيها ..الخلاصه من نظره المحيطين بها ال بترسم جواها ثقتها بنفسها وحبها لشخصيتها او لكينونتها .
كى لا اطيل واجيب عن سؤالك ..
عندما اتذكر ان المرأه أوصى بها الرسول وسماها ب " القوارير "..اشعر بسعاده انى احد هذه القوارير , وان لى وصيه خاصه من الرسول أكثر من واحده فى الحقيقه ..بس مين يطبق
دمتى بالخير ياجميلة
uogena :
اولا اهلا بيك
يا حبيبتى دى مدونة التطويل دى مدونة للستات الرجالة فيها ضيوفنا وفوق راسنا دنيا وتدوين لكن هنا بقى اللى عايوها تتكلم ترغى ولالالالالالالالالا يهمها والا مش حكتب كل اللى هى عايزة تقولى يبقى حتزعلنى وضيعت هدف المدونة
انا عن نفسى سعيدة لالاف الاسباب منها انى بلبس فساتين وانى بلبس حاجات حلوة وزينة وحلى وكانى عروسة جميلة مزيينها وكمان عشان انا اللى بطبخ اللى هو بيكله يعنى بمزاجى وعشان زوقى احلى من زوقه وشكلى احلى منه وانا امام للبنات بنبقى جنب بعض كتفنا فى كتف بعض ولما بنفرح مابنتكلمش فى الاباحة ولان ولان ها انتى بقى ايه ؟
الست هي الحنان اللي في الأرض كله وهي السكن والمودة
بس أعذريني لو قلت رأييي بصراحة فالست مظلومة في مجتمعنا الذكوري
وحقوقها المسلوبة مخلياها مواطنة درجة تانية
كل ميسر لما خلق الله
والافضلية بالعمل وليست بالجنس
ولقد كرمنا بنى آدم
بارك الله فيك
الحمد لله انا راجل
ولو خلقني انثى لحمدته
لأن الله سبحانه وتعالى كرم الأنسان رجل وامرأه
ولكنه خلقنا نوعان اناث ورجال
وكرمنا على باقي الخلق بنعمة العقل
اللهم لك الحمد
اما عن كوني رجل وكونها انثى
فقد جعل الله في قلب كل منا ما يسعده بكينونته
يعني مادمت انا رجل فأنا اعرف كل متعي كرجل واعرف ايضا التزاماتي
ولن اقدر ان اتخيل نفسي انثى
اما عن الأنثى فلا تظني ان من تدعي انها تتمرد على كونها انثى او انها كانت تريد ان تصبح رجل والا كنتي وجدتيها قد حلقت ذقنها وشعر راسها وتوقفت عن التزين
كل ما في الأمر انها تطمع ان تجمع مميزاتها كأمرأه مع مميزات الرجل
مثلها مثل رجال اسما فقط
يحتفظ لنفسه بمميزاته كرجل
ولا يريد ان يتحمل اعباءه كمسؤل
تجدينهم لا يعملون ويعتمد كلية على زوجته مثلا في كسب الرزق
هل تظنين انه يقبل ان يتحول امرأه ابدا هو فقط يريد ان يضيف الى مميزاته مميزات المرأه التي قدر للرجل ان يعتني بها ويرعاها مقابل ان ترعاه هي بطريقتها ولا اقصد فقط العلاقات الزوجيه العاديه ولكني اقصد حنانها ودفئها وتهدئتها له
تربية اولاده مراعاة خاطره تنظيم حياته
فدور المرأه كبير
انا رغيت كتير جدا
هامشي وانتي ابقى كملي بقى
لكي مني كل التحيه
اممممممممممم
هو مين معترض على الستات بقى
هااااااااا
قولى ونقول لمين يعنى مش فاهمه
طيب بزمتك البيت اللى مفهوش بنت زى الطوبه اللى فى الصحراء
المثل ده تأليفى واخراجى خخخخخخخخخخ
انا الحمد لله انى بنت وحلوة كمان
المفقوعة مرارتها
اهلا بيك لك وحشة
فعلا المرأة فى مصر وضعها وحش بس عارفة ليه ؟؟
لانها فى مصر قلبت تتجوز انصاف الرجال وقبلت تتبهدل وشالت ادوار مش بتاعتها وسابت الرجل بيه يمارس كل انواع الذكورة الا الرجولة الحقيقة
دعوة الى كل بنت وكل ست لاتتزوجى الا رجل حقا والا بناقصه وقلته احسن عشان لما نخلف نجيب رجالة حقيقية وماتنوارثش الخيبة
تحياتى
الطائر الحزين
نورت فعلا المدونة ويا ريت ماتطيرش بعيد
تحياتى
انت مذنب ؟
اهلا بيك دا شرف انك تزورنى
كلامك تمام كله
الواحد لازم يحب الله ولو احب الله حيحب نفسه اى كان وحيحب خلقه وخلقته وقدره ونصيبه وظنى بالله حيكون احسن وبالتالى الله سبحانه عند ظنه فحياته كلها افضل
قرات ردك فى حبيبتى واتمنى من الله ان يمن علينا بهدوء النفس وقرارة العين ويصلح حالنا وحال اهلينا وحال كل المسلمين يارب
شرفتنى
ابى ابى ابى
واحدة ست باعتة تقولى انتى فرحانة اوى كدا ليه هو فى واحدة ست مبسوطة انها ست ؟؟!!!!!!!!1 قلتلها انا
قالتلى طاب ليه
فحبيت اشركم معايا فى الرد
يعنى عشان انتى حلوة بتغظينا يعنى بس لعلمك بقى مفيش ست وحشة دا رايى
فى ست مش عارفة انها حلوة ومش عارفة تتعامل مع جمالها
كملى يا جمر
انتي شطبتي خلاص ولا ايه فين البوست الجديد ؟!!!!!
من حكمة الله أن يرضى كل جنس بحاله
هذه نعمة لابد فعلاً أن نحمد الله عليها جميعاً لاثيما القوارير
لكِ تحياتي
اه بقى يا نورة عايزة حاجة
ههه
بحضر بوست بس مشعيزاها تبقى طويلة اصبرى فى حاجة اسمها صبر
المهاجر مرحبا بك اخى الكريم وخطوة عزيزة جدا
howa mafeesh agmal wala a7la mn en elwa7ed yerda belly rapena akramoh beeh
dah gheer ba2a en elbanat fe3lan ne3ma we fe3lan 3andohom 7agat yemken heya ely mekhalyana n3eesh l7d delwaqty
yemken law mafeesh 7ad yesabarny wala yehtamm beya wala ye7enn 3alaia kont enta7art mn zamaan
el donia matenfa3sh mn gheer 7odn :)
إرسال تعليق