ها عايزين ايه؟؟؟؟؟؟؟؟؟؟؟

انتهى من عملى
اصبح شاقا
لااطيق سماع صوت ولا جلبة الصغار
لم يعد صدرى بذاك الاتساع القديم
لم اعد المتفائلة القديمة
اثور على الفتيات لاتفه الاسباب
ينظرن لى فى تعجب ودهشة
ياتينى يعتذرن ويسألنى الن تتحدثى معى اليوم ككل يوم؟؟؟؟؟
قضيتى العيد فين يا مس؟
-.......................
اتفضلى خلصى شغلك يا ريت نشتغل اد مابنتكلم
تنظر لى المسكينة بحرج وضيق

سرعان ماينقلب الى نظرة تحد وتعالى كعادة المراهقين ..تبتعد عن مكتبى وهى تهمهم
مش قلتلكم هى زيهم ..حركات بس ...........اتعصب واثور واهب واقفة انتى قلتى ايه يا بنت؟؟؟؟؟؟؟؟؟
اصل انا اللى استاهل انى اتساههلت معاكم
مفيش بريك يا هانم واقفى عدل
يشتعل الموقف .........افقد اتزانى .......لاافكر الا فى الانتقام
يجب ان يفهم الجميع انى لن اغفر ولن اسامح لم اعد لقمة سائغة

اتركهم واخرج

لا يعنينى اى شىء ..لاافكر الا فى الانصراف الان ..حمقاء .... مازلت ارتدى دبلته ...لا انها دبلتى انا

لن احقق له مأمله ..لم يرض بالطلاق حين اردت وأمننى ثم عاد ليلقينى خارج البيت بعيد عن امانه الخايب الذى ارتضيه صونا لعرضى من الشارع وما فيه..لا لن احقق له مااراد .....كاوهم الجميع انى بخير وان حياتى بخير حتى اقف على قدمى ..حتى اعرف وجهتى وهدفى حتى ينتهى العام ..........

ولكن

ماذنب البنت ؟؟؟؟؟؟؟؟ ماذا فعلت ؟ هى لم تلقينى خارج البيت وانا عائدة من بلدنا يوم العيد وشنطتى محملة بخيرات الله التى اعطتهالى امى ؟؟؟؟؟ مالها ومال الطلاق هى ؟؟؟؟؟؟؟؟؟ ماذا تعرف عن مشاعر امرأة دفعت ثمن اختيارها الغبى ؟ولم ترضى بفعل الله فيها ؟

بس

انا لازم ارتاح .....محتاجة اجازة .......... لازم يعملوا اجازة عواطف او طلاق .......لا بلاش يسموها ..عشان اللى ماكنش عارف يعرف؟ لالالا سموها زى ماهم عايزين بس ارتاح شوية بعيد عن الناس

ادخل غرفتى تأتينى زميلة لى : مالك

- ارتب دوسيهاتى وكتبى دون ان انظر لها .........اتطلقت

-ايه ....يا مصيبتى ....ليه .لااله الا الله ...ليه كدا .......لا بس الحمد لله .انتى ناسية كان عامل فيك ايه .يغور فى ستين .... بس خدتى حقوقك ؟ اوعى تكونى سيبتهاله ؟؟ شكلك سبتيها مانا عارفاك دماغك دى اللى جايبكى ورا .يا حبيبتى ..طاب انتى كويسة ؟ اعدة فين ؟ الله ؟ انتى لابسة الدبلة لسه ليه؟

احمل اوراقى وانظر لها قائلة

انا غايبة بكرة هه بلغيهم بكرة

خرجت

طظ

طظ فى خططى ......طظ فى الناس ..........طظ فى اى حاجة تخلينى افكر .. اللى حكلمنى عنه وعن السبب حقوله عمل فى ايه مش حدارى زى الاول ..

على وعليه بقى ...

لا اريد الجوع الى البيت ...ولكن اين اذهب .الى اين؟؟؟؟؟؟؟

ليس لى مكان اخر يرن تليفونى ياه مين افتكرنى

رقم غريب ......انتى كويسة ؟؟

- الحمد لله مين معايا

-مش مهم المهم انا عايز اقولك هو ندمان عليك اوى

قفلت السكة

سقطت الاوراق من يدى ارتكنت الى حائط وافرغت مافى معدتى

يد تربت على كتفى .مالك يا بنتى انتى تعبانة اوديكى مستشفى ؟

اروح بس اروح من فضلك ......ت تا تاكسى

ارمى بنفسى داخل التاكس واشير له الى اخر الشارع انزل ارتقى السلم وانا متهدجة الانفاس

ادخل الشقة .. اجد امى .ارتمى فى حضنها

ماما ........

نعم يا حبيبتى

انا صح ؟

صح صح اوعى تتلخبطى الا تجيلك حالة نفسية يا ختى انتى بخير ان شاء الله بخير

الحمد لله

اغمض عينى وانام